Ońtústik Qazaqstan oblysynyń ortalyǵy – Shymkent qalasynyń kóshesinde áskerı qyzmetkerdiń sómkesinen granata tabyldy. Bul týraly «Karavan» gazeti jazdy.
Jergilikti jerdegi Jankeldın kóshesi boıynda júrgen belgisiz 3 azamattyń sýyt júrisi týraly habar polısııa bólimine kelip tústi. Quqyq qorǵaý qyzmetkerleri olardy tekserý barysynda áskerı qyzmetkerdiń sómkesinen granata tárkilegen. Artynan onyń tank vzvodonyń komandıri ekeni anyqtaldy.
Ázirge quqyq qorǵaý qyzmetkerleri ustalǵan kúdiktilerdiń esimin jarııalaǵan joq. Tek olar álgi sómkeniń ishinde ganatamen birge qolǵaptyń jáne medısınada qoldanatyn bet perdeniń bolǵanyn aıtty.
Qazir osy iske qatysty qylmystyq is qozǵalyp, tergeý amaldary júrgizilýde. Sondyqtan naqty qorytyndy jasaý áli erterek.
Baqytbek Keneshuly.
Derekkóz: «Karavan»
Foto: «Karavan».