Seısenbi, 29 mamyr 2012 7:48
Attestattaý – quqyqtyq qaıta qurylý qadamy
Memleket basshysynyń Jarlyǵyna sáıkes qolǵa alynǵan kuqyq qorǵaý qyzmetkerlerin kezekten tys attestattaý synaǵy da kelip jetti. Kezekten tys attestattaý kestesine sáıkes bıylǵy jyldyń 21 mamyrynda ishki ister organdarynyń basshylyq quramynan 23 qyzmetker, onyń ishinde 2-i – ortalyq apparattyń, 8-i – ishki ister departamenti basshylarynyń orynbasarlary,
Seısenbi, 29 mamyr 2012 7:48
Attestattaý – quqyqtyq qaıta qurylý qadamy
Memleket basshysynyń Jarlyǵyna sáıkes qolǵa alynǵan kuqyq qorǵaý qyzmetkerlerin kezekten tys attestattaý synaǵy da kelip jetti. Kezekten tys attestattaý kestesine sáıkes bıylǵy jyldyń 21 mamyrynda ishki ister organdarynyń basshylyq quramynan 23 qyzmetker, onyń ishinde 2-i – ortalyq apparattyń, 8-i – ishki ister departamenti basshylarynyń orynbasarlary, 1-i – qylmystyq atqarý júıesi departamentiniń jáne 12-i – oblystardaǵy qylmystyq atqarý júıesi departamenti basshylarynyń orynbasarlary el zańnamasyn bilýi týraly kompıýterlik testileýden ótti. 22 mamyrda olar myltyq atý jáne dene shynyqtyrý daıarlyǵy boıynsha normatıvter tapsyrdy. 23 mamyr kúni Medısınalyq akademııada olardyń psıhologııalyq turaqtylyǵyn tekserý úshin áńgimelesý júrgizildi.
Al Joǵarǵy attestattaý komıssııasynyń múshelerimen bolatyn áńgimelesý bıylǵy jyldyń 25-28 mamyr aralyǵynda ótti. Endi keste boıynsha Ishki ister organdarynyń 75 qyzmetkeri, onyń ishinde mınıstrdiń orynbasarlary, IIM ortalyq apparaty qyzmetteriniń jáne ishki ister organdarynyń aýmaqtyq bólimsheleri men qylmystyq-atqarý júıesiniń basshylary attestattaýdan ótedi. Sóıtip, biraz aılar jyrlanýǵa júk bolǵan attestattaý synaǵy da synaptaı syrǵyp barady.
Endi osy bir qyzý naýqanǵa saı elimizdiń Ishki ister mınıstrligi kún ótken saıyn qyzmetin jandandyra túsýde. Quqyq qorǵaý organdaryn reformalaý bastalǵan kezeńnen beri munda qyzmet kórsetkishi men jumys sapasy artqany anyq baıqalady deıdi olar. Sonyń biri retinde IIM alynǵan jańa aqparatqa qaraǵanda, ótken apta ishinde 6909 qylmys tirkelse, sonyń izi sýymaı 3689-y ashylǵan eken. Buryn jasalǵan 810, onyń ishinde ótken jyldardaǵy 121 qylmys ashylǵan. Izdeý jarııalanǵan 85 qylmysker tabylyp, olardan 10 sýyq qarý tárkilengen. Sonymen qatar, 121 esirtki qylmysy anyqtalsa, onyń ishinde 44 esirtki zattaryn satý deregi oryn alǵan. Sóıtip bir apta arasynda ǵana bir tonnadan asa esirtki zattary, onyń ishinde 957 keli marıhýana, 11,5 kelige jýyq geroın tárkilendi.
Ekibastuz qalasynda dúkenshi áıeldi bireý óltirip ketken. Sodan Pavlodar oblysynyń polıseıleri jedel-izdestirý jáne arnaıy is-sharalar keshenin ótkizý barysynda kúdiktini us-tady. Ol qala dúkenderiniń birinde satýshy bolyp isteıtin tanys áıeline kelgen eken. Sóıtse onyń qasynda taǵy bir er adam júrgenin kóredi. Mas kúıde bolǵan kúdikti satýshy áıeldi álgiden qyzǵanyp, oǵan pyshaq suqqan. Keýde tusynan qadalǵan pyshaq jaraqatynan jábirlenýshi qaıtys boldy. Qylmystyq is qozǵaldy. Tergeý amaldary júrgizilýde.
Jeke menshik kásibi damyǵan saıyn oǵan qarsy jasalǵan qylmystar da arta túsýde. Bul oraıda Ońtústik Qazaqstan oblystyq IID-niń krımınaldyq polısııa qyzmetkerleri qaraqshylyq shabýylmen aınalysyp júrgen qylmystyq topty quryqtady. Jedel-izdestirý is-sharalary barysynda Shymkent qalasynyń úsh turǵyny ustaldy. Olardyń bireýi urlyq jáne kólikti aıdap áketý qylmysy úshin buryn sottalǵan. Qylmystyq toptyń oblys aýmaǵynda jasalǵan 3 qaraqshylyq shabýylǵa qatysy bar ekendigi anyqtaldy. Olar «Almaty-Termez» avtojolyndaǵy «Mashat» asýynda «Skanııa» júk kóliginiń júrgizýshisine qaraqshylyq shabýyl jasaǵan. Júrgizýshiniń 30 myń teńgesin jáne jeke múlkin qoldy qylǵan. Birneshe kúnnen keıin aıqaı-shý basyldy-aý degen kezde qaıta bas kótergen qylmyskerler Shymkent qalasyndaǵy bir páterge basyp kirip, úı ıelerin qorqytyp, úrkitip 600 myń teńge alyp ketken. Muny da mise tutpaǵan qylmystyq top Túlkibas aýdanyndaǵy Eltaı aýyly turǵynyn qarýmen qorqytyp, jeke múlkin ıelengen.
Búginde uıymdasqan qylmys ta berekeni qashyryp tur. Sodan oǵan qarsy kúres te qarqyn alýda. Máselen, Batys Qazaqstan oblystyq IID uıymdasqan qylmysqa qarsy kúres basqarmasynyń qyzmetkerleri oblys aýmaǵynda ótkizgen jedel-izdestirý is-sharalary barysynda 50 jastaǵy jeke kásipkerdi tapsyrys berip óltirmekshi bolǵan qylmyskerdiń aldyn aldy. JShS biriniń dırektory alaıaqtyq jolmen basqa kommersııalyq uıym ıesiniń 38 mln. teńgeden astam qarajaty men páterin ıelengen. Endi sol alaıaqtyq is-áreketterin jasyrý úshin jáne qylmystyq jaýapkershilikten jaltarý maqsatynda ol álgi kásipkerdi óltirýge tapsyrys bergen. Sodan alaıaq kúdiktini ózi qazǵan kórge ózin túsirý úshin BQO jedel ýákilderi atalǵan kásipker urlanyp, óltirildi degen jalǵan aqparat taratady da, kúdiktige «tapsyrys oryndaldy» dep habar jetkizedi. Kúdikti qýanǵannan toılap jatqanda ustaldy.
Al Ońtústik Qazaqstan oblysynyń polısııa qyzmetkerleri qoldarynda qarýdyń birneshe túri bar 3 kúdikti adamdy qolǵa túsirdi. Shymkent qalasynyń turǵyny Saıram Saryaǵash aýdanynyń Abaı aýylyndaǵy úılerdiń birine kelip, kek qaıtarý maqsatynda úıden shyqqan jas jigitke myltyq atady. Biraq oq jas jigittiń sońynan ilese shyqqan onyń ájesine tıedi. 82 jastaǵy ájeı aýyr jaraqat alady. Sóıtse álgi Saıram jas jigitten kek alý úshin qolyna qarý alyp, dostaryn ertip Sonaý Shymkentten Abaı aýylyna arnaıy qan jutyp kelgen. Sodan olardyń sońyna polısııa túsedi. Qýdalaýdan qutylý úshin kekshilder Saryaǵash qalasyna baǵyt alady. Jol boıynda kólik nómirlerin aýystyrady da, kek alýshy taksıge otyryp ketedi. «Qyzyl tý» beketinde Qazyǵurt AIIb-niń jedel ýákilderi «Aýdı» avtomashınasyn toqtatady. Sol kezde qashyp ketpek bolǵan kólik jolaýshysy, ıaǵnı, kek alýshy qolǵa túsedi. Tintý barysynda odan nómirleri óshirilgen 2 «Makarov» tapanshasy, 1 «TT» tapanshasy, sondaı-aq betperde tabylyp, tárkilendi. Sol kúni polısııa qyzmetkerleri kúdiktiniń eki sybaılasyn da ustady.
Shyǵys Qazaqstan oblysynyń IID uıymdasqan qylmysqa qarsy kúres basqarmasynyń qyzmetkerleri Marqakól memlekettik qoryǵynyń aýmaǵynda ótkizgen «Nerest» operasııasy barysynda oblystyń tórt turǵynyn tekserdi. Olardan aýlaýǵa tyıym salynǵan 228 keli maıqan balyq pen 110 keli ýyldyryq tárkilendi. Tórteýiniń ústinen zańdy buzǵandary úshin QK 287-baby 3-bólimimen qylmystyq is qozǵaldy.
Jambyl oblysy IID uıymdasqan qylmysqa qarsy kúres basqarmasynyń qyzmetkerleri Reseıdiń quqyq qorǵaý organdary qyzmetkerlerimen birlesip, izdesýde júrgen qylmystyq toptyń jetekshisin ustady. Quryqtalǵan azamatty esirtki zattaryn jáne qarýdy zańsyz saqtaǵany úshin Qordaı aýdandyq soty 6 jyl 6 aıǵa bas bostandyǵynan aıyrý jazasyna kesken bolatyn. Qazirgi ýaqytta qylmyskerdi ekstradısııalaý máselesi sheshilýde.
Jedel-profılaktıkalyq is-sharalar máselesi de kún tártibinen túsken emes, deıdi quqyq qorǵaýshylar. Astana qalasynda tártipti saýyqtyrý maqsatynda jedel-profılaktıkalyq is-sharalar ótkizilipti. Is-shara aıasynda kóshede jáne qoǵamdyq oryndarda quqyqtyq tártipti saqtaýǵa, zańsyz saqtalǵan qarý men esirtki zattaryn tárkileýge, qylmysty anyqtaýǵa jáne ashýǵa, qala aýmaǵyna zańsyz kelgen azamattarǵa jáne izdestirýde júrgen qylmyskerlerdi ustaýǵa baǵyttalǵan jumystar atqarylǵan. Sharaǵa ishki ister organdarynyń 1117 qyzmetkeri jumyldyrylǵan. Kórsetilgen kezeńde elorda aýmaǵynda 67 qylmys tirkelgen. Osy merzim ishinde 61 qylmys, onyń ishinde 16 buryn jasalǵan jáne ótken jyldardaǵy 2 qylmys ashyldy. Izdeýde júrgen 12 qylmysker quryqtaldy. Uıymdasqan qylmysqa qarsy kúres jelisi boıynsha 7 qylmys, esirtki bıznesine qarsy kúres salasy boıynsha esirtki zattaryn satýdyń 4 deregi anyqtaldy. Zańsyz aınalymnan 20 kelige jýyq esirtki zattary tárkilendi. Ákimshilik jaýapkershilikke 1869 tulǵa tartylǵan, onyń ishinde elde bolý erejesin buzǵany úshin 640, qoǵamdyq oryndarda spırt ishimdikterin ishken 604, usaq buzaqylyq jasaǵany úshin 158, mas kúıde kólik júrgizgeni úshin 55, esirtki zattarymen zańsyz aınalysqany úshin 20 azamat bar. Bular jaı ǵana san emes, ol sandardyń syrtynda adam turǵany ókinishti-aq.
Aleksandr TASBOLATOV,
«Egemen Qazaqstan».