Konstıtýsıonalızm áleýeti pikir alysqanda artady

Keshe elordada Konstıtýsııa kú­ni­ne arnalǵan «Konstıtýsııa – qoǵam men memleket damý strategııasynyń negizi» atty ǵylymı-tájirıbelik konferensııa bolyp ótti. Jyl saıynǵy dástúrli ótip turatyn bul kezekti shara barysynda Qazaqstannyń kons­tı­týsııalyq damýyndaǵy jáne qoǵam men memleketti áleýmettik jań­ǵyr­týdaǵy máseleler keńinen sóz boldy.

Keshe elordada Konstıtýsııa kú­ni­ne arnalǵan «Konstıtýsııa – qoǵam men memleket damý strategııasynyń negizi» atty ǵylymı-tájirıbelik konferensııa bolyp ótti. Jyl saıynǵy dástúrli ótip turatyn bul kezekti shara barysynda Qazaqstannyń kons­tı­týsııalyq damýyndaǵy jáne qoǵam men memleketti áleýmettik jań­ǵyr­týdaǵy máseleler keńinen sóz boldy.

Sóz oraıy kelgende sharany uıym­das­­tyrýǵa Konstıtýsııalyq Keńes, Bas pro­kýratýra, Adam quqyqtary jónindegi ýá­kil, Astana qalasynyń ákimdigi, Eý­ro­pa Keńesi Quqyq arqyly demokra­tııa úshin Eýropalyq Komıssııasy (Ve­ne­sııa ko­mıssııasy), Qazaqstan halqy Assam­bleıasy, Halyqaralyq zańgerler odaǵy, Qa­zaqstan zańgerler odaǵy, L.N.Gýmılev atyndaǵy Eýrazııa Ulttyq ýnıversıteti atsalysqandyǵyn aıta ketken jón. Alqaly jıyn jumysyna elimizdiń Premer-Mı­nıstri, Parlament Senatynyń Tóra­ǵa­sy, Mem­­lekettik hatshy, Prezıdent Ákim­shi­li­­giniń Basshysy, Parlament depýtattary, ortalyq memlekettik organdardyń bi­­rin­shi basshylary, sondaı-aq 19 el men ha­lyq­­aralyq bedeldi uıymdardyń ókilderi qatysty.

Atap aıtqanda, alqaly jıynǵa BUU, Eýropa Keńesi, Eýropa Odaǵy, EQYU ókil­deri, Ázerbaıjan, Belorýssııa, Bolgarııa jáne Túrkııa Konstıtýsııalyq sottarynyń tóraǵalary, Koreıa jáne Tájikstan ombýds­menderi, Armenııa, Aýǵanstan, Lıtva, Moldova, Reseı, О́zbekstan, Ýkraına, Ger­manııa, Horvatııa jáne basqa da elderdiń konstıtýsııalyq ádilet organdary men parlamentteriniń músheleri, sonymen birge, sheteldik jáne otandyq tanymal zańger-ǵalymdar men sarapshylar keldi.

Halyqaralyq ǵylymı-tájirıbelik konferensııa jumysyn Konstıtýsııalyq Keńes Tóraǵasy Igor Rogov sóz sóı­lep ashty. Konstıtýsııalyq Keńes Tóra­ǵa­sy atal­ǵan halyqaralyq sharada eń basty qaras­tyrylatyn máseleler Qa­zaq­stan Respýblıkasy Prezıdenti N.Á.Na­zar­baev­tyń «Qazaqstan-2050» strategııalyq qu­ja­tynyń quqyqtyq aspektilerin júzege asyrý bolyp tabylatynyn erekshe atap ketti.

Al elimizdiń Memlekettik hatshysy Marat Tájın konferensııa qaty­sý­shy­laryna Elbasynyń quttyqtaýyn jetkizdi. Elbasy óz sózinde qatysýshylardy Konstı­týsııa kúnimen shyn júrekten qut­tyq­taı­myn, deı kelip, Ata Zańnyń mem­leke­timizdiń tabysty damýynyń berik irgetasy ekendigine erekshe toqtalǵan. Konstıtýsııanyń arqasynda memlekettik jáne jeke menshiktiń teńdigi, kásipkerliktiń derbestigi men menshikti qoǵam múddesine paıdalaný qaǵıdattaryna sáıkes Qazaqstan ekonomıkasy damyp keledi. Qazaqstan Res­pýblıkasynyń Konstıtýsııasy áleýmettik memleket retinde eńbek bostandyǵy quqy­ǵyna kepildik beredi. Neke men otbasyn, anany, áke men balany memlekettiń qor­ǵaýyna alyp, halyq densaýlyǵyn saqtaýdy qamtamasyz etedi, delingen Elbasynyń quttyqtaýynda.

Prezıdent sondaı-aq elimizdiń Ata Zańy memlekettik bılik birliginiń, onyń barlyq tarmaqtarynyń tıimdi ózara is-qımylynyń negizin qalaǵandyǵyn da erekshe atap ketken. Konstıtýsııalyq qaǵıdalar negizinde memleket pen azamattyq qoǵam ınstıtýttarynyń ózara áriptestigi iske asyp, jergilikti ózin ózi basqarý damýda. Oǵan táýelsiz Qazaqstan tarıhynda alǵash ret bolyp ótken jergilikti ákim­der saılaýy dálel bola alady. Kons­tı­týsııany buljytpaı oryndaý Qazaq­standaǵy qoǵamdyq kelisim men saıası turaqtylyqty nyǵaıtýdyń senimdi kepi­li. Búginde Qazaqstan 2050 jylǵa deıingi strategııany iske asyrýda. Onyń bas­ty maqsaty – álemdegi eń damyǵan 30 mem­le­kettiń qataryna ený. Bul maqsatty ju­mys Konstıtýsııa men zańdardyń tár­tibin múltiksiz saqtaýdy mindetteıdi. Kon­ferensııaǵa qatysýshylardyń barly­ǵynyń jumysyna jemis jáne kásibı qyzmetine tabys tileımin, deıdi Nursultan Ábishuly quttyqtaýynyń sońynda.

Budan keıin sóz a