Shyǵys Qazaqstan oblysynyń Semeı qalasyndaǵy kásipkerdi týysy óltirdi. Bul týraly «24 kz» habarlady.
Semeı qalasyndaǵy meıramhana ıesi 1,5 mln.teńge úshin óz abysyny qolynan qaza boldy. Bul jóninde Semeı qalalyq ishki ister basqarmasynda ótken baspasóz máslıhatynda aıtyldy. Qylmyskerler Olga Iskakova esimdi kásipkerdi óz páterinde óltirgen soń, máıitti qaladan 45 shaqyrym jerge aparyp, órtep jibergen.
10 jeltoqsan kúni polısııa bólimine O. Iskakovanyń joǵalǵanyn abysyny ózi aıtyp berdi. 2 kúnnen keıin qala syrtynda jatqan máıitti júk kóliginiń júrgizýshisi kezdeısoq kórip qalǵan.
Jedel izdestirý sharalary kezinde O. Iskakovanyń ólimine onyń abysynynyń qatysy bar ekendigi anyqtaldy. Kúdikti týysyn syıbaılasymen birge óltirip, 1,5 mln. teńgeni ıemdenbek bolǵan.
«Bul azamattardyń ústinen Qylmystyq kodekstiń 96-babynyń 2-tarmaǵy, ıaǵnı qasaqana kisi óltirý boıynsha qylmystyq is qozǵaldy. Olar 10-15 jyl bas bostandyǵynan aıyrylýy múmkin»,- deıdi Semeı qalalyq IIB memlekettik til jáne aqparat bóliminiń basshysy Elýbek Ospanov. Baqytbek Keneshuly.
Derekkóz: «24 kz»
Foto: «Kýrer sreda».