Túrkııanyń Bursa deıtin qalasynda 400 jyldan astam jasaǵan shynar aǵashy bar eken. Túrik aǵaıyndar ǵana emes, kúlli musylman balasy kıeli dep esepteıtin osy aǵashty kórýge biz de bardyq. Alty adamnyń qushaǵyna áreń sııatyn alyp daraqtyń bir de bir butaǵy qýramaı, jaıqalyp ósip tur. Bul aǵashtyń túbinde otyryp tilegen tilek oryndalady dep eseptelinedi. Kóleńkesine qoıylǵan ústelderde adamdar demalyp, túrli jemisterden dám tatyp, áńgime-dúken quryp otyrýdy dástúrge aınaldyrǵan.
Túrkııanyń Bursa deıtin qalasynda 400 jyldan astam jasaǵan shynar aǵashy bar eken. Túrik aǵaıyndar ǵana emes, kúlli musylman balasy kıeli dep esepteıtin osy aǵashty kórýge biz de bardyq. Alty adamnyń qushaǵyna áreń sııatyn alyp daraqtyń bir de bir butaǵy qýramaı, jaıqalyp ósip tur. Bul aǵashtyń túbinde otyryp tilegen tilek oryndalady dep eseptelinedi. Kóleńkesine qoıylǵan ústelderde adamdar demalyp, túrli jemisterden dám tatyp, áńgime-dúken quryp otyrýdy dástúrge aınaldyrǵan.
Osman ımperııasynan bastap talaı almaǵaıyp zamandy bastan keshken aǵashtyń kóleńkesi adamdy aýyzben aıtyp túsindirýge kelmeıtin erekshe bir kúıge bóleıdi. Alyp shynardyń kóleńkesinde osy tórt ǵasyrda kimder damyldamady eken?!
Biz de bos sákige jaıǵasyp, jemisterge tapsyrys berdik. Munda árıne, eshqandaı ishimdik ishilmeıdi. Jáne ondaı oı eshkimniń mıyna kirip-shyqpaıdy. Túrik elinde de neshe túrli jemis ósedi. Al myna shynar aǵashy kóleńkesimen-aq talaı jergilikti turǵyndy asyrap otyr. Jaqyn mańdaǵy aýyldardyń adamdary osynda kelip alma, júzim, shabdaly satady. Ishinde bizdiń jaqta óspeıtin jemister de bar. Kıeli aǵashtyń aınalasynda da týrıstik qyzmet jolǵa qoıylǵan. Tórt ǵasyr jasaǵan shynar aǵashy qazirgi túrik eliniń baılyǵy men maqtanyshy da.
Men elge kelgen soń osy aǵash týraly aıtyp edim, biletinder bizdiń Jarkent jaqta alyp qaraǵash bar ekendigin aıtty. Surastyrsam, – aqıqat eken. Sýretin taýyp alyp, tamashaladym. Kútim kórmeı, óz betinshe óskeni baıqalady.
Bul aǵashqa da biletin adamdar baryp, táý etip, tilek tileıtin kórinedi. Biraq, týǵan jerimizde dál osyndaı qasıetti aǵash bar ekendigin týrıster túgili ózimizdiń de bile bermeıtinimiz ókinishti. Odan da ókinishtisi, qaıbir jyldary bir dinı aǵymnyń adamdary keı jurt arnaıy izdep baratyn osy aǵashty órtep jibermek te boldy. О́zderin Allanyń adastyrmaıtyn aq jolynda júrmiz dep esepteıtin top sol Allanyń qudiretimen ǵasyrlar boıy kúnniń kózinde, jeldiń ótinde, aıazdyń qursaýynda ósip turǵan shynar aǵashyn joq etpek boldy. Qalaı kúızelmessiń... Talaı zamanǵa kýá bolýymen ǵana qasıeti kóbeıgen aǵashty otaýdy qaı din qoldaıdy?!
Bulaqty biteý, joldy jabý, japan túzdegi jalǵyz aǵashty kesý kúnálardyń ishindegi úlkeni ekeni Qudaı sózinde de taıǵa tańba basqandaı jazylǵan ǵoı. Al biz... Alyp qaraǵash Allanyń ámirimen aman qaldy.
Aınash ESALI,
«Egemen Qazaqstan».
ALMATY.
–––––––––––––
Sýrette: Bursadaǵy shynar aǵashy.