Alǵa aýdanynyń ortalyǵyndaǵy Iztaı Mámbetov atyndaǵy balalar kitaphanasynyń dırektory Aqsholpan Iztileýova bizge qaıyn atasynyń jeke muraǵatynan tabylǵan hat týraly habarlady. Onyń aıtýynsha, 1980-1990 jyldary Qobda aýdandyq gazetiniń redaktory bolǵan Máskeý Shúkiranovqa Almatydan Sholpan Ahmetqyzy hat jazyp, ákesinen oqyǵan shákirtter týraly surastyrǵan.
«Osy hatty jazyp otyrǵan – Sholpan Ahmetqyzy Baıtursynova. Meniń ákem Ahmet Baıtursynov Arhangelskide aıdaýda júrgende, sizdiń áke-shesheńizben tanys bolǵan dep estidim. Sol kisiniń aıtqan sózderin seniń shesheń esinde jaqsy saqtaǵan, ózińizben baryp, áńgimelesýge densaýlyǵym kemis bolyp otyr. Dám buıyrsa baryp, anańyzdyń esteligin tyńdasam deımin. Sony bilýge qushtar bolyp otyrmyn.
Aqań Aqtóbe oblysyna óte qurmetti ǵoı. Eń birinshi muǵalimdik qyzmetin Oktıabr, Muǵaljar aýdandarynda bastady. Ákemniń Arhangelskide sizdiń ata-anańyzben dámdes bolǵanyn maǵan Aqlepes Náýbetııarov jetkizdi. Shesheńizdiń biletin áńgimesin jetkizseńiz, óte jaqsy bolar edi. Keleshek urpaqqa qajetti shyndyqtar ǵoı.
Sálemmen, Sholpan Ahmetqyzy Baısalova» dep aıaqtaǵan.
Sholpan Ahmetqyzy 1994 jyly dúnıeden ótse, bul hat qaıtys bolarynyń aldynda jazylǵan sııaqty. О́ıtkeni Aqsholpan Iztileýova qaıyn atasynyń hatty alyp oqyǵanynda, 1993 jyly qaıtys bolǵan anasy Aqteńgeniń estelikterin jazyp almaǵanyna ókingenin esine aldy.
Ahmet Baıtursynuly 1895 jyly Orynbor muǵalimder semınarııasyn aıaqtaǵan soń birden Aqtóbe ýeziniń Qaraǵash bolysynyń ortalyǵy Batpaqtyda ashylǵan 4 basqyshtyq mektepte sabaq bergen. Ahmet Baıtursynuly oqytqan shákirtterdiń urpaqtary Muǵaljar, Alǵa aýdandarynda bolsa, redaksııaǵa habarlasady degen úmittemiz. 1994 jyly jazylǵan Sholpan apaıdyń hatyna sol ýaqytta Aqtóbe oblysynan eshqandaı jaýap bolmaǵan.
Aqtóbe oblysy