Keshe oblys aktıviniń jınalysy bolyp, onda Prezıdent Ákimshiliginiń Basshysy Kárim Másimov Elbasynyń Jarlyǵymen taǵaıyndalǵan oblystyń jańa basshysy Qanat Bozymbaevty tanystyrdy. Buǵan deıin oblysty basqarǵan Erlan Aryn óz ótinishimen qyzmetinen bosatyldy.
Keshe oblys aktıviniń jınalysy bolyp, onda Prezıdent Ákimshiliginiń Basshysy Kárim Másimov Elbasynyń Jarlyǵymen taǵaıyndalǵan oblystyń jańa basshysy Qanat Bozymbaevty tanystyrdy. Buǵan deıin oblysty basqarǵan Erlan Aryn óz ótinishimen qyzmetinen bosatyldy.
Aktıv jınalysynda sóz alǵan Qanat Bozymbaev ekinshi oblysty basqarýǵa senim bildirgen Elbasyna rahmetin aıtyp, talap pen senim údesinen shyǵýǵa umtylatynyn jetkizdi. Q.Bozymbaev 1998-2001 jyldary elimizdiń Energetıka, ındýstrııa jáne saýda mınıstrliginde departament dırektory, vıse-mınıstr, 2001-2007 jyldary «Elektr jelilerin basqarý jónindegi Qazaqstan kompanııasy» AQ prezıdenti, 2008 jyly «Samuryq» memlekettik aktıvterdi basqarý jónindegi qazaqstandyq holdıngi» AQ basqarmasynyń tóraǵasy qyzmetterin atqardy.
Jalpy, Q.Bozymbaevqa Pavlodar oblysy, Ekibastuz, energetıka salasy jaqsy tanys. 2009 jyly «KEGOG» AQ basqarmasynyń tóraǵasy bolyp turǵan kezinde Elbasynyń qatysýymen Ekibastuzdan bastalatyn «Soltústik júıearalyq elektr jelilerin» elimizdiń Ońtústik tranzıtiniń elektr tasymaldaý júıelerine qosatyn alǵashqy jobany iske asyrǵan bolatyn. Endi, soltústiktegi ındýstrııaly óndiristi óńirdi basqarýdy qolǵa alǵan Q.Bozymbaevqa sáttilik, tabys tileımiz.
Farıda BYQAI,
«Egemen Qazaqstan».
Pavlodar oblysy.