Urpaqqa ulaǵaty mol shara

Prezıdent Nursultan Nazarbaevtyń «Qazaqstan – 2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda bilim berý mekemelerinde patrıottyq tárbıe berý, memlekettik tildi, ulttyq dástúrdi damytý baǵytynda jumystar júrgizý qajettigine erekshe mán berilgeni belgili.

Prezıdent Nursultan Nazarbaevtyń «Qazaqstan – 2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda bilim berý mekemelerinde patrıottyq tárbıe berý, memlekettik tildi, ulttyq dástúrdi damytý baǵytynda jumystar júrgizý qajettigine erekshe mán berilgeni belgili.

Osy turǵydan alǵanda, Ba­tys Qazaqstan óńirindegi irgeli oqý oryndarynyń biri Marat Ospanov atyndaǵy Batys Qazaq­stan memlekettik medısına ýnıver­sıtetinde ótken egemen elimiz Parlamentiniń tuńǵysh spıkeri, ekonomıka ǵylymdarynyń doktory, professor, halyqaralyq ekonomıka ǵylymdary akademııasynyń akademıgi, tanymal memleket jáne qoǵam qaıratkeri Marat Ospa­novty eske alýǵa arnalǵan mádenı-tárbıelik sharanyń zor tálim-taǵylymdyq ma­ńy­zy boldy. Halqyna qyzmet etý­diń úlgisin kór­setken qoǵam qaı­ratkeriniń jarqyn beınesin jas urpaqtyń jadynda jańǵyrtý ulaǵaty mol shara retinde este qaldy.

Osy joǵary oqý orny bas­shylyǵynyń, №1 jalpy medısına fakýlteti dekanatynyń qoldaýymen ótken bul sharanyń basty ereksheligi onyń burynǵy ýaqyttardaǵydaı joǵarydan berilgen tapsyrmamen emes, ýnı­versıtettiń «Áleýmettik-saıa­sı pánder» kafedrasy janyn­daǵy «Zerde» qoǵamdyq pikir-saıys klýbynyń bastamasymen uıymdastyrylýynda jáne jas­tardyń tarapynan úlken qyzy­ǵýshylyq pen yntalylyq týdyrýynda edi.

Sharaǵa jınalǵandar ýnıver­sıtettiń bas ǵımaratynda or­nalasqan Marat Ospanovtyń eskertkish-bıýstine gúl shoq­taryn qoıyp, oqý orny mý­zeıimen, ondaǵy tuǵyrly tul­ǵaǵa arnalǵan eksponattarmen, fotosýrettermen tanysty. Sonan soń olar ýnıversıtettiń úlken májilis zalyna jınalyp, belgili qoǵam jáne memleket qaıratkeri týraly beıne-materıaldy kórdi. Onda Marat Turdybekulynyń jastyq shaǵynan bastap, adam, azamat, úlken tulǵa bolyp qalyptasýy joldary kórsetildi. Onyń jasynan ónerge áýes bolyp trýbada, gıtarada oınaǵany jáne sońǵy jyldarda qazaqtyń tól mýzykalyq aspaby dombyra tartýdy jaqsy ıgerip, ony dáriptegenin kórip, tipti Marat Turlybekulynyń «dom­byra aspabynda oınaý árbir qazaqqa tán bolý kerek, ol tildi ıgerýge de septigin tıgizedi» degeni kórermender men qatysýshylardyń kóńilin tolqytty.

Áriptesteri jáne keıingi býyn ókilderi ony eske alyp, «Qo­ǵam qaıratkeri, ǵalym, saıası tulǵa» taqyrybynda dóńgelek ústel uıym­dastyrdy. «Zerde» qoǵamdyq pikir-saıys klýbynyń qurmetti tóraǵasy, «Áleýmettik-saıası pánder» kafe­drasynyń jetekshisi, fılosofııa ǵylymdarynyń dok­tory, professor Altaı Taı­janov Marat Turdybekuly týraly qysqasha baıandap, onyń osy zaman týdyrǵan tul­ǵa ekendigin, bizdiń egemen, tá­ý­elsiz Qazaqstannyń jańa tarı­hynda, elimizdiń saıası, áleý­­mettik-ekonomıkalyq tur­ǵydan damýynyń teorııasy men basqarylýyna qosqan zor úlesin aıtyp ótti.

Jalpy alǵanda bul sharanyń jas urpaq tárbıesine berer úlgili jaǵy kóp boldy. Uıym­dastyrýshylar aldaǵy ýaqytta dóńgelek ústeldi ǵyly­mı konferensııa deńgeıine kóterýge uıǵarym jasady.

Satybaldy SÁÝIRBAI,

«Egemen Qazaqstan».

Aqtóbe oblysy.