Sársenbi, 3 sáýir 2013 2:24
Bálkim, barymtashylardyń bulaı batyl qımyldaýyna jol polısııasy, jalpy aýyldaǵy ýchaskelik ınspektorlardyń beıǵamdyǵy da sep bolyp otyrǵan shyǵar. «Bir jyl ishinde ońtústikqazaqstandyq jol polısııasy qyzmetkerleri mal urlyǵyna baılanysty bir-aq qylmystyń ashylýyna kómegi tıipti» deıdi bul jóninde oblys prokýrory Ibragım Imanov. Odan bólek birqatar aýyl okrýgteriniń turǵyndarymen sóıleskende, olardyń kóbisi ózderine bekitilgen ýchaskelik ınspektorlardy múldem tanymaıtyny belgili bolypty.
Sársenbi, 3 sáýir 2013 2:24
Bálkim, barymtashylardyń bulaı batyl qımyldaýyna jol polısııasy, jalpy aýyldaǵy ýchaskelik ınspektorlardyń beıǵamdyǵy da sep bolyp otyrǵan shyǵar. «Bir jyl ishinde ońtústikqazaqstandyq jol polısııasy qyzmetkerleri mal urlyǵyna baılanysty bir-aq qylmystyń ashylýyna kómegi tıipti» deıdi bul jóninde oblys prokýrory Ibragım Imanov. Odan bólek birqatar aýyl okrýgteriniń turǵyndarymen sóıleskende, olardyń kóbisi ózderine bekitilgen ýchaskelik ınspektorlardy múldem tanymaıtyny belgili bolypty.
Urylardyń erkinsip ketkeni sonshalyq Shardara aýdanynyń turǵynyna tıesili 40 bas jylqyny jaıylymnan urlap, eki «KamAZ» kóligimen sonaý Qaraǵandyǵa jetkizip, satyp jiberipti. Qaraǵandy qaıda, Shardara qaıda… Jol-jónekeı eshqandaı tosqaýyl bolmaǵan. Sondaı-aq, urlanǵan maldy kórshiles aýdandarǵa, tipti basqa oblystarǵa eshqandaı veterınarlyq tólqujatsyz tasymaldaýǵa, bazarlar men mal soıý oryndaryna ótkizýde de tosqaýyldyń bolmaýy bul qylmystardyń jıileýine septigin tıgizýde. Ońtústik Qazaqstan oblystyq prokýratýrasy bul tarapta qadaǵalaýdy kúsheıtip, ishki ister salasynyń jumysyn bir shıratyp aldy. Mysaly, Túlkibas aýdanynyń prokýratýrasy mal urlyqtarynyń kúrt ósý sebepteri men aldyn alý, boldyrmaý jáne olarmen kúresýge baǵyttalǵan sharalardyń pármendiligine tekserý júrgizip, onyń qorytyndysy boıynsha 9 polısııa qyzmetkeri tártiptik jaýapkershilikke tartylsa, 20 ýchaskelik ınspektordyń ákimshilik aýmaqtary aýystyryldy. Osyndaı jumystar Qazyǵurt aýdanynda da júrgizilgen.Nátıjesinde sońǵy aılarda 12 qylmystyń beti ashylyp, 2012 jyldyń osy merzimimen salystyrǵanda mal urlyǵy 43 paıyzǵa azaıypty.
Oralhan DÁÝIT,«Egemen Qazaqstan».
Ońtústik Qazaqstan oblysy.