Match mınıatıýralary

Seısenbi, 12 maýsym 2012 7:01

* Chempıonattyń alǵashqy úsh kúninde (8-10 maýsym) úsh top (A, B, C) komandalary birinshi matchtaryn ótkizdi.

* Polshanyń – 4, Ýkraı­nanyń 2 qalasynda ótken bul oıyndardy 244 605 kórermen stadıondarda tamashalady.

* Kezdesýlerde 15 gol so­ǵyl­dy. Olar­dyń 7-i birinshi, 8-i ekin­shi taımda salyndy.

Seısenbi, 12 maýsym 2012 7:01

* Chempıonattyń alǵashqy úsh kúninde (8-10 maýsym) úsh top (A, B, C) komandalary birinshi matchtaryn ótkizdi.

* Polshanyń – 4, Ýkraı­nanyń 2 qalasynda ótken bul oıyndardy 244 605 kórermen stadıondarda tamashalady.

* Kezdesýlerde 15 gol so­ǵyl­dy. Olar­dyń 7-i birinshi, 8-i ekin­shi taımda salyndy.

* Ár oıynda orta eseppen qaqpa­larǵa 2,5 doptan túsirildi.

* Birinshiliktiń birinshi golyn Polsha-Grekııa arasyndaǵy match­tyń 17-mınýtynda polıak qura­ma­synyń shabýylshysy Robert Levandovskı saldy. Al birinshi dýbldi jasaý enshisi Reseı ko­mandasynyń shabýylshysy Alan Dza­­goevqa buıyrdy. Onyń bul jetistigin horvat Marıo Mandjýkovıch sońǵy kúni qaıtalady. Bulardan basqa taǵy myna fýt­bolshylardyń enshisinde 1 doptan bar: Marıo Gomes (Germanııa), Nıvısa Elavıch (Horvatııa), Mıkael Kron-Delı (Danııa), Antonıo dı Natale (Italııa), Roman Pavlıýchenko (Reseı), Vaslav Pılarj (Chehııa), Dımıtrıs Salpıngıdıs (Grekııa), Shon Sent-Ledjer (Irlandııa), Sesk Fabregas (Ispanııa), Roman Shırokov (Reseı).

* Alǵashqy 6 oıynda 2 oıynshy alańnan qýylyp, 20 oıynshy eskertý aldy. Chempıonattyń bi­rinshi «sary qa­ǵazy» Grekııa qu­ra­masynyń qorǵaýshysy Sokratıs Papastatopýlosqa kórsetildi. Ol alańnan da birinshi bolyp qý­yl­dy. «Qyzyl qaǵaz» alǵan ekin­shi oıynshy – Polsha koman­dasy­nyń qaqpashysy Voı­seh Shesny.

* Birinshi 11 metrlik soqqy Polsha quramasy qaqpasyna ba­ǵyttaldy. Ol komanda qaqpa­shy­sy Voıseh Shesnyı­dyń grekter forvardy Dımıtrıs Sal­pıngı­dıs­ti óz aıyp alańynda ruqsat etilmeıtin tásilmen qulatqany úshin belgilendi. Bul penaltıdi grekterdiń komanda kapıtany Gıorgos Karagýnıs túsire almady. Onyń urǵan dobyn alańǵa endi shyqqan qaqpashy Pshemyslav Tyton qolymen qaıtardy.

* О́tken oıyndardyń árbirin­de bir-bir fýtbolshy úzdik dep tanyldy. Ondaı ataqtarǵa Dımıtrıs Salpıngıdıs (Grekııa), Alan Dzagoev (Reseı), Sımon Poýlsen (Danııa), Marıo Gomes (Germanııa), Andrea Pırlo (Italııa), Marıo Mandjýkovıch (Horvatııa) qol jetkizdi.

JAŃALYQTAR JAŃǴYRYǴY

Grekııa quramasy qatary­nan bir oıynshy shyǵyp qal­dy. Pıreı «Olımpıakosynyń» ortalyq qorǵaýshysy Avraam Papadopýlos Polshamen ótken bi­rinshi machtyń birinshi taımynyń sońyna qaraı tizesinen jaraqat alyp qal­dy. Osydan soń alańnan ketýge májbúr bolǵan onyń qal­ǵan oıyndarǵa da qatysa almaıtyny qazir belgili boldy.

Chempıonattyń birinshi kúni 16 qoǵamdyq tártipti buzýshy­lyq oryn aldy.Bul týraly Polsha sport jáne týrızm mı­nıstri Ioanna Mýha málimdedi. Onyń aıtýynsha, budan basqa taǵy 314 adam dáriger­ler­diń kómegine júgingen. Buǵan qo­sa, reseılik bir top jankúıer Reseı-Chehııa matchynan keıin búlik shy­ǵa­ryp, stıýardtardy soqqyǵa jyq­­­qan. Olardyń osy beıbas­taqtyq­tary úshin endi Reseı fýtbol fede­rasııa­sy­nyń jaza alatyn túri bar. ÝEFA bul máseleni óziniń 13 maýsym kúngi otyrysynda qaraıdy.

Gýs Hıddınk Reseı qura­ma­sy jartylaı fınalda gol­land­tyqtarmen kezdesedi dep esep­teı­di. Reseılik­ter­diń buryn­ǵy bas jattyqtyrýshysy Nıderlandyda shyǵa­tyn gazetterdiń birinde osyndaı boljam bil­dir­gen. О́z só­zinde ol: «Men orystar óte qaý­ip­ti dep sanaımyn. Bi­rin­shi­den, Dık Advokattyń komandasy irik­teý týrnıri barysynda jaqsy ná­tı­je­lerge qol jetkizdi, ekinshi­den, onyń qura­myn­da ózde­rine se­nimdi óte tájirıbeli oıynshylar bar», dedi.