Memleket basshysy Nursultan Nazarbaev Astanadaǵy «Qazaqstan Aselsan ınjınırıng» JShS birlesken kásipornynyń elektrondyq-optıkalyq qurylǵylar shyǵaratyn qazaq-túrik birlesken kásiporny qyzmetimen tanysty, sondaı-aq, óndiristik korpýstaryn qarap shyqty. Memleket basshysy Qazaqstanda mundaı joǵary tehnologııalyq óndiris qurýdyń mańyzdylyǵyn erekshe atap ótti, dep habarlady Prezıdenttiń baspasóz qyzmeti.
Memleket basshysy Nursultan Nazarbaev Astanadaǵy «Qazaqstan Aselsan ınjınırıng» JShS birlesken kásipornynyń elektrondyq-optıkalyq qurylǵylar shyǵaratyn qazaq-túrik birlesken kásiporny qyzmetimen tanysty, sondaı-aq, óndiristik korpýstaryn qarap shyqty. Memleket basshysy Qazaqstanda mundaı joǵary tehnologııalyq óndiris qurýdyń mańyzdylyǵyn erekshe atap ótti, dep habarlady Prezıdenttiń baspasóz qyzmeti.
Buǵan qosa, Astana qalasynyń ákimi I.Tasmaǵambetov kásiporyndy aralaý barysynda «Astana – jańa qala» ındýstrııalyq parki – arnaıy ekonomıkalyq aımaǵy jumysynyń aralyq nátıjeleri týraly baıandady, onda kásiporyn óz qyzmetin júzege asyrady. Jalpy, park aýmaǵynda jalpy ınvestısııa kólemi 181 mlrd. teńge bolatyn 49 joba málim bolǵan, onyń ishinde 11 joba tabysty jumys isteýde, 8-i paıdalanýǵa berilýde, al qalǵan 30-y iske asyrylý ústinde.
«Qazaqstan Aselsan ınjınırıng» JShS elektrondyq-optıkalyq qurylǵylar shyǵaratyn birlesken kásiporny Nursultan Nazarbaevtyń Túrik Respýblıkasy basshylyǵymen ýaǵdalastyǵyna sáıkes 2011 jyly qurylǵan bolatyn.
Birlesken kásiporynǵa qatysýshy – «Aselsan» kompanııasymen Transfert tehnologııasy týraly shart aıasynda túrik tarapy Qazaqstannyń qorǵanys-ónerkásip kesheni ónimderiniń komponentteri bolyp tabylatyn elektrondyq-optıkalyq qurylǵylar, elektrondyq platalar men lınza óndirisi úshin tehnologııalyq qujattar, materıaldar men jabdyqtar usynyp otyr.
Buǵan qosa, birlesken kásiporyn ónimderin qazaqstandyq qamtýdy birinshi kezeńdegi 30 paıyzdan taıaý bes jyl ishinde 67 paıyzǵa deıin ulǵaıtý josparlanǵan.
* * *
Astanadaǵy «Taý-Ken Altyn» JShS affınaj zaýytyn aralaý barysynda Memleket basshysy óndiris sehtaryn qarap shyǵyp, shyǵarylatyn ónimder úlgilerimen tanysty, sondaı-aq, kásiporyn ujymymen áńgimelesti.
Zaýyt qyzmetiniń basty baǵyty – baǵaly metaldardy elektrohımııalyq affınajdaý.
Aýdany 3,4 gektar bolatyn kásiporyn «Astana – jańa qala» ındýstrııalyq parki – arnaıy ekonomıkalyq aımaǵy aýmaǵynda ornalasqan.
Affınaj zaýytynyń jobalyq qýaty jylyna 25 tonna affınajdalǵan altyn óndirisine eseptelgen jáne onyń baǵaly metaldar elektrolızi boıynsha otandyq ınnovasııalyq tehnologııany engizý esebinen 75 tonnaǵa deıin jetkizilýi múmkin. Joba osy saladaǵy álemdik ozyq úlgilerge sáıkes ázirlengen.
Zaýytty altyn jáne kúmis sývenırlik buıymdar (zergerlik ónimderden basqa) jáne tehnıkalyq maqsattaǵy ónimder óndirisin qurý arqyly odan ári damytý qarastyrylýda. Bul hımııalyq, medısınalyq, zergerlik, avtomobıl jáne ózge de salalardy, mashına jáne aspap jasaý kásiporyndaryn baǵaly metaldardan alynǵan buıymdarmen qamtamasyz etýge múmkindik beredi.
-----------------------------------------
Sýretterdi túsirgender
S.BONDARENKO, B.OTARBAEV.