Baqytty shańyraq aıasynda

Senbi, 19 mamyr 2012 8:35

Dalany jaınatyp, qustardy saıratqan kógildir kóktemmen ár adamnyń mereıin asqaqtatatyn, qýanyshqa bóleıtin, peıil-nıetterin biriktiretin merekeler de birge keledi. Osy mezgilde kókten altyn kún shapaq shashsa, halyq ta dýmandy sátti asqaq rýhpen ótkizip, shat-shadyman bolatyny bar. Árıne, oǵan – elimizdegi beıbitshilik pen tynyshtyq, etnostar arasyndaǵy jibek jipteı jalǵasqan ózara dostyq pen yntymaq altyn arqaý.

Senbi, 19 mamyr 2012 8:35

Dalany jaınatyp, qustardy saıratqan kógildir kóktemmen ár adamnyń mereıin asqaqtatatyn, qýanyshqa bóleıtin, peıil-nıetterin biriktiretin merekeler de birge keledi. Osy mezgilde kókten altyn kún shapaq shashsa, halyq ta dýmandy sátti asqaq rýhpen ótkizip, shat-shadyman bolatyny bar. Árıne, oǵan – elimizdegi beıbitshilik pen tynyshtyq, etnostar arasyndaǵy jibek jipteı jalǵasqan ózara dostyq pen yntymaq altyn arqaý.

Qazaqstan halqynyń birligi kúnin jetisýlyqtar da jyl saıyn qýanyshpen qarsy alatyn dástúr bar. Solardyń qatarynda Kóksý aýdanynda turatyn ázer­baıjan ultynyń ókilderi – Kýlıevter otbasy sonaý 1930-shy jyldary jer aýdarylyp kel­gen­derdiń biri. Elimiz olar úshin qutty qonysqa aınalyp, birneshe urpaq almasyp, otbasy ósip-óndi. Olar halqymyzdyń qonaq­jaı, dostyq peıiline saı árkez egemen eldiń tileýin tilep, bo­lashaǵy búginnen de jarqyn bo­lýyna atsalysyp keledi.

Otan – otbasynan bastalady. Memlekette bereke-birlik bolýy úshin árbir otbasynda tatýlyq, túsinistik bolýy qajet dep esepteıdi. Olar kórshilerimen tatý, ókpelesken kezderi bolmapty. Mańaıynda qazaq, orys, nemis, tatar ultynyń ókilderi turady. Dastarqandary jınalmaı, bir-birin quttyqtap, eldegi ynty­maqqa syna túspesin dep tileıdi.

– Qazaqstanda ómirge kelip, osyndaǵy beıbit kúnderdi bastan keshirgenime qýanamyn. Álemdegi erteńine senimdi, turaqty el ekeni anyq. Búginde álemniń bir jerinde soǵys, bir jerinde tóń­ke­ris oryn alyp jatyr. Bizde ty­nyshtyq. Elbasy Nursultan Nazarbaev egemen elimizdegi beıbitshilikti saqtap, ultyna qara­mas­tan, bir shańyraq astyna biriktirip, teń quqyly kún keshýdemiz, deıdi Gúlhara Kýlıeva.

О́tkensiz búgingini boljaı almaımyz. Bul aksıomany Kýlıevter otbasy jaqsy túsinedi. Ata-babalaryn ash-jalańash kelgende qushaq jaıa qarsy alǵan qazaqtardyń qonaqjaılylyǵyn áli de ertegideı aıtady úlken­der. Aǵa býyn «qazaq halqynan aınalaıyn» deýi osydan. Bul áýlettiń ár múshesi tarıhı otan, ekinshi otan degen sóz tirkesterin múlde qoldanbaıdy. Olar adamda bir ǵana otan bolýy kerek, dep tujyrymdaıdy. О́ıtkeni, ósip-óngen jeri Qazaqstannyń bola­shaǵynyń berik bolýyn qalaıdy. Eldiń órkendeýine ózderi de úles qosýǵa umtylyp, bilim alýda.

– Qazaqstan – meniń Otanym. Ony júregimde máńgi saqtaımyn. Osy halyqtyń keńdigi arqasynda meniń atalarym osy mekenge tu­raq­tady. Demek, men úshin qazaqtan asqan ult, bul jerden artyq meken joq. Mine, úı saldyq, aǵash otyr­ǵyz­dyq. Bilim aldyq. Qyzmetimiz de bar. Endi el damýy úshin ter tógip, Elba­synyń saıasatyn júzege asyrýǵa úles qosamyz, – deıdi Saǵıb Kýlıev áńgimege aralasyp.

Qandaı qýanyshta bolmasyn Kýlıevter túgel qarashańyraqqa jınalady. Birin biri quttyqtap, úlkender búgingi tirlikterine shú­kirlik jasaıdy. Jastarǵa el ishindegi aýyzbirlik pen ynty­maqty nasıhattaýǵa keńes beredi. Mun­daı saıası-ekonomıkalyq turaqty el joq, degendi jıi eske salady.

Kóksý aýdanynda 2000-nan asa ázerbaıjan ultynyń ókili tursa, olardyń kóńilinde elge, jerge degen rııasyz kóńildi kóre­siń. Olar ózge ult ókilderimen qatar tatý-tátti ǵumyr keshýde.

Kúmisjan BAIJAN,

«Egemen Qazaqstan».

Almaty oblysy.