Ýkraına stýdentteri Lıtva astanasynda ótip jatqan «Shyǵys áriptestigi» sammıtinde memleket basshysynyń Eýropa Odaǵymen qaýymdastyq qurý jónindegi kelisimge qol qoıýyn talap etip, stýdentterdiń jalpyulttyq ereýilin uıymdastyrdy. Bul týraly ITAR-TASS habarlady.
Kıev ulttyq ýnıversıtetine qarama-qarsy turǵan Taras Shevchenko eskertkishiniń aldyna túrli joǵary oqý oryndarynan kelgen 2 myńǵa jýyq stýdent jınaldy. Olar uıymdasqan túrde sap túzep, Táýelsizdik maıdanyna qaraı bet aldy. Qoldaryna Ýkraına men Eýropa Odaǵynyń týlaryn ustaǵan stýdentter: «Ult jastary eýroıntegrasııany qoldaıdy», – dep urandady. Shevchenko kóshesindegi avtokólik qozǵalysy tolyǵymen toqtap qalǵan.
Lıtva astanasy Lıssabon qalasynda ótken «Shyǵys áriptestigi» sammıtiniń birinshi kúni Eýropa Odaǵynyń basshylary Ýkraına prezıdenti Vıktor Iаnýkovıchti qaýymdastyq jónindegi kelisimge qol qoıýǵa kóndire almady. Bul týraly keshe sammıt aıasynda ótken keshki astan keıin Lıtva prezıdenti Dalıa Grıbaýskaıte málimdedi.
Aıdar О́risbaev.
Derekkóz: Itar-tass.com