Týǵan jerimnen qymbat meken joq

Týǵan jerimnen qymbat meken joq

Beısenbi, 18 qazan 2012 7:43

Men Qazaqstan jerinde, qazaq to­pyraǵynda, dálirek aıtsam, Mańǵys­taý óńirinde ómirge keldim. Biraq, ata-anamnyń jumys babymen Qyr­ǵyz­standa da turdyq. Qyrǵyzstanǵa qo­nys aýdarǵanda bes jasta edim. Sol eldiń Jalalabad qalasynda mektepte oqydym. Keıin Bishkektegi hore­ogra­fııalyq ýchılısheni bitirdim.

 

Beısenbi, 18 qazan 2012 7:43

Men Qazaqstan jerinde, qazaq to­pyraǵynda, dálirek aıtsam, Mańǵys­taý óńirinde ómirge keldim. Biraq, ata-anamnyń jumys babymen Qyr­ǵyz­standa da turdyq. Qyrǵyzstanǵa qo­nys aýdarǵanda bes jasta edim. Sol eldiń Jalalabad qalasynda mektepte oqydym. Keıin Bishkektegi hore­ogra­fııalyq ýchılısheni bitirdim.

Adam óziniń taǵdyry qalaı qa­lyp­tasaryn aldyn ala boljaı almaıdy ǵoı. Muny jumysymdy Reseıdiń Chelıabi qalasynda bastaǵanyma baı­la­nys­ty aıtyp otyrmyn. Al 1992 jy­ly Qazaqstanǵa qaıta oralýyma týra kelgende qatty qýandym. О́ıtkeni, meniń kindik qanym qazaqtyń jerinde tamdy emes pe? Onyń ústine qazaq pen tatar halqynyń bir-birimen týystyq baılanysy bar. Bizdiń halyqtardyń tamyry bir, dinimiz de bir, tilimiz de uqsas, túrki jurtynyń balalarymyz ǵoı. Tipti babalarymyz bir-birimen qyz alysyp, qyz berisip, qudandaly da bolǵan. Munyń bári – búginge deıin eki halyqtyń arasyndaǵy týystyq, dostyq baılanystardyń urpaqtan ur­paq­qa jalǵasyn taba beretininiń dáleli.

Bul kúnderi sheshem Tatarstanda tursa da jıi baılanysyp, ha­bar­lasyp turamyz. Sonda anam: «Qa­zaqstan halqynyń birligi, tatýlyǵy myq­ty ǵoı. Kórshilerińmen, jora-jol­das­ta­ryń­men, dostaryńmen uda­ıy tatý bol. Elińdi, qazaq halqyn, olardyń salt-dástúrin, tarıhy men mádenıetin, óne­rin qurmette. Qazaq­stannyń órkendeı berýine úlesińdi qosýdan tartynba, qolyńnan kelse, kómegińdi aıama», degendi telefonmen bolsa da udaıy aı­typ otyrady. Mu­ny anamnyń ama­naty dep túsinemin.

Bul ómirde adamdardyń tatýly­ǵy­nan, dostyǵynan qymbat nárse joq­tyǵyn balalarymnyń qulaǵyna ózim de quıyp kelemin. О́zim jetekshilik etetin «Tatýlyq» tatar-bashqurt etno­mádenı birlestigi ótkizetin sharalarda bas qosatyn Atyraýdaǵy úlkenderimiz de jastarǵa osyndaı ósıetin árdaıym aıtyp keledi. Sebebi, Qazaqstannyń ár óńirinde birneshe ulttyń ókili tatý-tátti turmysyn jalǵastyrýda. Aty­raý­dyń ózinde 2200-den astam tatar-bashqurt ókilderi turady. Olarǵa ózge ulttyń ókilisiń dep eshkim aıtpaıdy. Kerisinshe, qazaq halqynyń qonaq­jaı­lyǵy, dosqa adaldyǵy elimizdegi barsha etnosty bir-birimen syralǵy dos­tardaı bite qaınastyrýda.

 Munyń basqa da sebepteri bar.   Birinshiden, Elbasymyz Nursultan     Nazarbaev barsha qazaqstandyqtardyń arasynda birlikti berik ornyqtyryp keledi. Ekinshiden, memleket tara­py­nan ózge ulttardyń ulttyq qundy­lyǵynan ajyramaýy úshin barynsha qolaıly jaǵdaı jasalýda. Máselen, bizde úsh býynnyń basyn qosatyn, tatar-bashqurt halyqtarynyń ulttyq óneriniń tereń tamyr jaıýyna jol ashatyn úsh shyǵarmashylyq ansambl bar. Kishi toptaǵy balalar «Bala­qaı­da» jınalyp, ulttyq ónermen sýsyn­daı bastaıdy. Al orta býyndaǵy jastar «Tatýlyq» jastar qanaty» ansamblinde ulttyq ónerdiń qundy­lyq­taryn boıyna sińiredi. Al aǵala­ry­myz ben ápkelerimiz «Tatýlyq» ansamblinde erteden kele jatqan óne­rimizdiń tamyry úzilmeýin keıingi ur­paqqa keńinen nasıhattaıdy. Qazaq halqynyń ónerin de meńgeredi.

Sharalarymyzdy memlekettik tilde de ótkizemiz. О́zim, sonymen birge, jasóspirim qyzdardy bı ónerine baý­lımyn. Oǵan ultyna qaramaı, bı bıleýge ıkemi, qabileti bar qyzdardy qabyldaımyn. Olarǵa bir-birimen tatý, dos bolýdyń mańyzyn túsindirip júremin. Bizdiń Qazaqstandy meken etken barsha etnos úshin yntymaqtan, birlik pen tatýlyqtan, turaqtylyqtan qymbat nárse joǵyna kózimiz jetti. Qazaqta «Yrys aldy – yntymaq», «Tatý úıge taqsiret jolamaıdy» dep beker aıtylmaıdy ǵoı. Qazaqstan – bizdiń ortaq úıimiz! Bereke men birlikke, qýanysh pen saltanatqa toly úı qaı kezde de qymbat bolatyny daýsyz. Bıshi qyzdarymdy óner saıysyna qatystyrý úshin alys jol júrsem, týǵan elim – Qazaqstanǵa tezirek jetýge asyǵamyn. Sondaıda júregimdi týǵan elge degen saǵynysh sezimi kerneıdi. El shebine engen sátte-aq men úshin qazaq jerinen ózge qymbat ári qutty meken bolmaıtynyn anyq sezine bastaımyn.

Osyndaı tolǵanys sezimmen Qa­zaq­standaǵy barsha musylman qaýymyn Qurban aıt merekesimen shyn jú­re­gimmen quttyqtaımyn. Elimizdegi birlik pen tatýlyq arta berse eken, elimizdegi tynyshtyq máńgilik bolsa eken dep tileımin. Qazaqstandaı eko­nomı­kasy qýatty, halqy ózara tatý elde turatynymdy udaıy maqtan tutamyn.

Gúlsına BAIKENOVA,

 «Tatýlyq» tatar-bashqurt etnomádenı

birlestiginiń jetekshisi.

Atyraý oblysy.