Tájirıbe almasyp, dárister oqydy

Juma, 3 tamyz 2012 7:42

Qyzyljar óńirinde Ulttyq medısınalyq holdıng kúnderi ótip, onyń aıasynda holdıng pen oblystyq densaýlyq saqtaý basqarmasy ózara yntymaqtastyq týraly memorandýmǵa qol qoıdy. Prezıdent Nursultan Nazarbaev «Bolashaq gospıtali» dep ataǵan medısı­nalyq holdıng quramyndaǵy joǵary maman­dan­dyrylǵan 6 jetekshi medısınalyq ortalyqtyń basshylary men mamandary eki kúnge sozylǵan shara barysynda emdeý mekemelerin aralap, tájirıbe almasty.

Juma, 3 tamyz 2012 7:42

Qyzyljar óńirinde Ulttyq medısınalyq holdıng kúnderi ótip, onyń aıasynda holdıng pen oblystyq densaýlyq saqtaý basqarmasy ózara yntymaqtastyq týraly memorandýmǵa qol qoıdy. Prezıdent Nursultan Nazarbaev «Bolashaq gospıtali» dep ataǵan medısı­nalyq holdıng quramyndaǵy joǵary maman­dan­dyrylǵan 6 jetekshi medısınalyq ortalyqtyń basshylary men mamandary eki kúnge sozylǵan shara barysynda emdeý mekemelerin aralap, tájirıbe almasty.

BAQ ókilderine bergen suhbatynda «Ulttyq medısınalyq holdıng» AQ basqarmasynyń tóraǵasy Eljan Birtanov mundaı aksııalar tizbegin elimizdiń óńirlerinde ótkizý dástúrge aınalǵanyn, ondaǵy maqsat Elbasynyń halyqqa arnaǵan Joldaýyn jáne «Áleý­mettik jańǵyrtýlar» jónindegi tapsyrmalaryn oryndaý bolyp tabylatynyn jetkizdi. Turǵyndarǵa sapaly ári qoljetimdi medısınalyq kómek kórsetý maqsa­tymen elimizde ınnovasııalyq-medısınalyq tehnologııalardy óńirlerge engizý, biliktilik kýrstaryn uıym­dastyrý jaǵdaıy jaqsaryp keledi. Aksııalar aıasynda joǵary bilimdi mamandardyń dáristerin tyńdaý, sheber­lik synyptaryn ótkizý arqyly jergilikti jerlerdegi mamandardyń bilimderin jetildirýge aı­ryq­sha mańyz berilgen.Memleket basshysynyń tikeleı qoldaýymen qu­rylǵan Ulttyq medısınalyq holdıng mekemelerinde jylyna 30 myńnan astam naýqas emdelse, onyń 70 paıyzyn óńirlerden kelgender quraıdy. Jyl saıyn 40-tan asa jańa medısınalyq tehnologııa engiziledi. Sonyń arqasynda kúnine 2000-nan astam naýqasqa kúrdeli ota jasap, konsýltasııalyq kómek kórsetý múmkindigi týdy. Jıynda «Ana men bala ulttyq ǵy­lymı ortalyǵy» AQ basqarma tóraıymy Tamara Voshenkova, «Respýblıkalyq dıagnostıkalyq orta­lyq» AQ basqarma tóraǵasy Ámir Ahetov sóz alyp, ýaqyt talabynan týyndap otyrǵan problemalardy ortaǵa saldy. «Respýblıkalyq neırohırýrgııa ǵylymı ortalyǵy, «Respýblıkalyq jedel medısınalyq jár­dem orta­lyǵy» jáne «Respýblıkalyq balalardy ońaltý orta­lyǵy» aksıonerlik qoǵamdarynan kelgen mamandar da ózderin tolǵantqan máseleler jóninde oı bólisti. Delegasııa quramyndaǵy joǵary sanatty dári­gerler men mamandar sheberlik synyby saǵattaryn ótkizip, kardıologııa, gınekologııa, gepatologııa, ýrologııa jáne basqa da salalar boıynsha dárister oqydy.Baqytjan JOLDASOVA,jýrnalıst.Soltústik Qazaqstan oblysy.