Qazaqstan Respýblıkasynyń Tuńǵysh Prezıdenti kúni men Táýelsizdik kúnine oraı keshe elordadaǵy «Qazmedıa» ortalyǵynyń ǵımaratynda «MEDIA EXPO-2013» buqaralyq aqparat quraldarynyń II respýblıkalyq kórmesiniń ashylý saltanaty bolyp ótti.
Qazaqstan Respýblıkasynyń Tuńǵysh Prezıdenti kúni men Táýelsizdik kúnine oraı keshe elordadaǵy «Qazmedıa» ortalyǵynyń ǵımaratynda «MEDIA EXPO-2013» buqaralyq aqparat quraldarynyń II respýblıkalyq kórmesiniń ashylý saltanaty bolyp ótti.
Kórmeni Mádenıet jáne aqparat mınıstrliginiń qoldaýymen «Bas redaktorlar klýby» qoǵamdyq birlestigi uıymdastyrdy. Is-sharanyń basty maqsaty buqaralyq aqparat quraldarynyń jumystaryn kórsetý, aqparat salasynda salıqaly básekelestikti damytý, BAQ pen jalpy jurtshylyq arasynda tyǵyz qarym-qatynas ornatý bolyp otyr. Kórmede 30-ǵa jýyq aldyńǵy qatarly respýblıkalyq jáne aımaqtyq BAQ ókilderi óz ónimderin halyq nazaryna usyndy. Saltanatty sharaǵa sondaı-aq, elimizdegi elshilikterdiń qyzmetkerleri, ulttyq kompanııalardyń baspasóz hatshylary, halyqaralyq uıymdar, qoǵam qaıratkerleri, zııaly qaýym men shyǵarmashylyq uıym ókilderi qatysty.
– Elimizdiń Tuńǵysh Prezıdenti kúni qarsańynda ótkizilip otyrǵan respýblıkalyq kórmeniń ashylýymen barshańyzdy quttyqtaımyn. Elbasy qazaqstandyq buqaralyq aqparat quraldarynyń damýy úshin barlyq jaǵdaı jasap otyr. Saltanatty shara ótkizilip otyrǵan myna záýlim ǵımarat ta Memleket basshysynyń otandyq buqaralyq aqparat quraldaryna degen erekshe nazaryn ańǵartady, – dedi Mádenıet jáne aqparat mınıstrliginiń jaýapty hatshysy Janna Qurmanǵalıeva «MEDIA EXPO-2013» respýblıkalyq kórmesiniń ashylý rásiminde.
«MEDIA EXPO-2013» respýblıkalyq kórmesi tek ónimder men jasalǵan jumystardy kórsetetin oryn ǵana emes, ol, sondaı-aq, ozyq tájirıbelermen bólisetin alań jáne qazirgi zamanǵy qazaqstandyq jýrnalıstıkanyń ózekti máselelerin talqylaıtyn, jas jýrnalısterge arnalǵan sheberlik synyptary men ádistemelik semınar ótkizetin taptyrmas oryn bolyp tabylady.
Kórme barysynda «Delovoı mır» baspasynan shyqqan Qazaqstan Respýblıkasynyń Tuńǵysh Prezıdenti Nursultan Nazarbaev týraly kitaptyń tanystyrylymy, «Qazmedıa ortalyǵy» mektebi men telejýrnalıst Gúlnaz Álimgereıdiń mektep-stýdııasynyń tusaýkeserleri, belgili jýrnalısterdiń sheberlik synyptary ótedi.
Kórmede, sonymen qatar, BAQ qyzmetkerleri ásem án men quıqyljyǵan kúı oryndap, óz ónerlerin ortaǵa saldy. Saltanatty rásimde «Bas redaktorlar klýbynyń» prezıdenti Kenjebolat Joldybaı ekinshi ret ótkizilip otyrǵan respýblıkalyq kórmege qatysýshylar men kelgen qonaqtarǵa sátti qadam tiledi.
Aıdar О́RISBAEV,
«Egemen Qazaqstan».