Jeksenbi, 8 qańtar 2012 0:01
Jýyrda qala ákimi Aıbek Kárimov ortalyq alańda tártip saqshylarynyń qoǵamdyq kómekshileri bolyp qabyldanǵan bir top jasqa arnaıy kýálik pen tósbelgilerin saltanatty jaǵdaıda tabys etti. Burynǵy halyq jasaqshysynyń jańartylǵan nusqasynyń júzege asyryla bastaǵanyna kóp ýaqyt ótpegenimen, olardyń qatary úsh júzden asyp úlgerdi.
Jeksenbi, 8 qańtar 2012 0:01
Jýyrda qala ákimi Aıbek Kárimov ortalyq alańda tártip saqshylarynyń qoǵamdyq kómekshileri bolyp qabyldanǵan bir top jasqa arnaıy kýálik pen tósbelgilerin saltanatty jaǵdaıda tabys etti. Burynǵy halyq jasaqshysynyń jańartylǵan nusqasynyń júzege asyryla bastaǵanyna kóp ýaqyt ótpegenimen, olardyń qatary úsh júzden asyp úlgerdi.
Bulardyń basym bóligi stýdentter bolyp tabylady. Sonyń ishinde Semeı polıseıleriniń qoǵamdyq kómekshilerin negizinen Shákárim atyndaǵy jáne medısına ýnıversıtetteriniń stýdentteri qurap otyr. Solaısha bolashaq mamandar qoǵamdyq tártipti saqtap, ornyqtyrýǵa da óz úlesterin qosýda. Al erteńgi kúni solardyń ishinen quqyq qorǵaý salasyna barýǵa tilek bildiretinder de bolýy ábden múmkin ǵoı. О́ıtkeni, kezinde organ qyzmetkerleriniń qataryn komsomol jastar tolyqtyryp jatatyn. Al ótkenniń ońdy tájirıbesin alyp jatsaq, nesi aıyp?
Qala basshysy tártip saqshylary qoǵamdyq kómekshileriniń kezekti legine kýálikter men tósbelgilerin tapsyra otyryp, osyndaı ıgilikti iske qaladaǵy irgeli kásiporyndar men uıymdardyń da qyzý atsalysýlary qajettigin qadap aıtty. Sonyń bári qala tynyshtyǵyn saqtaýda taptyrmaıtyn ıgi úrdis ekendigi aıtpasa da túsinikti.
Dáýlet Seısenuly,
«Egemen Qazaqstan».
Semeı.