Qyrkúıek keldi. Jıyn-terin bastaldy

Elimizde Biryńǵaı astyq holdıngi quryldy. Jańa qu­ry­lymnyń dıqandar úshin paı­dasy qandaı? Holdıngtiń basty maqsaty ne? Buryn dı­qandar «Azyq-túlik korporasııasy» AQ astyqty ót­kizip, qabyldanǵan baǵa boı­yn­sha esep aıyrysatyn. As­tyqtan túsetin paıda kor­porasııanyń qaltasyna ketip otyrdy. Endi, holdıng ónimdi satqannan keıin tabys­ty sharýalarmen bólisetin bolady. Holdıng quramyna kirý úshin sharýashylyqtardan eshbir qarjylyq nemese múliktik jarna talap etilmeıdi. Kók­temgi egis naýqanyna qar­jy­laı kómek alý kezinde qol­daý kórsetiledi. Osyndaı ja­ńa­lyqtardy oblys dıqandary qa­laı qabyldady, jalpy, aldaǵy astyq jınaý naý­qa­nyna daıyndyq barysy qalaı júrgizilýde? Búginde óńirde astyq qabyldaıtyn oryn jetispeıdi. Dıqandar kúzde astyq saqtaıtyn jer bolmaı qala ma dep otyr.

Elimizde Biryńǵaı astyq holdıngi quryldy. Jańa qu­ry­lymnyń dıqandar úshin paı­dasy qandaı? Holdıngtiń basty maqsaty ne? Buryn dı­qandar «Azyq-túlik korporasııasy» AQ astyqty ót­kizip, qabyldanǵan baǵa boı­yn­sha esep aıyrysatyn. As­tyqtan túsetin paıda kor­porasııanyń qaltasyna ketip otyrdy. Endi, holdıng ónimdi satqannan keıin tabys­ty sharýalarmen bólisetin bolady. Holdıng quramyna kirý úshin sharýashylyqtardan eshbir qarjylyq nemese múliktik jarna talap etilmeıdi. Kók­temgi egis naýqanyna qar­jy­laı kómek alý kezinde qol­daý kórsetiledi. Osyndaı ja­ńa­lyqtardy oblys dıqandary qa­laı qabyldady, jalpy, aldaǵy astyq jınaý naý­qa­nyna daıyndyq barysy qalaı júrgizilýde? Búginde óńirde astyq qabyldaıtyn oryn jetispeıdi. Dıqandar kúzde astyq saqtaıtyn jer bolmaı qala ma dep otyr.

«Egemen Qazaqstannyń» oblystaǵy tilshisi Farıda Byqaı oblystyq aýyl sharýashylyǵy basqarmasynyń bastyǵy Janat Shuǵaevqa:

– Siz buǵan ne deısiz?

– Holdıngtiń qurylýy dı­qan­dardyń jaz boıy mańdaı terin tógip eńbektengen eń­be­giniń aqtalýyna úlken kó­mek dep oılaımyn. Al bıyl ob­lys­taǵy jınalatyn astyqty al­qap kólemi 854 myń gektar­dy qurap otyr. Jaz jaýyn-shashyndy boldy. Eginniń pisip-jetilýine, árıne, aýa raıynyń qolaısyzdyǵy áser etedi. Bıyl­ǵy jazda Ertis ózeniniń sýy mo­lynan jaıyldy. Qazir sharýa­lar qysqy jem-shópti daıyn­daýda. Jalpy, 1582 myń gektar alqaptan shóp jınalady. Sonyń ishinde 232 myń gek­­tardy jaıylma alqaby qu­raıdy. Orta eseppen gektaryna 6,8 sentner shóp jınalýda. Máselen, Lebıaji aýdany 500 gektar jaıylmany oryp, 800 tonna shóp jınaǵan. Jospar boıynsha bıyl sharýalar 1 mıllıon 215 myń tonna shóp jınap, 2 jyldyq azyq qoryn ázirleýi tıis. Arzandatylǵan 4 myń tonna janar-jaǵarmaı sharýalarǵa taratyldy. Dızel otyny na­ryq­taǵy baǵadan 21 paıyzǵa arzan. Astyqty jınaý naýqa­ny dıqandarǵa ońaı emes. Yl­ǵal­dyń kóptiginen egindi keptirý qajet. Ol úshin qosymsha ja­nar-jaǵarmaı jetkilikti bólý jóninde usynys ta jasaldy. Janar-jaǵarmaı demekshi, as­tyq jınaý naýqanyna óńiri­mizge bólingen arzan baǵaly dızeldi otyn aýyl-aýylǵa der kezinde jetkizilýde. Oblysta 101 kókónis saqtaıtyn qoıma ja­ńa ónimdi qabyldaýǵa ázir. Olardyń 67 paıyzy zamana­ýı tehnologııalarmen jab­dyq­talǵan. Jıyn-terin ju­mys­taryna shyǵatyn tehnıkalar daıyn. Elimizdegi qarjy ıns­tıtýttary arqyly lızıngke tehnıka satyp alý tetikteri de jan-jaqty túsindirilýde.

Jergilikti elevatorlar já­ne Qalqaman kentinde or­na­las­qan elevator óńir sharýa­la­rynyń astyqtaryn qabyldaýǵa ázirlik jumystaryn júr­gi­zý­de. Oblysta 10 elevator men syıymdyǵy 450,3 myń ton­na bolatyn astyq qam­ba­sy bar. Sonymen birge, aýyl­sharýashylyq taýar­laryn óndirýshilerdiń as­tyq­taryn saqtaýǵa arnalǵan syıym­dylyǵy 692,2 myń tonna bola­tyn 469 qoıma bar. Aldyn ala ja­salǵan boljamdar boıynsha, ortasha eseppen oblys dı­qan­dary bir gektardan 10-12 sentnerden dándi daqyl almaqshy.

Pavlodar oblysy.