Qurlyqtyq hokkeı lıgasynda (QHL) kúsh synasyp júrgen «Barys» turaqty birinshiliktiń kezekti týrynda Rıganyń «Dınamosyn» qabyldady.
Nur-Sultanda ótken básekede «Barystyń» basymdyǵy esh kúmán týǵyzǵan joq. Birinshi kezeń shıelenisti ótkenimen, eki komanda birazǵa deıin bir-biriniń osal tusyn taba almady. Tek kezeńniń aıaqtalýyna sanaýly sekýndtar qalǵanda Lınýs Vıdell esep ashty. Bul – 35 jastaǵy shvesııalyq shabýylshynyń QHL-daǵy 100-goly. Komandalar úzilisten shyqqan bette aıdyn ıeleri ekinshi shaıbany qaqpaǵa engizdi. Bul joly Vıktor Svedbergtiń ońtaıly pasynan keıin Kertıs Volk nysanany dál kózdedi. Oıynnyń 25-mınýtynda Mett Frettın jergilikti jankúıerlerdi taǵy bir qýantty. Osylaısha, bul kezdesý 3:0 esebimen aıaqtaldy.
Endi óziniń aldaǵy úsh kezdesýin «Barys» syrtta ótkizedi. Atap aıtsaq 8 qarashada Cherepoveste «Severstalmen» oınaıdy. Al 10 jáne 12 qarasha kúnderi Iаroslavldiń «Lokomotıv» jáne Nıjnekamskiniń «Neftehımıgimen» kúsh synasady.