Buzaqylardy buǵaýlaǵan Baqytáli

Juma, 9 qarasha 2012 7:13

Temirdeı tártipke moıynsunyp, ózin de, ózgelerdi de zańǵa ǵana ba­ǵyn­dyryp qyzmet isteý – ekiniń biriniń qolynan kele bermes mereıli mindet. О́ıtkeni, ómirdiń qaı salasyndaǵy adam – kásipker me, muǵalim be, she­neý­nik pe, óner adamy ma, meıli, kim bolsyn, olardyń óz tirshiligin turaq­ty qamta­masyz etýleri úshin, eń áýeli, temirdeı tártip qajet. Ásirese, osy adamdardyń qaı-qaısysy da kóliksiz qozǵalmaıtynyn eskersek, joldaǵy aıaq attam keleńsizdikterge kezikpeı aman júrý árkimniń-aq armany. Al kóshedegi, joldaǵy arty apat týdyryp, opyq jegizer kez kelgen keleń­siz­dikterden saqtandyrýdy, qa­ýiptiń aldyn alýdy tek jol polısııasy qyz­met­kerleri ǵana júzege asyra alady. Sondyqtan da jol saqshy­la­ry­nyń atqaratyn qyzmetin munyń ja­ýap­ker­shiligi men qıyndyǵyna qanyq adamdar jaqsy túsinedi.

Juma, 9 qarasha 2012 7:13

Temirdeı tártipke moıynsunyp, ózin de, ózgelerdi de zańǵa ǵana ba­ǵyn­dyryp qyzmet isteý – ekiniń biriniń qolynan kele bermes mereıli mindet. О́ıtkeni, ómirdiń qaı salasyndaǵy adam – kásipker me, muǵalim be, she­neý­nik pe, óner adamy ma, meıli, kim bolsyn, olardyń óz tirshiligin turaq­ty qamta­masyz etýleri úshin, eń áýeli, temirdeı tártip qajet. Ásirese, osy adamdardyń qaı-qaısysy da kóliksiz qozǵalmaıtynyn eskersek, joldaǵy aıaq attam keleńsizdikterge kezikpeı aman júrý árkimniń-aq armany. Al kóshedegi, joldaǵy arty apat týdyryp, opyq jegizer kez kelgen keleń­siz­dikterden saqtandyrýdy, qa­ýiptiń aldyn alýdy tek jol polısııasy qyz­met­kerleri ǵana júzege asyra alady. Sondyqtan da jol saqshy­la­ry­nyń atqaratyn qyzmetin munyń ja­ýap­ker­shiligi men qıyndyǵyna qanyq adamdar jaqsy túsinedi.

Osyndaı asa jaýaptylyǵy men qatar qıyndyǵyn qosa qınalmaı ar­qalap adal alyp júretin jandar, jo­ǵaryda aıtqanymyzdaı az desek, so­lardyń biri Astana qalalyq IID JPB jeke mamandandyrylǵan batalo­ny­nyń aǵa ınspektory kapıtan Baqyt­áli Tólegenov bolyp shyqty. Árıne, qazirgideı aramdar men sumyraılar qaptaǵan sheneýnikter arasynan, shyny kerek, mindetin zań talabyna ǵana súıenip, shynaıy atqaratyn atqami­nerlerin tabý qıynǵa aınalǵan kezde, jas ta bolsa qatarlastarynan oza shaýyp attestattaýdan anyq aldyrmaı ótken aǵa ınspektordyń bolashaǵyna zor senim artylady. О́ıtkeni, osyndaı adamgershiligine áli qylaý túspe­gen azamattar erteńgi kúni bılik tiz­ginin ustaýǵa ıe bolsa ǵana halyqtyń haqy zań ústemdigin ornatýǵa basym­dyq alady.Al olaı bolmaǵan jaǵdaıda bıik minberden oqaly kıimdilerge jalyndy sóz arnaıtyn, biraq ózderi jem­qorlyqpen sap túzep aınalysatyn, sóıtip zańǵa da, ádepke de, tártipke de múlde qaıshy teris áreketimen basshysynan bastap sottalatyn talaı oqaly shendilerdiń buǵyp qalǵan izba­sarlary halyqqa qıyn bolǵan eken-aý dep op-ońaı tamyryn qıdyra qoıýlary ekitalaı. Sondyqtan osyndaı tońmoıyn, bezbúırek, qyzmetin tek para arqyly aqsha tabý orny dep esepteıtin ekijúzdi óńdilerden arylý maqsatynda synaq ótti. Onda Prezıdent Jarlyǵyna sáıkes attestattaý maqsaty – quqyq qorǵaý júıesi qyz­metkerleriniń kásibı daıarlyq deń­ge­ıin jáne olardyń qazirgi zamanǵy ta­laptarǵa sáıkestigin anyqtap, organdardy bútindeı alǵanda memlekettiń bedeline nuqsan keltiretin moral­dyq-ónegelilik sapalary tómen jáne jemqorlyq pıǵyldaǵy biliksiz qyz­metkerlerden tazartý bolǵany anyq. Mine, osy oraıda bul talaptardyń bar­lyǵynan polısııa kapıtany B.Tó­legenov múdirmeı ótip jáne synaq­tar­dyń bárin tek óte jaqsyǵa ǵana tapsyrǵan.Iá, aǵa ınspektordyń asa qıyn asýdan at shaldyrmaı asa alýyna se­nim bar. Ońtústik Qazaqstan obly­sy­nyń Tólebı aýdanynyń «Qazaq­stan» atty eldi mekeninde týyp-ós­ken ol Shymkent qalasyndaǵy M.Áýezov atyn­daǵy ýnıversıtetti bitirip, As­ta­­naǵa kelip JPB-ǵa qyzmetke ornalasady. Sodan beri tabany kúrekteı jeti jyl araǵa túsip, jeti mejeden ótken. Otbasyn qurdy, qyzmetin jaqsy at­qarǵany úshin jeńildikpen eki bólme­li páter aldy. Qazirgi kúni tórt balasy bar kóp balaly otaǵasy. Jastaıynan osy mamandyqty qalaǵandyqtan oǵan daıyndyqty erte bastaǵan ol sporttyń boks, aıkıdo degen túrle­ri­men áli kúnge qol úzbeı aınalysady. Osy kúshtilik pen qýattylyqtyń, as­qan eptiliktiń arqasynda túzeý meke­me­sinen qashqan eki sottalǵandy janar maı quıý beketinde kezdeısoq kez­destirip, sýretimen salystyryp tanyp, izine túsip qýyp, qoınynda oqa­tary, qolynda jalańdaǵan pyshaǵy bar qaýipti qylmyskerlermen jan aly­syp, jan berisip aıqasady. Áıte­ýir aqyrynda aıkıdo shyǵys jekpe-jeginiń ádisterimen olardy eki búk­tep, kisendep Almaty IIB-ge jetkizip, tapsyrady. Aıta berse, shyǵys jekpe-jeginen qara belbeý dárejesi bar jol polısııasy aǵa ınspektorynyń mun­daı beıbit kúndegi batyldyǵy, sonyń ishinde kólik urlaǵan qaraqshylardy qalaı ustaǵany týraly erlikteri er­ek­she-aq. Ol kezdesken qylmyskerdi jalǵyzbyn-aý nemese quryqtaýshy top kerek dep ýaqyt ozdyryp kidirip jatpaıdy, sol syn sátte saqshyǵa tán syn­­darly áreket jasap, sátti qımyl­dap úlgeredi. Sondaı zańǵa saı mándi de oryndy isimen únemi aldan kórinedi.Sóıtip ol attestattaý synynan da synaptaı syrǵyp ótip, qatarlas­tary­nan oza shaýyp, eń úzdik bolyp tanyldy. Árıne, ol synaqtan kimderdiń qa­laı qalqyp ótip, al qandaı qyz­met­ker­lerdiń ne úshin jazyqty bolyp sú­ringeni týraly áli naqty aıtyla jatar. Degenmen, bizdiń búgingi keıipke­ri­mizdiń isi men sózi, jan dúnıesiniń tazalyǵy, adamgershiligi men ádildik úshin atqarǵan erlik isteri attestattaý komıssııasynyń sheshimin naqtylaı tústi. Endi osylaısha shynaıy úzdik­ter anyqtalar bolsa, joǵaryda aıt­qa­nymyzdaı, temirdeı tártipke mo­ıynsynyp, ózin de, ózgelerdi de zańǵa ǵana baǵyndyryp qyzmet etetin, sóı­tip adal da ádil adamdardyń ǵana armanyn júzege asyra alatyn kapıtan B.Tólegenov sekildi kóshbastaýshylar qatary da arta bererine bek senemiz. Al mundaı azamattardy qataryna tartyp, zań talabyna saı tárbıe­le­nýine jol ashqan, árıne, IID JPB basshylyǵy ekendigi anyqtalǵanda «bári osylardaı bolsa ıgi» degen izgi úmit kóńil terbeıdi.Aleksandr TASBOLATOV,«Egemen Qazaqstan».