Mońǵolııa quramasyndaǵy qazaq

Senbi, 7 sáýir 2012 7:53

Astanada bokstan Azııa aı­ma­­­ǵy boıynsha ótip jatqan ha­lyq­ara­lyq lısenzııalyq týr­nır­diń al­ǵash­qy kúni Mońǵolııa quramasynda óner kórsetetin qazaq boksshysyn kezdestirdik.

Bul jigitti biz byltyr Moń­ǵolııanyń jyl sportshysy atan­ǵa­nynan, al bıyl el chempıonatynda top jaryp, bas júldeni jeńip alǵanynan biletinbiz. Bi­raq, ol Altaıdyń ar jaǵynda, biz ber jaǵynda bolǵannan keıin jaqyn áńgimege tartýdyń sáti túspeı kelgen edi. «Izdegenge su­ra­ǵan» deıdi ǵoı, Mońǵolııa qura­masynda óner kórsetetin qanda­symyzdy Astanaǵa barlyq elderden boksshylar jınala bastaǵan kezde izdep júrip taptyq. Onyń aty sportsúıer qaýymǵa biraz tanylyp qalǵan.

Senbi, 7 sáýir 2012 7:53

Astanada bokstan Azııa aı­ma­­­ǵy boıynsha ótip jatqan ha­lyq­ara­lyq lısenzııalyq týr­nır­diń al­ǵash­qy kúni Mońǵolııa quramasynda óner kórsetetin qazaq boksshysyn kezdestirdik.

Bul jigitti biz byltyr Moń­ǵolııanyń jyl sportshysy atan­ǵa­nynan, al bıyl el chempıonatynda top jaryp, bas júldeni jeńip alǵanynan biletinbiz. Bi­raq, ol Altaıdyń ar jaǵynda, biz ber jaǵynda bolǵannan keıin jaqyn áńgimege tartýdyń sáti túspeı kelgen edi. «Izdegenge su­ra­ǵan» deıdi ǵoı, Mońǵolııa qura­masynda óner kórsetetin qanda­symyzdy Astanaǵa barlyq elderden boksshylar jınala bastaǵan kezde izdep júrip taptyq. Onyń aty sportsúıer qaýymǵa biraz tanylyp qalǵan. Desek te aıta keteıik. Onyń aty-jóni – Erbolat Tólek. 1990 jyly 25 qarasha kúni Baıan-О́lgeı qalasynda tý­ǵan. Bokspen aınalysqanyna eki-aq jyldaı ýaqyt bolypty. Al­ǵashqy kezde kúrespen aınalys­qan eken. Kúres bolǵanda qazaq kúresinen basqasynyń bárimen aınalysqanmyn deıdi. 2010 jyly bylǵary qolǵapty kıip, áske­rılerdiń ortalyq sport klýbynda bokspen aınalysa bastaǵan eken. Alǵashqy bapkeri Qaınar Qaısanaı degen azamat bolypty. Al qazir ulttyq quramanyń bas bapkeri Ganzarıg Tımıýdorjdyń qaramaǵynda jattyǵady.

– Qaınar Qaısanaı – baıól­ke­lik bapker. Meni boksqa ákelgen osy kisi. Sodan alǵash ret jas­ós­pi­rimder arasynda ótken el chempıonatyna qatysyp, qola júl­de­ger atandym, – deıdi Erbolat.

Qandasymyz kóp sózge joq, sypaıy, qarapaıym, kishipeıil, adamdy jaqyn tartatyn jigit eken. Áńgime kezinde onyń ata-ájesiniń osydan biraz jyl buryn Kókshetaýǵa kóship kelgenin bil­dik. Al áke-sheshesi, basqa týys­qandarymen birge Baıan-О́lgeıde turady eken. Kóship kelýge oıla­ryń bar ma desek, biz endi ol jaqta úırenip qaldyq qoı. Biraq, bárin bir Alla biledi, deıdi. Erbolattyń taǵy bir aıtqany, Mońǵolııada odan basqa talantty eki boksshy bar eken. Bireýi – 52 kılodaǵy Erkin Jamantaı, ekin­shisi 75 kılodaǵy Ybyraıym Ti­leý­han. Osy ekeýi bıylǵy el chempıonatynda qola júldeger atanypty. Al jalpy, Mońǵo­lııa­da bokspen aınalysatyn qazaq balalary óte kóp kórinedi. Erbolattan bizdiń quramada kimniń bokstasqany unaıdy, olardyń bárin tanısyń ba dep suraǵan edik. Bárin tanıtynyn, kóbisimen dos ekenin, al  boksshylardyń ishinde eki dúrkin álem chempıony Serik Sápıevtiń óneri unaıty­nyn aıtty. Al óziniń salmaǵyn­daǵy Vasılıı Levıtti ol syrttaı ǵana biledi eken.

Erbolat Astanada lısenzııa ala almasa, oǵan esh ókinbeıtinin, áli jas ekenin, kelesi jyly Qa­zaqstanǵa taǵy kelip, osynda óte­tin álem chempıonatynda bar kúsh-jigerin salatynyn, al odan keıin mindetti túrde Olımpıa­daǵa joldamany jeńip alýǵa tyrysatynyn jetkizdi.

Dastan KENJALIN.

Sýrette: E.TО́LEK.