Bilikti mamandar irikteledi

Senbi, 14 sáýir 2012 7:39

Elimiz Konstıtýsııasynda ár adamnyń jeke basynyń bos­tan­dy­ǵyna quqy bar jáne adam­nyń qadir-qasıetine qol suǵyl­maıdy, dep atap kórsetilgen. Demek, osy mindetterdi bas­shy­lyq­qa ustaýǵa tıisti quqyq qor­ǵaý organdarynyń qataryn ká­si­bı bilikti, adam quqy­ǵy men zańdy múddelerin joǵary deń­geıde qorǵaýǵa laıyqty mamandarmen tolyqtyrý asa qajet.

Senbi, 14 sáýir 2012 7:39

Elimiz Konstıtýsııasynda ár adamnyń jeke basynyń bos­tan­dy­ǵyna quqy bar jáne adam­nyń qadir-qasıetine qol suǵyl­maıdy, dep atap kórsetilgen. Demek, osy mindetterdi bas­shy­lyq­qa ustaýǵa tıisti quqyq qor­ǵaý organdarynyń qataryn ká­si­bı bilikti, adam quqy­ǵy men zańdy múddelerin joǵary deń­geıde qorǵaýǵa laıyqty mamandarmen tolyqtyrý asa qajet.

Elbasynyń «Qazaqstan Res­pýb­lıkasy quqyq qorǵaý organ­dary­nyń qyzmetkerlerin kezekten tys attestattaýdan ótkizý» týraly Jar­ly­ǵy­nan keıin sala maman­dary­nyń jaýap­kershiligi odan ári kúsheıetini aıtpasa da túsinikti. Oblystyq ishki ister departamenti quramyndaǵy 4000-ǵa jýyq qyz­met­ker joǵa­ry­daǵy talappen attestasııadan ótki­zi­le­di. Osy máse­lege baıla­nys­ty qa­zir­gi kezde uı­ym­das­ty­rý jumys­ta­ry bastaldy. Árı­ne, attestasııalaý ke­zin­de qu­qyq qorǵaý qyzmetker­leri­niń kási­bı da­ıyndyǵy men bú­gingi óskeleń talap­tarǵa sáıkestigi al­dyń­ǵy or­ynǵa shyǵady. Osy­laı­sha jo­ǵary kásip­tik, azamattyq, mo­ral­dyq-psı­holo­gııalyq qa­sıet­ter­ge ba­sym­­dyq beri­lip, jalpy máde­nıet, qyz­met­tik boryshyn oryn­daý­ǵa san­aly­lyqpen qaraý, eljandy­lyq deń­geıin kóterý máseleleri de basty nazarda bolatynyn aıtqan jón. Qyz­met kezinde jemqorlyq áre­ket­ter­den aýlaq bolý shart. Osyn­daı talaptardan shyǵa almaǵandardan tazartý attestasııa kezinde basshy­lyqqa alynbaqshy.

Departamentte kóp jyl qyzmet atqarǵan aǵa býyn ókilderinen qu­ralǵan ardagerler alqasy jumys isteıdi. Tájirıbe jınaqtaǵan, sa­la­nyń ystyǵy men sýyǵyna tózgen jan­dardyń jastarǵa berer aqyl-keńesteri mol. О́zim oblystyq ishki ister departamentiniń tergeý sa­la­sy boıynsha jedel izdestirý laýa­zy­myn­da kóp jyl qyzmet atqar­dym. 1987 jyly zeınet dema­ly­sy­na shyq­tym. Sodan bergi kezeńde áriptes ardagerlermen birge qıyn­dyǵy jetip, artylatyn quqyq qor­ǵaý qyzmetker­le­riniń óz jumysyn adal, kásibı deń­geıde atqarýyna aǵalyq aqyl-ke­ńes berip, jıi bas qosyp otyramyz.

Búgingi kúni departamentte 500-ge jýyq jas polısııa qyzmetker­le­ri jumysqa kirisken. Olardyń teorııa júzinde alǵan bilimderin táji­rı­bemen ushtastyrýyna, bilmegen­derin úıretýge ujymdaǵy óz isin jetik biletin qyzmetkerlerden tá­lim­gerler bólingen. Osylaısha olar­­dyń tapsyrylǵan jumysqa de­gen jaýapkershiligin arttyrý bas­ty nazarǵa alynǵan. Nátıjesinde soń­ǵy kezderi jetisýlyqtar tara­pynan sala qyzmetkerlerine degen renish azaıyp, qylmysty ashý deńgeıi kóterildi.

Adam quqyǵyn qorǵaý – aby­roıly mindet. Demek, egemen eli­miz­diń ár kúniniń tynysh, azamat­tar­dyń zańdy múddeleriniń qor­ǵalýy úshin polısııa qyzmetkeri erekshe belsendilikpen tártipti ornyq­tyrýǵa kúsh salady. Al attestasııa qyzmetkerdiń jaýapkershiligin odan ári arttyrýǵa negiz bolady dep oılaımyn.

Bolat QOJAQOV, Almaty oblystyq ishki ister departamenti ardagerler keńesiniń tóraǵasy, zapastaǵy polkovnık.

TALDYQORǴAN.