Sársenbi, 1 tamyz 2012 7:43
Tabıǵat taǵy da tosyn minez tanytty. Taǵy deıtin sebebimiz, keshe Astanada burshaq jaýyp, turǵyndardy ábigerge salsa, budan birneshe kún buryn aıamaı jaýǵan aq nóserden kóshede jańbyr sýy kólkip, jurt tizeden sý keshken edi.Árıne, Astananyń qubylmaly aýa raıyna úırenisip qalǵan qala halqy tosyn «syıǵa» tosyrqaı qoımasy da múmkin edi. Biraq, keshegi jaýynnyń «jóni» bólek boldy. Nóserdiń sońyn ala kólemi bas barmaqtaı bolǵan burshaq biraz berekeni aldy. Oǵan qosa soqqan jel saldarynan keıbir ǵımarattarda jaryq sónip, telefon baılanysynda da kedergi boldy. Kóshelerdi sý basty.
Sársenbi, 1 tamyz 2012 7:43
Tabıǵat taǵy da tosyn minez tanytty. Taǵy deıtin sebebimiz, keshe Astanada burshaq jaýyp, turǵyndardy ábigerge salsa, budan birneshe kún buryn aıamaı jaýǵan aq nóserden kóshede jańbyr sýy kólkip, jurt tizeden sý keshken edi.Árıne, Astananyń qubylmaly aýa raıyna úırenisip qalǵan qala halqy tosyn «syıǵa» tosyrqaı qoımasy da múmkin edi. Biraq, keshegi jaýynnyń «jóni» bólek boldy. Nóserdiń sońyn ala kólemi bas barmaqtaı bolǵan burshaq biraz berekeni aldy. Oǵan qosa soqqan jel saldarynan keıbir ǵımarattarda jaryq sónip, telefon baılanysynda da kedergi boldy. Kóshelerdi sý basty. Tipti, qalanyń keıbir oramdaryndaǵy joldarda jınalyp qalǵan sýdyń tereńdigi 60 sm-ge deıin jetti. Kólik qozǵalysy baıaýlap, joldaǵy sýaǵarlar jańbyrdyń tym mol jaýý saldarynan tasqyndy aǵyzyp úlgermeı jatty. Sonyń kesirinen jaıaý júrginshiler tizeden sý keshse, kólikter belýardan sýǵa batty.Eń ókinishtisi, daýyl saldarynan qaıǵyly jaǵdaı oryn aldy. Astana qalasynyń tótenshe jaǵdaılar departamentiniń baspasóz qyzmeti habarlaǵandaı, qatty soqqan jelden Astanadaǵy Zarechnyı kentinde 3 qurylys krany qulap, sonyń saldarynan 2 adam kóz jumdy.Qazgıdromettiń boljaýynsha, negizinen ústimizdegi jyldyń tamyz aıy jańbyrly, salqyn bolady dep otyr. Ásirese, alǵashqy jáne úshinshi onkúndikte qatty jel men burshaqty kúnder jıi qaıtalanýy múmkin. Naǵyz salqyn kúnder 11-13 tamyzda bolýy yqtımal dep boljanýda.
«Egemen-aqparat».