Búgin dúnıe júzi boıynsha alyp sport arenalarynyń biri sanalatyn London qalasyndaǵy Olımpııalyq stadıonnyń qurylysynyń bitkenine bir jyl tolady.
Dál osy kúni, 2011 jyly onyń ashylý saltanaty ótip, oǵan Olımpıadany uıymdastyrý komıtetiniń tóraǵasy Sebastıan Koý, Ulybrıtanııanyń Olımpııa oıyndary isteri jónindegi mınıstri Tessa Djoýell sııaqty laýazym ıeleri qatysyp, stadıonǵa aq batalaryn bergen bolatyn. Sodan beri ol qaıta kúrdeli jóndeýden ótken ataqty «Ýemblı», «Arsenal» fýtbol klýbynyń Emirates stadium jáne Tvıkenhemdegi regbı stadıony sııaqty Tumandy Albıon halqynyń búkil álemge maqtana alatyn sport arenalarynyń biri bolyp keledi.
Búgin dúnıe júzi boıynsha alyp sport arenalarynyń biri sanalatyn London qalasyndaǵy Olımpııalyq stadıonnyń qurylysynyń bitkenine bir jyl tolady.
Dál osy kúni, 2011 jyly onyń ashylý saltanaty ótip, oǵan Olımpıadany uıymdastyrý komıtetiniń tóraǵasy Sebastıan Koý, Ulybrıtanııanyń Olımpııa oıyndary isteri jónindegi mınıstri Tessa Djoýell sııaqty laýazym ıeleri qatysyp, stadıonǵa aq batalaryn bergen bolatyn. Sodan beri ol qaıta kúrdeli jóndeýden ótken ataqty «Ýemblı», «Arsenal» fýtbol klýbynyń Emirates stadium jáne Tvıkenhemdegi regbı stadıony sııaqty Tumandy Albıon halqynyń búkil álemge maqtana alatyn sport arenalarynyń biri bolyp keledi.
Jańa stadıon Londonnyń Stratford aýdanynda ornalasqan. Ony salý úshin sol jerde turǵan 33 ǵımarat buzylyp, 800 000 tonna qum tóselgen eken. Al stadıonnyń qurylysy 2008 jyldyń mamyr aıynda bastalyp, 3 jyldan keıin bitken. Olımpıadany uıymdastyrý komıteti 3 jylǵa jeter-jetpes ýaqytta salynǵan stadıonnyń qurylysyna áli kúnge deıin ózderi tańdanystaryn jasyrmaıdy eken.
Stadıonnyń qurylysyna jumsalǵan qarjyǵa kelsek, ol 270 mln. fýnt sterlıng nemese 836 mln. AQSh dollaryn quraıdy. Qurylysqa barlyǵy 5 000-nan astam adam qatysqan. Al sport arenasynyń ózi 80 000 adamǵa arnalǵan. Bul jerde fýtbol, jeńil atletıka men basqa da sport túrlerinen jarystar ótkizýge bolady. Eń bastysy, stadıonda bıylǵy Olımpııa oıyndarynyń ashylý jáne jabylý saltanaty ótedi.