Mańǵystaýdyń ashy shóbine jýsap, shól dalasynda jetilgen Adaı jylqylary sońǵy jyldary el mereıin ósirip, sporttaǵy jeńisti joldy jalǵastyryp keledi. Shilde aıynyń ystyǵynda Mańǵystaýdan jolsoqty bop sonaý Máskeýge jetken jylqylarymyz Reseı eliniń tańdaıyn taǵy da qaqtyryp oraldy.
Mańǵystaýdyń ashy shóbine jýsap, shól dalasynda jetilgen Adaı jylqylary sońǵy jyldary el mereıin ósirip, sporttaǵy jeńisti joldy jalǵastyryp keledi. Shilde aıynyń ystyǵynda Mańǵystaýdan jolsoqty bop sonaý Máskeýge jetken jylqylarymyz Reseı eliniń tańdaıyn taǵy da qaqtyryp oraldy.
Tabıǵatynan júırik jaratylǵan bul jylqy tuqymynyń qasıeti erterek moıyndalǵanmen, olardyń nebir dodalarda júlde salǵan jeńisi halyq arasynda ańyzdaı taralǵanymen, sońǵy 50-60 jyl boıy jabýly qazan jabýly kúıinde kelgen. Aýyl arasynda birinen-biri ozyp ıesin qýantqany bolmasa, el úshin synǵa túsýdiń aýyly alys qaldy. Tipti Uly Otan soǵysy jyldarynda súlikteı sulýlary men tuıaǵynyń jeli bar júırikteri top-tobymen maıdanǵa alynyp, toz-toz bolǵany da bar. Adaı jylqylarynyń qaıtadan boı kórsetip, baýyr jazýy sońǵy 1-2 jyldyqta boı kórsete bastady. Biraq, osy az ýaqyt kóp júlde ákeldi. О́tken jyldary alys qashyqtyqta TMD kýbogyn, Qazaqstan Respýblıkasy Prezıdenti kýbogyn jeńip alǵan jylqylar bıyl taǵy da TMD kýbogy úshin Máskeýge attanǵan bolatyn.
Mańǵystaýdan barǵan alty jylqynyń tórteýi 80 shaqyrymdyq, ekeýi 160 shaqyrymdyq báıgede Reseı, Belorýssııa, Ýkraına elderiniń júırikterimen jarysqa tústi.
Bul joly Qazaqstannyń mereıin kóterý taǵy da «Oıly» atty tulparǵa buıyrypty. Buǵan deıin qatarynan eki ret Reseı elinen júldemen oralǵan «Oıly» 160 shaqyrymdyq jarysta aldyna qara salmaı, máre syzyǵyn dara kesip ótken.
Buryn bir emes birneshe ret eline, jankúıerine júlde syılaǵan tulparlardyń ıeleri men shabandozdaryn oblys ákimi A.Aıdarbaev qabyldap, marapattady.
Mańǵystaý maqtanyshyna aınalǵan jylqylardyń baby kelisse, baǵy janyp, juldyzy jarqyraı túsetini anyq.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.