S. Amanjolov atyndaǵy Shyǵys Qazaqstan Memlekettik ýnıversıtetinde «Altaı - túrki áleminiń altyn besigi» II halyqaralyq forýmynyń aıasynda ótip jatqan ǵylymı-praktıkalyq konferensııada búgin «Altaıtaný» ortalyǵy ashyldy. Bul týraly «QazAqparat» tilshisi habarlady.
Ǵylymı-praktıkalyq konferensııaǵa álemdik deńgeıdegi tanymal túrkitanýshylar, ǵalymdar men dıplomattar qatysýda. Konferensııa barysynda túrli taqyryptyq kórmeler tanystyryldy.
Atap aıtqanda, «Túrki áleminiń qujattar shejiresi» kórmesinde Semeı qalasynyń Abaı murajaıynyń «Sırek qoljazbalar qorynan» alynǵan kitaptar, Ońtústik Qazaqstannyń ámbebap kitaphanasy men ShQMÝ kitaphanasynyń kitaptary qoıyldy. Al «Altaı-Ertis kitaphanasy» kórmesin Pýshkın atyndaǵy kitaphana tanystyrdy.
О́ńir murajaıy túrki áleminiń óneri, tarıhy men arheologııasynan syr shertetin biregeı ekspozısııasyn jurt nazaryna usyndy. Altaı tabıǵatynyń florasy men faýnasy «Altaıdyń ǵajaıyp tabıǵat álemi» kórmesinde tanystyryldy.
Eske sala ketsek, búgin tústen keıin О́skemende QR IýNESKO janyndaǵy turaqty ókili Oljas Súleımenov, QR Jýrnalıstıka akademııasynyń prezıdenti, professor, tarıh ǵylymdarynyń doktory Saǵymbaı Qozybaev, Ystambuldaǵy Mimar Sinan ýnıversıtetiniń professory Ábdiýaqap Qaranyń qatysýmen baspasóz máslıhaty ótedi.
Murat Aıtqoja.