Burnaǵy kúni Shyǵys Qazaqstan oblysynda burshaq aralas nóser jaýyp, quıyn oınady. Bul týraly Altaynews.kz tilshisi habarlady.
Jeksenbiniń tańy О́skemende tamyljyp atty. Aýa raıynyń kilt ózgerip, búlinip ketetin nyshany baıqalǵan joq. Kenet túske qaraı birden jer-dúnıe alaman tasyrǵa aınalyp sala berdi. Aldymen jelkildetip daýyl turdy. Onyń ekpininen aǵashtar maıysyp, jermen-jeksen bola jazdady. Artynsha shelektep quıǵan jańbyr sálden keıin kóshe boılarymen júgire aqty. Jóńkilgen sý lezde tabanjoldardy toltyryp, kósheniń ortasyna shyǵyp ketti. Osy shamada qalanyń keıbir múıisterinde burshaq jaýa bastady.
Kórgenderdiń aıtýlarynsha, oblystaǵy eń bir tótenshe jaǵdaı sol kezderi О́skemen-Semeı tas jolynyń boıynda oryn alypty. Al Ýkraınka dep atalatyn selonyń aýmaǵynda naǵyz daýyl turǵan. Mine, osy kórinisterdi Ersultan Qusaıynov degen azamat kameraǵa túsirip alyp, ıýtýbqa salypty. Biz tómende sony nazarlaryńyzǵa usynyp otyrmyz.
Sultan Bozaıǵyr.
{youtube}ZBfS3zV-ACY{/youtube}