Ana rýhyna taǵzym

Dúısenbi, 12 naýryz 2012 7:55

Aıaly alaqan, jan jylytar sóz, erteńge esik ashar jol nus­qaý­shy ana aqylyna ne jetsin! Biz­diń anamyz qaıtsem de ul-qyzymdy adal azamat, erteńgi eldiń tiregi bolatyn adam etem dep jantalasyp júrip, ómiriniń dám-tuzy taý­sylǵanyn ózi de sezbeı qalypty.

Dúısenbi, 12 naýryz 2012 7:55

Aıaly alaqan, jan jylytar sóz, erteńge esik ashar jol nus­qaý­shy ana aqylyna ne jetsin! Biz­diń anamyz qaıtsem de ul-qyzymdy adal azamat, erteńgi eldiń tiregi bolatyn adam etem dep jantalasyp júrip, ómiriniń dám-tuzy taý­sylǵanyn ózi de sezbeı qalypty.

Mine, sodan beri 10 jyldyń júzi ótti. Anamnyń júzin kórip, aqylmen oılana otyryp aıtqan árbir sózin endi estýge zar bolyp júrmiz. Onyń ornyn toltyrar eshkim joq. Sol bir qıyn sátte janymyzdy qoıarǵa jer tappaı, endigi ómirimiz ne bolmaq dep otyr­ǵanda Kókpektidegi Q.Raev atyndaǵy balalar úıine tap bol­dyq. Sodan beri qarynymyzdy ashtyrmaı, kıimimizdi bútindep, meıirimdilik tanytyp, ana ornyna ana, áke ornyna áke bola bilgen balalar úıindegi tárbıeshi ustaz­darymyzǵa aıtar alǵysymyz shek­siz. Munda janary jasqa, júregi muńǵa toly jetkinshekti kelgen­nen-aq jyly júzderimen qarsy alyp, óz týǵan balalaryndaı qa­byl­daǵan apa-aǵalarymyz san ult­tyń balalaryn tárbıe­leýde. Ýaqyt óte kele basqa salǵan iske kóndigip, kóńilimiz sabyr tapty. Jany jaısań adamdardyń tálimi­niń arqasynda bárimiz bir úıdiń balasyndaı bir-birimizge qamqor boldyq. Sol baýyrlarymyzdyń ishinde ata-anasynyń kim ekenin, qaıda ekenin de bilmeıtinderi qan­shama?! Balalaryn bul dúnıege ákelip, dalaǵa tastaǵan ata-analardy Qudaı ózi keshirmes. Eseı­geli óz ómirimizdi, bolashaǵymyz­dy ózimiz oılaý kerek ekendigin bizder jaqsy bilemiz. Sodan da jetimder úıin jańadan ashqan balalardy kórgende janymyz ashıdy. Iá, ata-anasy taǵdyrdyń jazýymen dúnıeden qaıtqan bala­lardyń basqa qamqorshysy bolmasa, amaly joq, jetimder úıin panalary sózsiz. Al jeńil oılap, arzan kúlki men aram pıǵyldyń nátıjesinde dúnıe esigin ashyp, biraq áke men anaǵa qajetsiz bolyp qalǵan sábıdiń taǵdyryna júregiń qan jylaıdy. Biz ómirden ótken anamyzdy ańsap, oralmaıtynyn bilsek te árbir tańymyzdy ańsaýmen, saǵynyshpen atyramyz, al ata-anasy tiri, oıyna kegenin istep, balasyn esinen shyǵarǵan anany saǵyna kútip terezege tel­mir­gen balany kórgende kózińe jas keledi. Tegin, dinin, dilin bil­meıtin, ana meıirimin sezinbegen bala eseıe kele taǵdyryna narazy bolady. Tipti keıbiri sol renishin ashý-yzaǵa aınaldyryp, qatygez bop ósse, kimge ókpelersiń. Áı, jas ana erteń sábıińniń ómiri jarqyn, bolashaǵy aıqyn bolsyn deseń balańa shamańnyń kelgenin­she jylý ber. Balań eshkimge jáý­teńdemesin deseń ár qadamyńdy ańdap bas degim keledi. Balańa senen basqa jylý beretin adam joq. Ras, memleket olardy óz qamqor­ly­ǵyna alǵan.

Degenmen, anany eshkim de almastyra almaıdy. Qaıran anam, seni balalaryń saǵyna eske alady, qaıteıik, amal ne­shik. Sen dúnıeden ótkende 5 aı­lyq bolyp shyryldap jatqan Baqtızań bú­gin­de elge tanylyp, bilimdi, aqyl­dy qyz bolyp ósip keledi. Áıtse de, biz ózimizdi ba­qytty sezine almaımyz. Iá, biz baqytty bolý úshin sen janymyzda bolýyń kerek. Biz­ge tek seniń jylýyń jet­peıdi, ba­la­laryń qansha qýansa da arǵy jaǵynda bir muń uıalap turady, ol muń ómir baqı jazylmaıdy. Endigi Alladan surarym, baýyrlaryma amandyq, denderine saý­lyq bere gór dep tileımin. Ma­ǵan olardyń amandyǵynan bas­qa esh nárseniń qajeti joq.

Aıgúl ZÁKENOVA.