Almaty qalasyndaǵy «Ǵylym ordasynyń» úlken zalynda Qazaqstan Respýblıkasy Ulttyq Ǵylym akademııasynyń jalpy jınalysynyń sessııasy ótti. Alqaly jıynda QR UǴA prezıdentin jáne QR UǴA Tóralqasynyń jańa quramyn saılaý máseleleri qaraldy.
Almaty qalasyndaǵy «Ǵylym ordasynyń» úlken zalynda Qazaqstan Respýblıkasy Ulttyq Ǵylym akademııasynyń jalpy jınalysynyń sessııasy ótti. Alqaly jıynda QR UǴA prezıdentin jáne QR UǴA Tóralqasynyń jańa quramyn saılaý máseleleri qaraldy.
Sońǵy birer jyldyń júzinde ómirden ótken otandyq ǵylymǵa eńbekteri sińgen, ǵalymdardy únsiz eske alýmen bastalǵan QR UǴA-nyń jalpy jınalysynda elimizdiń Memlekettik hatshysy M.Tájınniń Qazaqstan Respýblıkasynyń ulttyq tarıhyn zerdeleý jónindegi vedomstvoaralyq jumys tobynyń keńeıtilgen otyrysynda jasaǵan baıandamasyna oraı uıymdastyrylǵan «Qazaqstan tarıhy, oǵan qosa ǵylym men joǵary bilim tarıhy» atty «dóńgelek ústel-konferensııasy» ótti.
Ǵylymnyń ár salasyn qamtıtyn 259 múshesi bar ǵylymı ortanyń 211 múshesi qatysqan jıynda QR UǴA-ny osy ýaqytqa deıin basqaryp kelgen Murat Jurynov prezıdent bolyp qaıta saılandy. Jınalysqa qatysqandardyń 97,7 paıyzy ony qoldap daýys berdi. QR UǴA Tóralqa músheligine 21 ǵalym saılandy. Olardyń 12-si turaqty quram da, al qalǵan 9-y saılanbaly músheler.
Qazaqstan Respýblıkasynyń Ulttyq Ǵylym akademııasy (QR UǴA) – otandyq ǵylymnyń, bilim men mádenıettiń qalyptasýy men damýyna, qoǵamymyzdyń ekonomıkalyq, áleýmettik jáne rýhanı damýynyń mańyzdy máselelerin sheshýge zor úles qosqan, quramynda álemdik ǵylymı qaýym moıyndaǵan 150 akademıgi jáne 109 korrespondent-múshesi bar elimizdiń jetekshi ǵylymı uıymy.
Qazaq eliniń ǵylymı elıtasy aldynda sóılegen sózinde akademık M.Jurynov osy ýaqytqa deıingi kezeńde QR UǴA perzıdenti men onyń basqarýyndaǵy QR UǴA Tóralqasy tarapynan jalpy májilistiń qaýlylaryn oryndaý boıynsha jáne QR UǴA shuǵyl qyzmetiniń aǵymdaǵy suraqtarynyń sheshilýi boıynsha edáýir jumystar atqarylǵanyn tilge tıek etip, elimizdiń Ulttyq Ǵylym akademııasynyń halyqaralyq qatynastar salasyndaǵy qyzmeti belsendendirile túskendigin baıandady. QR UǴA barlyq iri ǵylym akademııalary halyqaralyq assosıasııalaryna múshe bola otyryp, ǵylym akademııalarymen jáne álemniń 30 eliniń túrli qorlarymen shyǵarmashylyq baılanysta jumys isteýde, al taıaýda irgeli ǵylymnyń qory shoǵyrlanǵan Shanhaı yntymaqtastyq uıymy janyndaǵy Akademııaaralyq Keńestiń múshesi bolyp tanyldy. Kúni búginge deıin atqarylǵan osy ıgi isterdiń barlyǵy qazaqstandyq ǵalymdardyń halyqaralyq arenaǵa shyǵýyna yqpal etetini anyq.
El ǵylymynyń mindetteri men máseleleri talqyǵa túsken bul jıynda «Otandyq tarıh ǵylymy: mejeler men mindetter», Ulttyq tarıh jáne zertteýshi jaýapkershiligi», «Qazaqstannyń erte tarıhy jáne Batys Eýropa derekkózderi», «Shyǵys derekkózderindegi Qazaqstan tarıhy», «Qazaq KSR Ǵylym akademııasy stalındik-súrgin jyldarynda» jáne basqa baıandamalar tyńdaldy.
Jalpy jınalysta málim bolǵandaı, esep berý merziminde QR UǴA tarapynan ǵylym týraly Ulttyq baıandamanyń 4 tomy daıyndalyp jaryqqa shyqsa, sonymen qatar 8 ǵylymı jýrnal betterinde 2 myńnan asa ǵylymı maqalalar, Qazaqstan ǵalymdarynyń kitaptaryna 10 pikir, QR UǴA Tóralqasynyń materıaldarymen birge QR UǴA músheleriniń qyzmetteri týraly aqparattyq materıaldar jarııalanǵan. Qazaqstan ǵalymdary forýmy aıasynda Elbasymyz N.Nazarbaev Ǵylym týraly ulttyq baıandamanyń halyqaralyq standart talaptaryna sáıkes keletin jańa úlgisiniń daıyndalýy qajettiligin atap kórsetken edi. Bıylǵy jyldan bastap Ulttyq Ǵylym akademııasy Ulttyq baıandamasyn QR Prezıdenti Jarlyǵynyń jańa erejelerine sáıkes daıyndaıtyn bolady.
Qanat ESKENDIR,
«Egemen Qazaqstan».
ALMATY.