Jas teatrdyń tartýy – «Jibek saty»

Jaqynda elorda tórinde tu­saýy kesilgen «Jibek saty» bir­ ak­tili opera-farsy oıymyzdy dáıekteı túsedi. Karnaval stı­linde qoıylǵan qoıylym teatr­ ishi­nen ashylǵan «PICCOLO» ka­me­ralyq teatrynyń tyrnaqal­dy ju­mysy.

Iá, óziniń tarıh betterin 6 jyl boıy jazyp kele jatqan «Astana Opera» úshin bul aıtýly oqıǵa. О́ıtkeni teatr­dyń jetekshi solısterimen qatar, ir­geli jobada jas mamandardyń da shy­ǵarmashylyq múmkindigi men sheber­ligin tanýǵa keń jol ashylǵan. Iаǵnı «PICCOLO» ka­meralyq teatry – stýdentter, túlekter, jas vokalısterdiń bel­gili opera ánshilerimen birge óz she­­berlikterin arttyrýǵa ar­nal­ǵan shyǵar­mashylyq zerthanasy ispetti.

Áne, shymyldyq ashylyp, jaıly kameralyq atmosferada qoıýshy dırıjer, Qazaqstannyń eńbek sińirgen qaıratkeri Abzal Muhıtdınovtiń súıe­­meldeýimen «Astana Opera» sım­fo­nııalyq or­kestri oryndaǵan tamasha­ mýzyka aıasynda qyzyqty oqıǵa oryn ala bastady. Áıgili ıtalııalyq «Del Arte» komedııasy stılindegi tań­ǵajaıyp maskalarmen sahnaǵa shyq­qan ártisterdiń «Jibek saty» aınalasynda órbıtin komedııalyq fars janryndaǵy shytyrman sıý­jetti sheber ıgergeni sonsha­lyq, kó­rermen aldyna shyqqannan oınap emes, keıipker sezimin qo­­ıylym ishinde beınebir ómir sú­rip júrgendeı shynaıy jetkize bildi. Opera áleminiń jaryq jul­dyzdary Saltanat Ahmetova (Djýlııa), Súndet Baıǵojın (Djermano), Evgenıı Chaınıkov (Blanzak) bastaǵan úzdik solıster jas ártis­terge naǵyz sheberlik mektebin kór­set­ti desek, tipti de ar­tyq aıtqandyq emes. Qoıylym boıy ártister bir sát te tynym tap­pady. Án sala júrip júgirip, endi birde tyǵylyp qalyp, kút­pegen sátterde qaıta oralyp kó­rermenine ónerdiń ǵa­lamat me­rekesin tartý etti. Eń bas­tysy, tyńdarmandardyń ishi pys­qan joq. Daryndy jas oryndaýshy­lar men opera sahnasynyń sura­nysqa ıe sheberleri óz partııa­laryna názik vokal­dyq reńk be­rip qana qoımaı, bir mezette túr­li emosııalaryn ym-ısharamen, oına­qy kózqaraspen joǵary deń­geıde saraptaı bildi. Ásirese Qazaqstannyń eńbek sińirgen qaı­ratkerleri, teatrdyń jetekshi so­lısteri Súndet Baıǵojın men Saltanat Ahmetovanyń arasyn­daǵy jastyq jalynǵa toly tamasha tandem zalǵa jınalǵan kórer­men kóńilin birden ózine baýrap alyp, tyńdarmanyn qoıylym sońy­na deıin tańǵaldyrýdan tan­bady.

– Mýzykasy kóńildi ári oı­naqy bol­­­ǵandyqtan, syrttaı bul opera jeńil qabyldanýy múmkin. Áıtse de ár­tister úshin úlken sheberlikti ta­lap etedi. «Jibek saty» – ártis sheber­liginiń bar múm­kindigin pash etetin ope­ra. Sondyqtan da «PICCOLO» ka­me­ralyq teatry sahnasyndaǵy al­ǵash­­qy jumysymyzǵa tyń­ǵylyqty daıyndyq, jan-jaq­ty iz­denispen keldik. So­ńy­myzdan ósip kele jatqan jas ta­­lanttarǵa laıyqty deńgeıde úlgi bola alsaq, maqsatymyzdyń oryndalǵany, – deıdi qoıylym sońynan áserimen bó­lisken Djermano rólindegi Súndet Baı­­ǵojın.

Ras, «Jibek saty» operasy shymyl­dyq ashylǵan sát­ten-aq sıýjetiniń oı­naq­y da jeńil­digimen tyńdarman na­zaryn bir­den ózine buryp, kánigi ve­ne­sııalyq romantıka lebi esip tur­­­ǵan ǵajaıyp álemge je­te­leı jó­neledi. Buǵan árıne Ita­lııadan ar­naıy shaqyrylǵan ssenograf ári kostıým sýretshisi Manana Gý­nıanyń sińirgen eńbegi zor. Sýretshi kostıýmder men dekorasııalardy vene­sııalyq karnaval stılinde, dálirek aıt­qanda, keıipkerleri kapıtan Frakass, doktor Chýma, arlekın ár bergen «Del arte» komedııasy negizinde oryndaǵan.

– Operadaǵy oqıǵalardy lıbrettoda jazylǵandaı Parıjge emes, Venesııaǵa aýystyrdyq. «Jibek saty» «San-Moıze» tea­tryna arnap shyǵarylyp, vene­sııalyq karnaval merekeleri ke­zeńinde oryndalýy kerek bo­­la­tyn. Ádet­te spektakldi ro­­­mantızm, ampır nemese modern dáýirinde usynady. Bizdiń kos­­­tıýmderimiz karnaval stılıs­tıkasy men sol kezeńdegi tarıhı tigis úlgisinde jasalǵan. Dj.Rossınıdiń alǵashqy ıdeıa­syna etene jaqyn venesııa­lyq rýht­y jetkizgim keldi. Bul qoıy­lymda kostıým­derdiń sany son­shalyqty kóp emes, degenmen de­ olardyń bári óte kúrdeli ári­ daıyndaý merzimi boıynsha aýqym­­dy spek­taklderdi jasaý­men para-par. Eń qajyrly ju­mys Blanzaktyń kostıýmin jasaý bol­­dy, ol kapıtan Fra­kas­styń pi­­shi­ninde tigildi, – deıdi sýret­shi-­sseno­graf.

Bul erekshelikti qoıylym rejısseri Alla Sımonıshvılı (Italııa) de óz saraptaýynda utym­­­­dy toǵystyryp, ssenografpen sátti tandem túzgen. Sýret­ker­diń spektakl geografııasyn keremet jasaǵany sonshalyq, sah­­nanyń árbir bu­ryshy jandanyp, tipti oqıǵa vene­sııa­lyq alańda ótip jatqandaı áser syı­lady.

Kameralyq zaldy eki kún boıy óner dýmanyna aınaldyr­ǵan premera Jas­tar jyly aıasynda Mádenıet jáne sport mı­nıstrliginiń qol­daýymen asa jo­ǵary deńgeıde ótti. Tyń­dar­­­mandar ártisterge ystyq yqy­­lastaryn bildirip, uzaǵy­nan qol soǵyp, qoshemet kór­set­ti. Osylaısha «PIC­COLO» Ka­­­­­meralyq teatry shyǵar­ma­shylyq jobasy asqaq ónerdi baǵalaýshylardyń oń pikirin aldy. Demek, bul – «Jibek satyny» uzaq ta baqytty sahnalyq ǵumyr kútedi degen sóz. Laıym, solaı bolǵaı!