Volonter

Seısenbi, 21 tamyz 2012 7:15

Áıgerim Erlanqyzy Masalımova Londondaǵy Olımpıada oıyndary kezinde aǵylshyn eli jaǵynan VIP beldeýinde Ulybrıtanııa patshaıymy Elızaveta II otbasy men Reseı, Chernogorııa, Rýmynııa prezıdentterine, joǵary mártebeli sheteldikterge qyzmet kórsetti.

Seısenbi, 21 tamyz 2012 7:15

Áıgerim Erlanqyzy Masalımova Londondaǵy Olımpıada oıyndary kezinde aǵylshyn eli jaǵynan VIP beldeýinde Ulybrıtanııa patshaıymy Elızaveta II otbasy men Reseı, Chernogorııa, Rýmynııa prezıdentterine, joǵary mártebeli sheteldikterge qyzmet kórsetti.

Olımpıada oıyndary bel ortadan aýǵan shaq. Álemdegi eń iri kór­me zaly – «Eksel» saýda orta­ly­ǵynyń arnaıy jabdyqtalǵan aýyr at­letter zalynda ıne shanshar oryn joq. О́ıtkeni, búgin dańqty aýyr atlet Ilıa Ilın 94 kılo sal­maqta óner kórsetpek. Jer­lesi­mizge jankúıer bolǵandar atshap­ty­rym «Ekseldi» jaýlap alǵan syńaıly. Tipti, olardyń sany bes júz­den asatyndaı. Jarys bas­ta­larǵa sanaýly mınýttar qalǵan kez­de qasynda birneshe mártebeli sheteldikter bar uzyn boıly, ádemi qyz kelip, VIP minbege jaıǵasty.Shalǵaıda júrgende eldi saǵy­na­­syń, jerlesterdi kórgende shúı­ir­kelese ketesiń. Tanystyq. Semeıde týyp, Maqanshyda, Jarmada, sońynan О́skemende bilim alǵan Áıgerim Erlanqyzy Masalımova eken. Qytaı, aǵylshyn tilin jetik meńgerip alǵan. Munyń aldynda Beı­jińde eki jyl oqyǵan kezde Olım­pıada oıyndarynda erikti re­tinde qyzmet etkisi kelgen talaby júzege aspaı qalypty. Nebári 16 jastaǵy oǵan sol kezde «jasyń jet­peıdi» degen ýáj aıtypty on­daǵylar.Ilıa Ilın eki dúrkin Olım­pıa­da oıyndarynyń chempıony atandy. Bórkimizdi aspanǵa atyp, jer­­lesimizdiń jeńisin atap óttik. «Qa­zaq aýylyna» Áıgerimmen birge ke­lip áńgimelestik.– Ata-anam Erlan Masalımov pen Janat Akımova bizdiń tereń bi­lim alyp, elimizge adal qyzmet etýimizdi nazardan shyǵarmaıtyn. Keı pánderge repetıtor jaldaıtyn. Birneshe shet tilin úırete bas­tady. Úlken apaıym Dıana da kóp tildi meńgergen, qazir jubaıymen Dýbaıda turady. Ortanshy apaıym Alýa da shet tilin jetik meńgergen, Astanada qyzmet etedi. Bir otba­syn­daǵy úsh birdeı qyzdyń Prezı­denttiń «Bolashaq» baǵdarlamasy boıynsha stıpendııasyn jeńip alýy sırek kezdesetin oqıǵa ǵoı. Sol úshin ata-anamyzǵa ǵumyr boıy qa­ryzdarmyz. Eki jyl ishinde qytaı tilin jetik meńgerdim, qazir Lon­dondaǵy IýSIEL ýnıversıtetiniń kolledjiniń ekinshi kýrsyndamyn.– Ulybrıtanııa memleketi ózińe se­nim bildirip, VIP qonaqtarǵa, pat­­shaıym otbasyna, shet el Pre­zı­­dent­terine sál ýaqyt tapqanda jer­lesterińe qyzmet etýge qalaı sha­qyrdy? Bul úlken mártebe ǵoı.– Beıjińde jasyń tolmady dedi. Eki jyl buryn Londondaǵy Olım­pıadalyq komıtetke qujat­ta­rymdy jiberdim. Kóptegen trennıngterden óttim. Bir ǵana mysal. Sportshylar sheshinetin jerde ora­mal jınaýdan bastap asa már­tebeli qonaqtarǵa qyzmet kórsetý sııaqty synnan ótýge týra keldi. Ásirese, dárigerlik járdem kór­se­týdegi iskerligimdi baǵalady. Shet el tilderin jetik biletin, Qytaı men Anglııada alǵan bilimim maǵan asa quzyrly jandarǵa qyz­met etýge múmkindik berdi. Gersogınıa Kate Mıdlton, Taq murageri Ýılıam, Ispanııa hanshaıymy Sofııa, taǵy basqalar mádenıetim men bilimimdi, tildi jetik meń­ger­genimdi ańǵaryp. «Ultyń kim?» dep suraǵan kezde, Qazaqstannan ekenimdi aıttym. Keıbiri as­qaq­ta­ǵan Astanada bolǵandaryn, Azııa oıyndarynyń tamasha ótkenin aıt­qan kezde elim úshin maq­tan­dym. Basketboldan fınaldyq oıyn kezinde ataqty fýtbolshy Devıd Bekhemdi ertip júrip, aýdarmashy boldym. Maııa, Zúlfııa altynnan alqa taqqan kezde ýaqyt taýyp, janynda bolyp, sheteldik jýrnalısterge qyzmet ettim. Ol ol ma, elden kelgen aǵaıyndar meni telefon arqyly taýyp alyp, qalanyń tarıhı eskertkishteri men myń jyldyq tarıhy bar ataq­ty Vındzor qamalyna ertip barýyn ótingende, kelisimimdi ber­dim. Ulybrıtanııany 60 jyl bas­qaryp kele jatqan Elızaveta II senbi jáne jeksenbi kúnderi Vın­d­zor qamalyndaǵy rezıdensııasyna kelip demalady, atpen serýen­deıdi. Qamaldaǵy sýretter men jádigerler uly memlekettiń ataq-dańqyn asqaqtatyp tur emes pe. Aıtpaqshy, Olımpıada ashylar qarsańda Qazaqstannyń Prezı­den­ti N.Nazarbaev Kembrıdj ýnı­ver­sıtetine kelip, leksııa oqydy, eli­mizdiń qol jetken tabystary jaı­ly keńinen áńgimeledi. Er­teń­inde Londondaǵy iri basylymdar Elba­synyń sóılegen sózin jarııalady. Menimen birge oqıtyn shetel stý­dentteri «Áıgerim qandaı ba­qyt­ty­syń. Qazaqstandy búkil álem bi­ledi, Prezıdenttiń bedeli erekshe eken», dep quttyqtady.Bul kúnderi «Bolashaq» baǵ­dar­lamasy boıynsha júzdegen qazaq jastary Londonda, basqa memleketterde bilim alyp jatyr. Kúni erteń biz el bolashaǵy úshin qyzmet etemiz. Qazaqstan bizdi shet el­der­diń bilikti oqý oryndarynda tegin oqytyp jatyr. Odan asqan qandaı baq bar?! Al Londondaǵy Qazaq eli­niń adam nanǵysyz sporttaǵy je­­tistikteri kók baıraǵy jel­bire­gen baıtaq dalamyzdyń bolashaǵyn aı­qyn ańǵartsa kerek, – dep sózin aıaqtady Áıgerim.Ońdasyn ELÝBAI,«Egemen Qazaqstan»London.