Zańsyz ónimderdiń zardaby

Juma, 15 maýsym 2012 6:51

Alkogoldik ónimder men spırttiń zańsyz aınalymy eldiń ekonomıkasyna aıtarlyqtaı zalal keltiredi jáne turǵyndardyń ómiri men densaýlyǵyna qaýip tóndiredi, dedi keshe ótken brıfıngte Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat JUMANBAI.

Juma, 15 maýsym 2012 6:51

Alkogoldik ónimder men spırttiń zańsyz aınalymy eldiń ekonomıkasyna aıtarlyqtaı zalal keltiredi jáne turǵyndardyń ómiri men densaýlyǵyna qaýip tóndiredi, dedi keshe ótken brıfıngte Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat JUMANBAI.

2010 jyldan bastap qar­jy polısııasy organdary alkogoldik ónim jáne spırt­­tiń zańsyz aınalymyna baılanysty 435 qylmys­tyq is qozǵaǵan, onyń 412-i sotqa joldandy. Alkogol­dik ónimderdiń astyrtyn aınalymynyń negizgi bóligin spırttik ishimdikterdi saqtaý men satý salasyndaǵy zań­syz kásipkerlik quraıdy. Zańsyz alkogol naryǵynan 1,5 mln. spırt quıylǵan bótelke alyndy. Olardyń basym bóligi jasyryn sehtarda antısanıtarlyq jaǵ­daıda jasalady. Atalǵan kezeńde osyndaı 37 zańsyz sehtiń qyzmeti áshkerelendi. Kóp jaǵdaıda spırttik ishimdikterdi qoldan jasaýmen jáne ony ári qaraı satýmen uıymdasqan qylmystyq toptar aınalysady.

Qarjy polısııasy organ­darynyń jedel-tergeý tá­jirıbesi kórsetkendeı, etıl spırti araq-sharap ónimin qoldan jasaýdaǵy basty komponentteriniń biri bolyp otyr. Qarjy polısııasymen zańsyz aınalymnan alynǵan etıl spırtiniń mólsheri 248 myń lıtrdi qurady. Spırt­tik ishimdikterdi qoldan jasaýda qylmyskerler jalǵan esep markalaryn paıdalanady. Zańsyz aınalymnan         1 mln. 430 myń jalǵan esep markalary alyndy. Alko­goldik jáne spırttik ishim­dikterdiń zańsyz aınalymyn áshkereleý boıynsha jumys jalǵasýda.