Juma, 7 qyrkúıek 2012 7:28
Madagaskar aral-memleketi – ekzotıkalyq sıpaty bar el. Keıde qala men aýylynyń arasy qosylyp jatady. Qalada da mal – tirshilik kózi. Endi sol malǵa qatysty qaqtyǵystar jıi kezigedi. Tipti ol adam ólimine de aparyp soqtyrady.
Juma, 7 qyrkúıek 2012 7:28
Madagaskar aral-memleketi – ekzotıkalyq sıpaty bar el. Keıde qala men aýylynyń arasy qosylyp jatady. Qalada da mal – tirshilik kózi. Endi sol malǵa qatysty qaqtyǵystar jıi kezigedi. Tipti ol adam ólimine de aparyp soqtyrady.
Jaqynda, naqtyraq aıtqanda, osy qyrkúıektiń alǵashqy kúni eldiń ońtústik-shyǵysyndaǵy Betrýka qalasyna júzge tarta qarýly qaraqshy-barymtashylar shabýyl jasap, turǵyndardyń myńǵa tarta sıyryn, ol zebý dep atalady, aıdap ketedi. Bul oqıǵa dereý polısııaǵa da habarlanady. Polısııa tipti avıasııany paıdalanyp, barymtashylardyń izine túsedi. Biraq olar bir qyrǵynnyń aldyn alýǵa úlgermeıdi. Qyrǵyn degende, qarýly qaraqshylardyń jergilikti halyqqa jasaǵan zulymdyǵy emes, kerisinshe, ashynǵan sharýalar barymtashylardy qyryp salypty. Taspen, baltamen, naızamen qarýlanǵan sharýalar bir túnde-aq 67 qaraqshynyń kózin joıady. Al olardyń óz aralarynan tek 12 adam ǵana jaralanypty.Mundaı oqıǵanyń jalǵasy bolatyny belgili. Qısynǵa salǵanda, qaraqshylar kek qaıtarýy tıis. Sony eskergen polısııanyń jergilikti jasaǵy aýyl, qala mańdaryn qorǵaýǵa alady. Biraq taǵy da kútpegen jaǵdaı bolady. Ábden ashynǵan sharýalar taǵy da shabýylǵa shyǵyp, barymtashylardy turaqtaryna deıin indete qýyp baryp, olardyń 27 adamyn óltirip qaıtady. Endi polısııa sharýalardan qaraqshy-barymtashylardy qorǵaýǵa májbúr bolady.Árıne, muny saıası oqıǵalardyń qataryna jatqyzýǵa bola qoımas. Sóıtse de, qaraqshy-barymtashy bolsa da, 90 adamnyń óltirilýi nazar aýdararlyq jaǵdaı. Halyq qııanatqa, qylmysqa qarsy bas kóterip, ózderin ózderi qorǵaýǵa sheshimdi qadam jasaǵan. Onyń ústine, bul eldegi qalyptasqan ómir saltyna ózgeris ene bastaǵanyn ańǵartady eken. Zebý sıyry – bul eldegi qasıetti mal. Sóıtse de onyń sútin iship, etin jeýge bolady. Al barymtashylyq – belgili dárejedegi tabys kózi, sonymen birge jastardyń ózderiniń «eseıgenderin» kórsetedi, qylmysty dúnıege joldama da beredi eken.Madagaskar sharýalarynyń qaraqshy-barymtashylarǵa qarsy belsendi áreketke kóshýi eldegi qalyptasqan jaǵdaıdy ózgerter, endi barymtashylar aıaǵyn baıqap basady deısiń. Buǵan deıin sol barymtashylar túrli qarýlarmen jaraqtanyp, tipti polısııany, laýazymdy adamdardy satyp alyp, erkin qımyldapty. Sirá, sharýa halyqtyń óz kúshterine senimi endi qaraqshy-barymtashylardyń basynýyna jol bermes.Basqa eldegi jaǵdaıdy aıtqanda, árkez óz eliń este turady. Qaraqshy, barymtashy dep sıpattamaǵanmen, bizde de mal urlaıtyndar, bıylǵy jyly olarǵa shóp urlaıtyndar da qosylypty, tapa-tal túste kólikpen kelip jurttyń malyn, basqadaı dúnıesin tartyp alyp ketetin kórinedi. Mundaı faktiler aıtylyp, jazylyp jatyr. Olar ábden basynǵan. Solarǵa qarsy halyqtyń ózin kóterse deısiń. Madagaskardaǵydaı qyryp salmaǵanmen, urlyqpen ońaı olja izdegenderdiń adymyn ashtyrmaıtyn áreketter kerek-aq.
Mamadııar JAQYP, «Egemen Qazaqstan».