Kásipqoı bokstan WBC nusqasy boıynsha asa jeńil salmaqtaǵy álem chempıony 34 jastaǵy Vanheng Menaıotın bylǵary qolǵabyn sheshege ilgeni jaıynda resmı túrde málimdedi, - dep habarlaıdy Egemen.kz.
Taılandtyń tastúlegi 2007 jyldan beri kásipqoı rıngte kúsh synasýda. Alashqy kezderi óz elinde, bertin kele aımaqtyq jáne qurlyqtyq deńgeıdegi dodalarda óner kórsetken ol ýaqyt oza asa iri halyqaralyq jarystarǵa qatysa bastaıdy. 2014 jyldyń kúzinde Vanheng Meksıkanyń myqtysy Osvaldo Novony jeńip, joǵaryda atalǵan beldi nusqanyń altyn belbeýin ıelenedi.
Kásipqoı rıngte 54 kezdesý ótkizgen Vanheng Menaıotın sonyń barlyǵynda jeńiske jetti. Bul – rekordtyq kórsetkish! Ol, tipten, ataǵy jer jarǵan amerıkalyq Floıd Meıvezerdiń ózin basyp ozdy. Taı boksshysy 18 básekede aıqyn basymdyq tanytty. Osylaısha, onyń esimi jeńilmegen kúıi sharshy alańmen qosh aıtysqan sanaýly ǵana boksshylardyń biri retinde tarıhta qaldy.