Sársenbi, 6 maýsym 2012 7:12
KADDAFIGE KО́MEKTESTI DEP AIYPTALDY
Trıpolıdiń áskerı soty Ýkraınanyń, Belorýssııanyń jáne Reseıdiń 24azamatyn Kaddafı rejiminiń áskerı tehnıkasyn jóndegeni úshinaıypty dep tapty.
Reseıdiń bir azamaty ómir boıyna bas bostandyǵynan aıyrýǵa kesildi, al qalǵandary: 19 ýkraın azamaty, 1 Reseı azamaty jáne 3 Belarýs azamaty árqaısysy 10 jylǵa sottaldy. Sot sheshim shyǵarmas buryn Ýkraına syrtqy ister mınıstrligi men Lıvııa arasynda uzaq kelissózder júrdi. Kıev tipti Lıvııaǵa gýmanıtarlyq kómek retinde eki ushaq, saperler brıgadasyn jiberip, jaraly lıvııalyqtardy ózderinde emdedi. Sonyń nátıjesinde 4 ýkraınalyq elderine qaıtyp oraldy.
Sársenbi, 6 maýsym 2012 7:12
KADDAFIGE KО́MEKTESTI DEP AIYPTALDY
Trıpolıdiń áskerı soty Ýkraınanyń, Belorýssııanyń jáne Reseıdiń 24azamatyn Kaddafı rejiminiń áskerı tehnıkasyn jóndegeni úshinaıypty dep tapty.
Reseıdiń bir azamaty ómir boıyna bas bostandyǵynan aıyrýǵa kesildi, al qalǵandary: 19 ýkraın azamaty, 1 Reseı azamaty jáne 3 Belarýs azamaty árqaısysy 10 jylǵa sottaldy. Sot sheshim shyǵarmas buryn Ýkraına syrtqy ister mınıstrligi men Lıvııa arasynda uzaq kelissózder júrdi. Kıev tipti Lıvııaǵa gýmanıtarlyq kómek retinde eki ushaq, saperler brıgadasyn jiberip, jaraly lıvııalyqtardy ózderinde emdedi. Sonyń nátıjesinde 4 ýkraınalyq elderine qaıtyp oraldy.
MUSYLMANDARDY NELIKTEN JEK KО́RDI?
Eki birdeı terakt uıymdastyrǵan norvegııalyq terrorshy AndersBreıvık sot barysynda óziniń musylmandardy nelikten jek kóretininaıtyp berdi.
Onyń aıtýynsha, bala kezinde musylmandarmen bolǵan qarym-qatynas tájirıbesi oǵan qatty áser etken. Birinshi ret ol musylmanmen 7 jasynda kezdesken. Onda Túrkııadan shyqqan dosynyń ákesi munyń velosıpedin qıratqan. Taǵy bir joly bireýler munyń anasynyń esiginiń janyna qoqys toly qapshyq qaldyryp ketken. Sonymen birge ol óziniń ımmıgrant otbasylarynan shyqqan birneshe dostary bolǵanyn da moıyndaǵan. Breıvık olardyń norveg balalaryna qaraǵanda qaısarlyǵynyń ózin tánti etkenin de atap kórsetken.
KELISIMNIŃ ORYNDALÝYN TALAP ETTI
AQSh taǵy da Reseıdi 2008 jyly qol qoıylǵan Grýzııaǵa qarsy oqatýdy toqtatý jónindegi kelisimdi tolyq oryndaýǵa shaqyryp otyr.
AQSh memlekettik hatshysy Hılları Klınton bul jóninde Batýmıde strategııalyq qyzmettestik hartııasynyń grýzın-amerıka komıssııasynyń ashylýy kezinde málimdegen. Biz basyp alynǵan aýmaqtan Reseıdiń búkil qarýly qurylymdarynyń shyǵarylýyn qarastyratyn osynaý kelisimniń barlyq tarmaqtarynyń oryndalýyn talap etemiz dep atap kórsetken Hılları Klınton. Sonymen birge ol Vashıngtonnyń Grýzııanyń aýmaqtyq tutastyǵy men egemendigin moıyndaıtynyn da málimdegen.
JAŃA MÚMKINDIKTER JOLY
Soltústikatlantıkalyq odaq Aýǵanstannan halyqaralyqáskerlerdi shyǵarǵan kezde áskerı tehnıka jáne basqa da jabdyqtartranzıti jóninde О́zbekstanmen, Qyrǵyzstanmen jáneQazaqstanmen kelisimge kelgenin habarlady.
Tıisti qujattarǵa Brıýsselde qol qoıylǵan. NATO bas hatshysy Anders Fog Rasmýssenniń aıtýynsha, atalǵan kelisim Aýǵanstannan 2014 jyldyń sońynda áskerlerdi shyǵarýdy qamtamasyz etý isinde Soltústikatlantıkalyq odaqqa jańa múmkindikter beredi. Atap aıtqanda, sońǵy jyldary AQSh-pen qarym-qatynasy nasharlaı túsken Pákstandy aınalyp ótýge jaǵdaı týmaqshy.
IZRAIL SOǴYSQA DAIYNDALYP JATYR MA?
GFR-dyń resmı ókilderi alǵash ret nemis tarapynyń Izraılge ıadrolyq oqtumsyǵy bar zymyrandarmen jabdyqtaýǵa bolatyn súńgýir qaıyqtar jetkizip bergenin rastaǵan.
Bul jóninde nemistiń «Shpıgel» jýrnaly óziniń jýrnalıstik zertteýleriniń qorytyndylary boıynsha habarlaǵan. Áńgime «Delfın» klasyna jatatyn kóp maqsatty súńgýir qaıyqtar jóninde bolyp otyr. Jýrnaldyń jazýyna qaraǵanda, atalmysh súńgýir qaıyqqa ornatylatyn zymyrandar salmaǵy 200 kılo tartatyn ıadrolyq oqtumsyqty 1500 shaqyrym qashyqtyqqa deıin jetkize alatyn kórinedi.
ÚShINShI REAKTOR TÝRALY SYBYS
Iran qupııa túrde úshinshi ıadrolyq reaktordy qurýda, delingen amerıkalyq «Izıs» zertteý ortalyǵynyń esebinde.
Sarapshylar birqatar ırandyq joǵary laýazymdy tulǵalardyń aıtqandary men Atom energetıkasy jónindegi halyqaralyq agenttiktiń (MAGATE) esebin negizge alyp otyrǵan kórinedi. Jańa reaktordyń qaı jerde ornalasqandyǵy jóninde ázirge eshqandaı aqparat joq. Keıbir málimetterge qaraǵanda, Iran óz qolastyndaǵy baıytylǵan ýrannyń 10 paıyzyn sońǵy úsh aıda óndirgen kórinedi.
SIRIIа MÁSELESIN SIRIIаLYQTAR ShEShÝI TIIS
Reseı Sırııa prezıdenti Bashar Asadty ornynan ketirý týraly AQSh-pen eshqandaı kelissózder júrgizip jatqan joq.
Reseı Federasııasy syrtqy ister mınıstriniń orynbasary Mıhaıl Bogdanov keshe osylaı dep málimdedi. Bul máseleni bóten bireýler emes, sırııalyqtardyń ózderi talqylaýǵa tıis dep atap kórsetken M.Bogdanov. Sonymen birge ol qazirgi kezde Reseıdiń Sırııadaǵy ahýalǵa qatysty barlyq sheteldik áriptesterimen, sonyń ishinde AQSh-pen de qarqyndy kelissózder júrgizip jatqanyn habarlaǵan.
ÁÝEJAI EREÝILShILERDEN TAZARTYLDY
Lıvııa ókimetine adal áskerler Trıpolı halyqaralyq áýejaıyndaǵy jaǵdaıdy óz baqylaýyna aldy.
Aıta ketý kerek, áýejaıdy ereýilshiler birneshe saǵat boıy qursaýda ustaǵan bolatyn. Jergilikti buqaralyq aqparat quraldarynyń habarlaýynsha, operasııa barysynda 10 adam zardap shekken. Osydan bir kún buryn eldiń ortalyǵynan kelgen taıpalyq qarsylyq kórsetýshi jaýyngerler óz kósemderi Ábý Adjıl ál-Habshıdi bosatýdy talap etip, áýejaıdy qorshap alyp, ushý-qoný alańyn jaýyp tastaǵan bolatyn.
Internet materıaldary negizinde ázirlendi.