Elordada kúzge salym ár oblystyń kúnderin ótkizý dástúrge aınalǵan. Sol kúnderde aýylsharýashylyq taýarlarynyń jármeńkesi, oblystyń jańa jobalaryn tanystyrý men túrli deńgeıde konsertter uıymdastyrylady. Keshe Shyǵys Qazaqstan oblysynyń elordadaǵy kúnderi bastaldy. Onyń aıasynda Respýblıka alańynda aýylsharýashylyq jármeńkesi, oblystyń dekoratıvti-qoldanbaly óner sheberleri buıymdarynyń kórmesi uıymdastyrylmaq. Aıtýly sharanyń qarsańynda Kongress-holl saraıynda astanalyqtarǵa «Shuǵylaly Shyǵystan – araıly Astanaǵa» degen atpen gala-konsert qoıyldy.
Elordada kúzge salym ár oblystyń kúnderin ótkizý dástúrge aınalǵan. Sol kúnderde aýylsharýashylyq taýarlarynyń jármeńkesi, oblystyń jańa jobalaryn tanystyrý men túrli deńgeıde konsertter uıymdastyrylady. Keshe Shyǵys Qazaqstan oblysynyń elordadaǵy kúnderi bastaldy. Onyń aıasynda Respýblıka alańynda aýylsharýashylyq jármeńkesi, oblystyń dekoratıvti-qoldanbaly óner sheberleri buıymdarynyń kórmesi uıymdastyrylmaq. Aıtýly sharanyń qarsańynda Kongress-holl saraıynda astanalyqtarǵa «Shuǵylaly Shyǵystan – araıly Astanaǵa» degen atpen gala-konsert qoıyldy.
Konsert baǵdarlamasy jan-jaqty oılastyrylǵan eken. Onyń ishinde «Babalar úni» kompozısııasy, folklorlyq ansambl men kúıshiler tórttiginiń oryndaýyndaǵy «Kúı tartys», «Zyrıanochka» jáne «Eýraz-shoý» bı ujymdarynyń óneri, sondaı-aq, mádenıet qaıratkerleri Berik Omarov, Vıacheslav Tkach, Gúldana Noǵaıbaeva, Maprýza О́tegenova syndy úlken býynnyń ókilderi men Nurlan Tútinov, Evgenıı Vyblov, Elızaveta Mınýllına, Dıana Muratova sekildi endi ósip kele jatqan jastardyń dástúrli jáne estradalyq baǵyttaǵy án-kúıleri sahnanyń saltanatyn asyryp, óńir óneriniń joǵary deńgeıin kórsetti. Konserttiń rejısserleri Qazaqstan Respýblıkasynyń mádenıet qaıratkeri Ǵıbrat Azýbaev pen oblys ákimi júldesiniń ıegeri Lıýdmıla Korıakovseva ekenin de atap ótý kerek.
Kongress-hollda ótken úlken konsertke halyq molynan jınaldy. Shyǵarmashylyq zııaly qaýym ókilderi, oqytýshylar men dárigerler, stýdentter shyǵysqazaqstandyq ónerpazdarǵa qol soǵyp qoshemet kórsetti. Konsertti Mádenıet jáne aqparat mınıstri Muhtar Qul-Muhammed te tamashalady.
Aıgúl SEIILOVA,
«Egemen Qazaqstan».