Endigi jerde at arqasyna jarmasqan sheneýnikter ózderiniń laýazymdy qyzmetteri úshin berilgen memlekettiń kóligin jeke sharýalary baǵytynda paıdalana almaıtyn bolady. Munyń qanshalyqty dárejede júzege asyp, únemshildikke qol jetetinin kim bilsin, biraq osyndaı tyıymnyń salynǵaly turǵany anyq kórinedi. Bul týraly KTK telearnasy habarlady.
Endigi jerde at arqasyna jarmasqan sheneýnikter ózderiniń laýazymdy qyzmetteri úshin berilgen memlekettiń kóligin jeke sharýalary baǵytynda paıdalana almaıtyn bolady. Munyń qanshalyqty dárejede júzege asyp, únemshildikke qol jetetinin kim bilsin, biraq osyndaı tyıymnyń salynǵaly turǵany anyq kórinedi. Bul týraly KTK telearnasy habarlady.
Sheneýnikterdi baqylaý men qadaǵalaý munymen de shektelip qoıa salmaıtyn sııaqty. Olardyń qaıda baryp, qaıda turǵandary osy kólikterine ornatylatyn sıgnal qondyrǵy arqyly anyqtalyp turady. Al anyqtaý júıesi ǵaryshtan qaraý arqyly júrgiziledi. Iаǵnı, olar mingen kólikterdiń qaıda baryp, qaıda aıaldaǵanyn bilý úshin avtomashınalarǵa GPS-navıgatorlar ornatylmaqshy.
Buǵan úlkendi-kishili basshylardyń ózderine qyzmettik maqsatta berilgen kólikterin kópe-kórneý, jurttyń kóz aldynda ońdy-soldy paıdalanýlary áser etken sııaqty. Osyǵan oraı, taqyrypty qaýzaı túsken «Nur.kz» portalynyń tilshisi: «Atqaminerler qyzmettik kólikpen ul-qyzdaryn mektep pen balabaqshaǵa, áıelderin bazarǵa tasýdy ádetke aınaldyrǵan. Tipti maqtanǵandyq pa, áıteýir toıǵa da sol úkimettiń mashınasymen barady. Baryn pash etkendi jany súıetin dókeılerdi endi táýbesine túsiretin kún alys emes», – dep odan ary nyǵarlap qoıady.
«Tańerteń balabaqshalardyń, mektepterdiń mańaıynda, keshke toıhanalardyń tóńireginde qyzmettik nómirleri bar memlekettik kólik tursa, ol memlekettik qyzmetshiniń ádeptilik normalaryna saı emes. Osyny olardyń sanasyna sińirýimiz kerek», – degendi aıtady Memlekettik qyzmet isteri jónindegi agenttiktiń tóraǵasy Álıhan Baımenov.
Munyń bári: «Budan bylaı shylbyryńdy shaqtap usta, sheneýnik», degen qaǵıdanyń kele bastaǵanyn kórsetse kerek.
Rýslan IGILIK.