Ońtústik Sýdanda Birikken Ulttar Uıymynyń bazasyna shabýyl jasaldy. Bul týraly ITAR-TASS habarlady.
BUU Ońtústik Sýdannyń Djongleı shtatyndaǵy eki bazasyn qaýipsiz aımaqqa kóshirdi. Sebebi onyń birine jaqynda 2 myń ereýilshi shabýyl jasaǵan bolatyn. Qaqtyǵys saldarynan 13 adam qaza boldy.
Sońǵy kezderi Ońtústik Sýdanda prezıdent Salvatore Kıır men burynǵy vıse-prezıdent Rıek Mashardyń jaqtastary arasynda jaǵdaı shıelenisip ketken edi. Bular ózara jaýlasqan eki topqa jatatyndyqtan munyń arty etnıkalyq qaqtyǵysqa ulasýy múmkin degen qaýip bar. Búginge deıin Ońtústik Sýdanda oryn alǵan qaqtyǵystardan 500-den asa adam qaza tapty. Sondaı-aq adamdardy qaýipsiz aımaqqa kóshirý úshin Ońtústik Sýdan aýmaǵyna kelip jatqan AQSh tikushaqtary únemi shabýylǵa ushyraýda.
BUU aımaqtaǵy ózge elderde ornalasqan tehnıka men basqa da resýrstaryn Ońtústik Sýdanǵa kirgizýde. Bul jóninde Manılada ótken baspasóz konferensııasynda halyqaralyq uıymnyń bas hatshysy Pan Gı Mýn málimdedi. «Ońtústik Sýdandaǵy BUU bazalarynda 40 myńǵa jýyq adam bassaýǵalap jatyr. BUU eń birinshiden, beıbit turǵyndardyń qaýipsizdigine basymdyq beredi» – dedi ol.
Aıdar О́risbaev.
Derekkóz: Itar-tass.com
Foto: Itar-tass.com