Chehııada BRNO OPEN-2013 halyqaralyq týrnırinde Qazaqstannyń jas talantty shahmatshy qyzy Jansaıa Ábdimálik jeńimpaz atandy.
20 jasqa deıingi qyzdar arasynan álemniń vıse-chempıony degen ataǵy bar qyzymyz týrnırde 7,5 upaı jınady. Ol osynyń nátıjesinde álemniń 14 elinen 70-ke jýyq sportshynyń arasynan úzdik shyqty. Bulardyń arasynda 6 halyqaralyq dárejedegi jáne 5 FIDE sheberi boldy.
Jarysta múmkin bolǵan 9 upaıdyń 7,5-in ıelengen Jansaıa, sonymen birge, taǵy bir normatıvti de oryndady. Osy kórsetkishi arqyly ol endi eresek áıelder arasynda grossmeıster atanýǵa múmkindik aldy.
– Meniń áıelder arasynda álem chempıony atanǵym keledi. Qazirgi ýaqytta men ózimdi jeńiske daıyndap júrmin. Jasym 15-ke tolǵansha ony baǵyndyrsam deımin, – deıdi ol.
Damır QOJAMQUL.