Juma, 19 sáýir 2013 0:31
Elimizdegi munaıly aımaq sanalatyn Atyraý oblysynda kásiptiń jańa túrin meńgergen, alýan túrli elderdiń valıýtasyn jasaı beretin «mamandar» da shyǵyp jatyr. Qylmystyń mundaı aýyr túrin kásip etken top músheleri kúni keshe ǵana sot júzinde jazalaryn aldy.
Juma, 19 sáýir 2013 0:31
Elimizdegi munaıly aımaq sanalatyn Atyraý oblysynda kásiptiń jańa túrin meńgergen, alýan túrli elderdiń valıýtasyn jasaı beretin «mamandar» da shyǵyp jatyr. Qylmystyń mundaı aýyr túrin kásip etken top músheleri kúni keshe ǵana sot júzinde jazalaryn aldy.
Shyny kerek, oblys qarjy polısııasy deregin bilip, mekenin taýyp, qylmystyq topty qolǵa túsirgenshe, Jaıyqtyń jaǵasyn jaılaǵan jurt ortalarynda osyndaı oılylardyń júrgenderin onshalyqty bile qoımapty.Atyraýlyq aqsha jasaǵysh top bes adamnan quralǵan eken. Olar AQSh-tyń dollarynan bastap, ózimizdiń teńgege deıin daıyndaýdy kádimgideı úırenip alǵanǵa uqsaıdy. Týra «Malınovkadaǵy úılený toıy» dep atalatyn keńestik eski bir fılmdegi Papandopýlo sekildi, bular da kezinde ártúrli valıýtalardy zýyldatyp salyp shyǵara bergen.Atyraýdyń aqshagerleri negizinen 100 AQSh dollarlaryn jasaýǵa mamandanǵan kórinedi. Al tótennen barǵan tekserý kezinde olar uıymdastyrǵan astyrtyn sehtan HEIDELBERG GTO markaly baspa stanogy tabylǵan. Onyń janynda banknot jasaýǵa kerekti boıaýlar, arnaıy qaǵazy, foto shyǵarý quraly qolǵa túsken. Sonymen birge, jalpy somasy 244 300 AQSh dollaryn quraıtyn 100 sıfrly kesilgen kýpıýralar alynǵan. Bulardan basqa, áli kesilmegen, jalpy somasy 293 600 AQSh dollary bolatyn kýpıýralar turǵan. Tekserý barysynda toptyń músheleriniń Atyraý oblysy aýmaǵynda 2000, 5000 jáne 10000 teńgelik jalǵan aqshalaı belgilerin jasap, satqany da anyqtalǵan.Atalmysh qylmystyq isti qaraǵan sot toptyń jetekshisi Erǵalıevke 13 jylǵa berse, top músheleri Shamshıdenovti – 12 jylǵa, A.Aımuratov pen E.Orynbasarovty 9 jyldan bas bostandyqtarynan aıyrdy. Sol sııaqty, Ábýǵalıev esimdi taǵy bir azamat shartty túrde 5 jylǵa bas bostandyǵynan aıyrýǵa kesildi.Joldasbek ShО́PEǴUL,«Egemen Qazaqstan».Atyraý qalasy.