Joǵarǵy Sot Tóraǵasy Qaırat Mámı respýblıkanyń sýdıalar korpýsymen keńeıtilgen keńes ótkizdi. Onda jaqynda ótken Sýdıalardyń VI seziniń nátıjesi talqylanyp, osy forýmda Prezıdent Nursultan Nazarbaevtyń alǵa qoıǵan tapsyrmalaryn iske asyrý úshin naqty mindetter júkteldi.
Joǵarǵy Sot Tóraǵasy Qaırat Mámı respýblıkanyń sýdıalar korpýsymen keńeıtilgen keńes ótkizdi. Onda jaqynda ótken Sýdıalardyń VI seziniń nátıjesi talqylanyp, osy forýmda Prezıdent Nursultan Nazarbaevtyń alǵa qoıǵan tapsyrmalaryn iske asyrý úshin naqty mindetter júkteldi.
Atap aıtqanda, Q. Mámı sot tóreligin sabaqtastyra otyryp jańǵyrtýǵa kirisý, sot isin júrgizýde aqparattyq tehnologııalardy qoldanýdy kúsheıtý jáne buqaralyq aqparat quraldarymen tyǵyz qarym-qatynas jasaýdy jaqsartý syndy tapsyrmalar berdi.
Sonymen birge, Memleket basshysynyń sezde sóılegen sózinde aıtylǵan sýdıalardyń sanyn kóbeıtý esebinen olardyń júktemesin azaıtýǵa tapsyrmalar mejelendi.
Joǵarǵy Sot Tóraǵasynyń alǵa qoıǵan jekelegen tapsyrmalary sot júıesiniń ımıdjin arttyrýǵa, sot qatelikterin boldyrmaýǵa, adamdardy áýre-sarsańǵa salmaýǵa jáne tóreshildikten arylýǵa baǵyttalǵan.
Q. Mámı daýlardy sheshýdiń balamaly ádisterin engizýge jáne janjaldardy sottan tys retteý ınstıtýttaryn damytýǵa basa nazar aýdardy. Osyǵan baılanysty Prezıdenttiń nusqaýyna sáıkes medıasııa týraly otandyq zańnamany halyqaralyq standarttarǵa sáıkes keltirý tapsyryldy.
Buǵan qosa, Tóraǵa joǵary sot satysyna sýdıalardyń biliktiligin arttyrý jáne elimizdiń sottarynda kadr saıasatyn jetildirý boıynsha jumysty jalǵastyrýdy tapsyrdy.
Keńeıtilgen keńestiń qorytyndysy boıynsha Memleket basshysynyń sýdıalardyń VI sezinde belgilegen mindetterin iske asyrý jospary daıyndaldy. Árbir tarmaq boıynsha jaýapty adamdar bekitildi. Q.Mámı tapsyrmanyń oryndalý barysyn erekshe baqylaýǵa aldy, dep habarlady Joǵarǵy Sottyń baspasóz qyzmeti.