Toqsanynshy jyldardyń basynda naryq kelip esik qaqqanda buryn kásipke beıimi joq dep eseptelip kelgen qazaq azamattarynyń sál abdyrap qalǵany ras. Qazir, ınshalla dep aıtaıyq, dalamen birge qalada da óz sharýasyn dóńgeletip áketken jigitterimiz barshylyq.
Toqsanynshy jyldardyń basynda naryq kelip esik qaqqanda buryn kásipke beıimi joq dep eseptelip kelgen qazaq azamattarynyń sál abdyrap qalǵany ras. Qazir, ınshalla dep aıtaıyq, dalamen birge qalada da óz sharýasyn dóńgeletip áketken jigitterimiz barshylyq.
Solardyń biri abaılyq azamat Aıan Jarylǵapov. Ol solaıy solaı. Biraq Aıan qazir Semeıde turady. Endi áńgimeni basynan bastap aıtatyn bolsaq...
Iá, áńgimeni basynan bastap aıtatyn bolsaq, bul jigittiń ulylar elinde týyp, osynda oqyp jetilgeni bár-bári shyndyq. Sodan ol toqsanynshy jyldardyń bas- ynda qalaǵa attanyp, mamandyǵy boıynsha sondaǵy №2 avtoparkke júrgizýshi bolyp ornalasady. Sonsoń «keldim, kórdim, jeńdim» dep ataqty qolbasshy Eskendir, Aleksandr Makedonskıı aıtpaqshy, qalaǵa kelip kórgennen soń jeńiske jete bastaıdy.
Bul endi aıtqanǵa ǵana ońaı. Bolmasa aýyldan kelgen bozbalanyń aqyr sońynda sol atalǵan avtobýs parkiniń ıesi atanýy ońaıǵa tústi deısiz be! Parkti jekeshelendirip jatqanda bunyń ıeligine bar bolǵany bir «Ikarýs» avtobýsy tıgen. Iskerligi men tabandylyǵynyń arqasynda ýaqyt ótken saıyn onyń qatary kóbeıe túsken. Qazirde bulardaǵy avtobýs sany on altyǵa jetip otyr. Olar oblys ishinde Abaı men Aqsýatqa, el kóleminde Astana, Qaraǵandy men Kókshetaýǵa, onyń syrtynda halyqaralyq marshrýt boıynsha Reseı, Qytaı, Qyrǵyzstan men Mońǵolııaǵa jolaýshylardy tasymaldaýda. Aıan endi oblys ortalyǵy О́skemen men Úrjarǵa avtobýs shyǵaramyn dep otyr.
Búgingi kúni munda elýge jýyq adam jumys istese, olardyń orta tabysy seksen myń teńge kóleminde. Demek, bul erinbeı eńbek etip kele jatqandardyń tabysy budan da joǵary degen sóz. Mine, Aıannyń qaladaǵy tirligi osyndaı bolsa, daladaǵy tirligi de kisi qyzyǵarlyqtaı. Al oǵan dálel kerek bolsa, aıtaıyq.
Anada Medeý aýyldyq okrýginde bolǵanymyzda aýyl ákimi Daryn Muhtaruly bizdi Orazbaı syndy keshegi jylqyly baıdyń atamekeni Shunaı taýy jaǵyna bastap alyp barǵan. Bul ózi ejelden qut qonǵan óńir. Baılyǵyna mastanyp, hakim Abaıdyń jaǵasyna jarmasqan dalanyń kókjal shonjary áýeli qudaıyma, sonsoń Shunaıyma senemin degen eken. Munda búgingi zamanda da qudaıy men Shunaıyna senip, jylqy sharýashylyǵymen aınalysyp jatqan azamattar bar bolyp shyqty.
Doǵalań men Arshaly taýlarynyń ortasyndaǵy Syldyr taýyn jaılaǵan Aıannyń daladaǵy tirligin kórgende jáne rıza boldyq. Taýdyń ortasyndaǵy qalashyq úlgisindegi meken kózge ottaı basylǵan. Biraq ol joly ıesi bolmaǵan soń, taǵy bir aınalyp soǵarmyz dep attanyp ketkenbiz. Arada bir aı shamasynda ulylar eline kelgen belgili abaıtanýshy ǵalym, akademık Ǵarıfolla Esim men bizdi aýdan ákimi Tursynǵazy Músápirbekov pen onyń orynbasary Erlan Ildıbaev jaqsyny kórmekke degendeı, Aıannyń aýylyna arnaıy bastap alyp barǵan.
Qala úlgisimen salynǵan kottedj, saýna, balalarǵa arnalǵan alańqaı, úı aralyǵyna egilgen ekpe shóp, elektr stansasynyń arqasynda samaladaı jarqyraǵan elektr shamdary, sonsha uqyptylyqpen salynǵan jylqy qoralary kóńilge jylylyq uıalatady. Báıge attaryna arnalǵan qora óz aldyna. Aıannyń tipti kógershin ósirýmen aınalysatynyn kórip jáne súısindik.
Aıannyń qaladaǵy jekemenshik avtobýs parki ákesiniń atymen «Jarylǵap» dep atalsa, mundaǵy sharýa qojalyǵy «Káýsar» dep atalatyn kórinedi. Al Káýsar qudaı qosqan qosaǵy Qalımamen ekeýiniń uldary Qurmet pen Medetten soń on segiz jyldan keıin kórgen kenjeleri eken. Úlken uldarynyń aty ákesi uzaq jylǵy shopandyq eńbeginiń jemisin kórip, «Qurmet Belgisi» ordenimen marapattalǵanda soǵan oraı qoıylǵan. Qazirde sol Qurmet te, Medet te ómirden óz oryndaryn taýyp úlgeripti.
Aıan kelesi bir sóz arasynda óziniń qujat boıynsha shyn esimi Eljan ekendigin aıtyp qalǵan. Sóıtsek, onyń ózindik sebebi bar eken. Iаǵnı bul tórtinshi synypqa kóshkenge deıin naǵashy ájesi Maǵrıpanyń qolynda ósipti. Al osy kisiniń tuńǵysh anasy Áseý bolsa keshegi jan-jaqty talant ıesi Jánibek Kármenovtiń týǵan apaıy bolyp tabylady. Nege ekendigi belgisiz, Maǵrıpa ájesi muny Aıan dep atap ketipti. Sodan beride muny abaılyq