Senbi, 27 sáýir 2013 2:59
Osydan týra 75 jyl buryn, 1937 jyldyń qazan aıynda bizdi Reseıdiń Prımore ólkesinen júk poıyzymen Almaty oblysy, Úshtóbe stansasyna ákelgen edi. Ol kezde qazirgi temir jol stansasynyń ornynda temir jol jumysshylaryna jáne kolhozshylarǵa arnalǵan birneshe jertóle ǵana bar bolatyn. Deportasııalanǵan adamdardy sol úılerge bólip ornalastyrdy. Taǵdyrdyń jazýymen deportasııalanǵan ákelerimiz ben analarymyzdy qazaq halqy qonaqjaılylyqpen qarsy alyp, múmkindikterinshe qoldaý kórsetkenin biz eshqashan umytpaımyz, urpaǵymyzǵa udaıy aıtyp, tarıhnamany bilip júrýlerin de tapsyryp, ótinemiz.
Senbi, 27 sáýir 2013 2:59
Osydan týra 75 jyl buryn, 1937 jyldyń qazan aıynda bizdi Reseıdiń Prımore ólkesinen júk poıyzymen Almaty oblysy, Úshtóbe stansasyna ákelgen edi. Ol kezde qazirgi temir jol stansasynyń ornynda temir jol jumysshylaryna jáne kolhozshylarǵa arnalǵan birneshe jertóle ǵana bar bolatyn. Deportasııalanǵan adamdardy sol úılerge bólip ornalastyrdy. Taǵdyrdyń jazýymen deportasııalanǵan ákelerimiz ben analarymyzdy qazaq halqy qonaqjaılylyqpen qarsy alyp, múmkindikterinshe qoldaý kórsetkenin biz eshqashan umytpaımyz, urpaǵymyzǵa udaıy aıtyp, tarıhnamany bilip júrýlerin de tapsyryp, ótinemiz.
Qazaqtardyń bizge túsinistikpen qarap, qysyltaıań shaqta qoldaǵanynyń arqasynda biz, naqtylaı tússem, deportasııalanǵan káris halqy urpaq sabaqtastyǵyn jalǵap, ekinshi Otanymyzda beıqut ómir súrýdemiz. Tutastaı alǵanda, qazaqtardyń dástúrimen káristerdiń saltarynda kóptegen uqsastyqtar bar. Bet álpettegi terimizdiń birtústiligi, muryndarymyzdyń da kelińkireıtini óz aldyna. Sondyqtan da bolar, kóp jaǵdaıda eki ult arasynda otasyp, shańyraq kóteretinder de barshylyq.
Dostyqsyz biz jetistikterge jetýimiz neǵaıbyl edi. Ony elestete de almaımyn. Ekinshi dúnıejúzilik soǵys kezinde, odan keıin de Qaratal óńirinde aýyl sharýashylyǵy salasyn sol birliktiń, yntymaqtyń arqasynda jaqsy damyttyq. Sol úrdis búgin de jandy jalǵasyn tabýda. Keńestik dáýirde Qazaqstan boıynsha 60-tan astam káris Eńbek Eri ataǵyn alsa, sonyń 29-y bizdiń úshtóbelikter.
Biz búginde kópultty Qazaqstan Respýblıkasynda tatý-tátti ómir súrýdemiz. El birligi nyǵaıǵan ústine nyǵaıyp, yntymaqtastyq jalǵasýda. Qarttardy osy beıbit ómir qýantady. 1937 jylǵy repressııanyń 75 jyldyǵyna baılanysty respýblıkamyzda kárister dıasporasyn ashtyq. Bul monýment qazaq halqyna degen bizdiń qurmetimizdiń bir belgisi boldy. Qazaq halqyna myń taǵzym. О́zge ulttardan bólmeı, káris halqynyń da salt-dástúrin jańǵyrtyp, mádenıetin damytyp, ana tiliniń saqtalýyna yqpal etkeni úshin biz Elbasy Nursultan Ábishuly Nazarbaevqa óte razymyz.
Nıkolaı PAK,
Qaratal aýdanynyń qurmetti azamaty,
aýyl sharýashylyǵy ǵylymdarynyń
kandıdaty.
Almaty oblysy.