Sársenbi, 22 mamyr 2013 1:11
Bárimiz de bala kezimizden estip ósken ertegidegi «mańǵyt, aýzyńa sańǵyt» degen jaýap sózdi jaqsy biletin shyǵarmyz. Munyń ishinde «mańǵyt» bolyp turǵan túlki de, oǵan aldanyp qalatyn qarǵanyń «sańǵyttyń» keıpine túsetini de aıan bolar.
Mine, tap osyndaı «mańǵyttar» men «sańǵyttar» oıyny jaqynda Aqtóbe qalasynda bolyp ótipti. Dáliregi, osy qalada turatyn bir alaıaq áıel ótirik sózge sengish jerlesteriniń bir tobyna arzan baǵaǵa sheteldik avtokólikter men elıtaly páterler áperýge ýáde berip, aqshalaryn syqpyrtyp alyp ketken ǵoı.
Sársenbi, 22 mamyr 2013 1:11
Bárimiz de bala kezimizden estip ósken ertegidegi «mańǵyt, aýzyńa sańǵyt» degen jaýap sózdi jaqsy biletin shyǵarmyz. Munyń ishinde «mańǵyt» bolyp turǵan túlki de, oǵan aldanyp qalatyn qarǵanyń «sańǵyttyń» keıpine túsetini de aıan bolar.
Mine, tap osyndaı «mańǵyttar» men «sańǵyttar» oıyny jaqynda Aqtóbe qalasynda bolyp ótipti. Dáliregi, osy qalada turatyn bir alaıaq áıel ótirik sózge sengish jerlesteriniń bir tobyna arzan baǵaǵa sheteldik avtokólikter men elıtaly páterler áperýge ýáde berip, aqshalaryn syqpyrtyp alyp ketken ǵoı.
Ashyqaýyzdardy sendirý úshin bul áıelge bankterde tanystarynyń kóp ekenin aıtýdyń ózi jetip jatqan. Soǵan ımandaı sengen qala turǵyndary aqshalaryn bet-júzine qaramaı aıamaı bere bergen. Bárin toptaı kelgende, áıel 20 mln. teńgeni bir-aq jınap alypty. Sóıtken de, dál túlkishe: «Mańǵyt, aýzyńa sańǵyt!» dep jambasyna bir salyp qalyp, sol boıy joǵalyp ketken.
Al naǵyz «batpan quıryqqa, jolda jatqan quıryqqa» qol jetkizip, qaryq bolmaqqa umtylǵan «sańǵyttar» kúnderdiń kúninde ýádeniń sońy jutylyp bara jatqanyn sezgen soń dabyldaryn qaǵyp, polısııaǵa qaraı tura júgirisken ǵoı.
Qazir atalmysh fakt boıynsha alaıaqtyq babymen qylmystyq is qozǵaldy. Kúdikti qolǵa tústi. Ol óziniń osyndaı sulý sózdi, suıyq júristi jek kórmeıtinin moıyndady. Sot ony basynda qamaýǵa alǵanymen, sońynan emizýli balasy bolýyna baılanysty syrtqa ketpeıtindigi jónindegi qolhatpen qamaýdan bosatty.
Qazir alaıaq áıeldiń quryǵyna taǵy kimderdiń túsip qalǵany tekserilip jatyr.
Qurysh NURYMBET.