Júrgizýshi – Rýslan Igilik.
Búgin, 23 qazan kúni Almatydaǵy Balýan Sholaq atyndaǵy sport kesheninde ótip jatqan bokstan álem chempıonatynda shırek fınaldyq aıqastar bolyp ótedi. Onda medaldar alatyn bylǵary sheberleriniń attary anyqtalady.
Bul saıysqa barlyǵy 80 boksshy qatysady. Olardyń 9-y Qazaqstan quramasynan shyqsa, Reseı men Kýbanyń árbiri bul dodaǵa 7 boksshydan qosqaly otyr. Al Italııa, Ázerbaıjan, Úndistan, Irlandııa jáne О́zbekstan elderinen 5 boksshydan bar. Álemdik boks qaýymdastyǵynda erteden eleýli orny bolǵan AQSh pen keıingi jyldary kórine bastaǵan Qytaı komandalarynan bul saıysqa túsetin birde-bir boksshy qalǵan joq.
Budan ári osy esep-qısapty jalǵastyrar bolsaq, Brazılııa men Germanııadan úsh-úshten sańlaq bar ekenin aıtar edik. Osynyń aldynda, 2011 jyly Bakýde ótken álem chempıonatynda 4 altyn, 1 kúmis medalmen komandalyq birinshi oryndy jeńip alǵan Ýkraına boksshylary bul joly bar-joǵy 2 boksshymen shırek fınalǵa jetip otyr. Tap osyndaı 2 úmitker Aljır, Anglııa, Horvatııa, Venesýela jáne Taıland jasaqtarynda da bar. Sol sııaqty 1 ǵana boksshynyń ústinde úmiti turǵan elderdiń qataryna Pýerto-Rıko, Kosta-Rıka, Koreıa, Túrkııa, Vengrııa, Rýmynııa, Lıtva, Qyrǵyzstan, Mońǵolııa, Argentına, Gollandııa, Ýels, Tájikstan jáne Armenııa jatady.
Taǵy bir málimet
Bul chempıonatqa:
Sońǵy Olımpııalyq oıyndardyń (2012) 1 chempıony (kýbalyq Robeısı Ramıres), 4 kúmis júldegeri (mońǵol Týgsogt Nııambaııar, aǵylshyn Fred Evans, qazaq Ádilbek Nııazymbetov, ıtalıan Roberto Kammarelle), 11 qola júldegeri (ırlandtar Patrık Barnes, Maıkl Konlan, reseılik Mısha Aloıan, kýbalyqtar Lazaro Alvares, Iаsnıer Toledo Lopes, lıtvan Evýaldas Petraýskas, ıtalıan Vınchenso Mangıkapre, mońǵol Ýranchımeg Mýnkh-Erdene, ázerbaıjandyqtar Teımýr Mamedov, Magomedrasýl Medjıdov, qazaqstandyq Ivan Dychko) keldi.
Sońǵy (2011) álem chempıonatynyń 5 chempıony (reseılik Mısha Aloıan, kýbalyqtar Lazaro Alvares, Hýlıo de Sezar de la Krýs, brazılııalyq Everton Lopes, ázerbaıjandyq Magomedrasýl Medjıdov), 4 kúmis júldegeri (ýelstik Endrıý Selbı, kýbalyq Iаsnıer Toledo Lopes, qazaq Ádilbek Nııazymbetov, ázerbaıjan Teımýr Mamedov), 11 qola júldegeri (ózbekstandyq Jasýrbek Latıpov, tájik Anvar Iýnýsov, ıtalıandar Valentıno Domenıko, Vınchenso Mangıkapre, belorýs Sergeı Korneev, brazılııalyq Eskýıva Falkao, rýmyn Bogdan Jýratonı, qytaı Ksýanksýan Vang, nemis Erık Pfaıffer, qazaqstandyq Ivan Dychko) keldi.
Sol sııaqty
Sońǵy (2011) Eýropa chempıonatynyń 6 chempıony (ýelstik Endrıý Selbı, reseılikter Armen Zakarıan, Aleksandr Bespýtın, Nıkıta Ivanov, ırland Djeıson Kýıgleı, ázerbaıjandyq Magomedrasýl Medjıdov),
sońǵy (2011) Azııa chempıonatynyń 9 chempıony (qyrǵyz Azat Úsenalıev, úndi Shıva Tapa, qazaqtar Berik Ábdirahmanov, Mereı Aqshalov, Danııar Eleýsinov, Jánibek Álimhanuly, Anton Pınchýk, Ivan Dychko, ózbek Oıbek Mamazýlýnov)
keldi.
Sonymen, qazaqstandyqtardyń búgingi qarsylastaryn tanystyramyz.
Kúndizgi sessııada:
49 kg
Birjan Jaqypov – Entonı Chakon Rıvera (Pýerto-Rıko)
56 kg
Qaırat Erálıev – Robeısı Ramıres (Kýba)
64 kg
Mereı Aqshalov – Ermek Sakenov (Qyrǵyzstan)
75 kg
Jánibek Álimhanuly – Bogdan Jýratonı (Rýmynııa)
+91 kg
Ivan Dychko – Satısh Kýmar (Úndistan)
Keshki sessııada:
52 kg
Ilııas Súleımenov – Endrıý Selbı (Ýels)
60 kg
Berik Ábdirahmanov – Lýıs Dıas (Venesýela)
69 kg
Danııar Eleýsinov – Vınchenso Mangıkapre (Italııa)
81 kg
Ádilbek Nııazymbetov – Sýmıt Sangvan (Úndistan)
Jigitterimizge jeńis tileımiz!
{youtube}nUroz_FESzw{/youtube}
{youtube}kKsu-oRT7WA{/youtube}