Keshe Premer-Mınıstr Serik Ahmetovtiń tóraǵalyǵymen ótken selektorlyq rejimdegi Úkimet otyrysynda «Jumyspen qamtýdyń jol kartasy-2020» baǵdarlamasyn júzege asyrý máseleleri jáne 2013-2020 jyldarǵa arnalǵan aýyl sharýashylyǵy salasynyń keshendi jospary talqylandy. Sondaı-aq, Qazaqstan aýmaǵyn uıymdastyrýdyń Bas shemasy maquldandy.
Keshe Premer-Mınıstr Serik Ahmetovtiń tóraǵalyǵymen ótken selektorlyq rejimdegi Úkimet otyrysynda «Jumyspen qamtýdyń jol kartasy-2020» baǵdarlamasyn júzege asyrý máseleleri jáne 2013-2020 jyldarǵa arnalǵan aýyl sharýashylyǵy salasynyń keshendi jospary talqylandy. Sondaı-aq, Qazaqstan aýmaǵyn uıymdastyrýdyń Bas shemasy maquldandy.
Otyrysta jumyspen qamtý baǵdarlamasyna qatysty máselelerdi talqylaı kele, Úkimet basshysy S.Ahmetov «Baǵdarlamany júzege asyrýdyń qarqyny jaman emes. Jol kartasynda eńbekpen qamtý problemalaryn sheshýdiń pármendi tetikteri eskerilgen jáne bulardyń barlyǵy iske qosylýy tıis», dep atap ótti. Premer-Mınıstr kópshilik baǵdarlamanyń kim úshin qurylǵanyn, onyń olarǵa ne beretinin, qalaı jumys isteýge bolatynyn bile bermeıtinine baılanysty barlyq óńirlerge tıesili birqatar problemalar bar ekenin jáne ol keshiktirmeı joıýdy talap etetinin aıta kele, baǵdarlama boıynsha halyq arasynda túsindirý jumystary jetkiliksiz ekenin atap kórsetip, qaıta oqytylǵandardyń eńbekke ornalasýy problemalaryna nazar aýdartty.
«Jekelegen óńirlerde jumysqa ornalastyrý deńgeıi 60 paıyzdy quraıdy. Biz taǵy da bıýdjettik qarjyny tıimdi paıdalaný týraly aıtamyz. Árbir óńirde ınfraqurylymdyq jobalardy júzege asyrý boıynsha jumys berýshiler tarapynan kelisimsharttar talaptaryn saqtamaý derekteri kezdesedi», degen S.Ahmetov barlyq óńirler ákimderiniń jáne Almaty qalasy ákiminiń nazaryn osy baǵyttaǵy jumystardy jaqsartýǵa aýdardy. Úkimet basshysy baǵdarlamany odan ári júzege asyrý barysyn jekelegen óńirlerdiń mysaly negizinde qarastyryp, olardyń sózderin tyńdaýdy usyndy. Osyǵan oraı, Premer-Mınıstr Eńbek jáne halyqty áleýmettik qorǵaý mınıstrligine naqty óńirdi anyqtap, oǵan jaǵdaıdy zertteý úshin jumys tobyn jiberýdi, buǵan Ekonomıka jáne bıýdjettik josparlaý mınıstrligi, Qarjy mınıstrligi, О́ńirlik damý mınıstrligi mamandaryn tartýdy tapsyryp, jergilikti jerlerde, aýdandar men qalalarda «Jumyspen qamtý jol kartasy-2020» baǵdarlamasynyń júzege asyrylý barysyn táptishtep qarastyrýǵa nusqaý berdi. «Memleket basshysynyń tapsyrmasyn basshylyqqa ala otyryp, biz júrgizilip jatqan jumystyń tıimdiligin qamtamasyz etýge tıispiz», degen Premer-Mınıstr baǵdarlamaǵa engizilgen tetikter men quraldardyń tıimdi qoldanylýy Úkimettiń aıryqsha baqylaýynda turǵanyn atap kórsetti.
«Jumyspen qamtýdyń jol kartasy-2020» baǵdarlamasynyń oryndalý barysy, baǵyttary jáne júzege asyrylý nátıjeleri týraly Eńbek jáne halyqty áleýmettik qorǵaý mınıstri Tamara Dúısenova baıandaǵan bolatyn. Mınıstrdiń málimetinshe, búginde baǵdarlama negizinde 241 myńnan astam adam jumysqa ornalasyp, onyń 132 myńy turaqty jumys ornyna jiberilgen.
Qazaqstan Respýblıkasynyń aýmaǵyn uıymdastyrý Bas shemasynyń negizgi erejeleri týraly О́ńirlik damý vıse-mınıstri Qaıyrbek О́skenbaev baıandady. Onyń aıtýynsha, Bas shema memlekettik basqarý júıesinde ońtaıly sheshim qabyldaýǵa múmkindik beretin negizgi tetik bolyp tabylady. Onyń kepildemesi aımaqtyq jáne salalyq uzaq merzimdik josparlaý jáne ınvestorlarǵa senimdi baǵdar úshin negizgi baza qyzmetin atqarady. Bul – Qazaqstannyń 2030 jylǵa deıingi aýmaqty damytý strategııasyn anyqtaıtyn negizgi qujat. Ol qala qurylysy jobasy sheńberinen asyp, el damýynyń ekonomıkalyq jáne aýmaqtyq josparlaýyn qamtyp otyr. Munda, ásirese, óńirlerdiń ındýstrııalyq múmkindikterine basa nazar aýdarylǵan. Máselen, mıneraldy-shıkizat, energetıkalyq jáne sý resýrstarynyń qory, eńbek resýrstary men materıaldy-tehnıkalyq bazanyń qazirgi jaǵdaıy boıynsha óńirlerdiń jáne ekonomıka salalarynyń resýrstyq múmkindikteri eskerilipti. Sondaı-aq, qujatta agrarlyq sektordyń, ınjenerlik, kóliktik jáne rekreasııalyq ınfraqurylymdardyń problemalary men áleýetti múmkindikteri qaralǵan. Máselen, onda kýrorttyq jáne týrıstik ortalyqtardy damytýdan bastap, ekologııalyq máselelerdi sheshý jónindegi strategııalyq baǵyttar da belgilengen.
О́ńirlik damý mınıstrligine osy jyldyń sońyna deıin aımaqtardy uıymdastyrý Bas shemasynyń bekitýge ázirleý tapsyryldy.
Otyrysta, sondaı-aq, 2013-2020 jyldarǵa arnalǵan aýyl sharýashylyǵy ónimderin qaıta óńdeý men tamaq ónerkásibin damytý boıynsha is-sharalar keshendi josparynyń jobasy bekitildi. Aýyl sharýashylyǵy ónimderin qaıta óńdeýdi damytý boıynsha is-sharalar týraly Aýyl sharýashylyǵy vıse-mınıstri Músilim О́mirıaev baıandady.
Talqylaýdy qorytyndylaı kele, Úkimet basshysy Aýyl sharýashylyǵy mınıstrliginiń, Ekonomıka jáne bıýdjettik josparlaý mınıstrliginiń, damý ınstıtýttarynyń nazaryn aýyl sharýashylyǵy ónimderin qaıta óńdeý salasyn nesıeleý máselelerine aýdardy. «Paıyzdyq mólsherleme deńgeıi – 7 paıyz, ony birtindep túsirý kerek. Biz oǵan jyl saıyn qol jetkizetin bolamyz. О́ıtkeni, nesıeniń paıyzdyq mólsherlemesin tómendetý bul salaǵa otandyq ári sheteldik ınvestorlardy tartýda yntalandyrýshy tetik bolyp tabylady», dedi S.Ahmetov. Osylaısha, Aýyl sharýashylyǵy mınıstrligine keshendi jospardy iske asyrýdy qatań qadaǵalaýǵa alyp, qarjylandyrýǵa qajetti quraldardy damý ınstıtýttary arqyly tartýdy tapsyrdy.
Dınara BITIKOVA,
«Egemen Qazaqstan».