Oblystyq Qazaqstan halqy Assambleıasy jáne oblys ákimi apparatynyń «Qoǵamdyq kelisim» kommýnaldyq memlekettik mekemesiniń uıymdastyrýymen oblysta alǵashqy medıatorlar sleti ótti dep habarlaıdy «Egemen.Kz» tilshisi.
Jıynda oblys ákimi apparaty basshysynyń orynbasary Serik Shotaev oblystaǵy medıasııa ınstıtýtynyń damý barysy týraly taratyp aıtsa, Qyzylorda qalalyq ardagerler keńesiniń tóraǵasy, qoǵamdyq medıator Saılaýbaı Ábishev, «Bitim» medıasııa ortalyǵynyń trener-medıatory Lázzat Baqtybaeva, Qorqyt Ata atyndaǵy Qyzylorda memlekettik ýnıversıtetiniń «Quqyqtaný» kafedrasynyń dosenti, zań ǵylymdarynyń kandıdaty, kásibı medıator Janat Isaeva sóz alyp, óz usynystaryn bildirdi.
О́tken jyly óńirde 48 kásibı jáne 343 qoǵamdyq medıator tirkelgen eken. Al, bıylǵy jyldyń I jartyjyldyǵy qorytyndysy boıynsha qaladaǵy jáne aýdandandarǵy kásibı jáne kásibı emes medıatorlardyń tizimin qaıta jasaqtaý, tekserý jumystary nátıjesinde 57 kásibı jáne 615 qoǵamdyq medıator tirkelgen. Medıatorlar sleti aldaǵy jasalatyn jumystardyń mańyzdylyǵyn arttyratyn bolady.
Baqtııar TAIJAN,
«Egemen Qazaqstan»
Qyzylorda oblysy