Ortalyq Afrıka Respýblıkasynyń astanasy Bangı qalasynda myńdaǵan adam Fransııa bıligine qarsy narazylyq bildirip, ereýilge shyqty. Bul týraly ITAR-TASS habarlady.
Jergilikti BAQ ókilderiniń málimeti boıynsha, ereýilge shyqqandardyń kóbi musylman aýdandarynyń turǵyny. Olar Fransııanyń qaıtadan OAR isine aralasyp jatqanyna narazylyq bildirýde.
Fransııa áskeri birneshe kún buryn Banglı qalasyn óz baqylaýyna alyp, ondaǵy qarýly top múshelerin qarýsyzdandyrýǵa kirisken. Sodan beri qalaǵa hrıstıan aýyldarynan quralǵan «Antı-balakı» qarýly toby shabýyldaı bastady. Kezinde bular musylman aýdandarynyń «Seleka» tobynan zardap shekken eken. Endi «Antı-balakı» músheleri óz jaýlarynan kek alyp jatqan kórinedi.
«Halyqaralyq amnıstııa» quqyq qorǵaý qurylymynyń deregi boıynsha, 5 jeltoqsannan beri OAR-da hrıstıandar men musylmandar arasynda oryn alǵan qaqtyǵystar nátıjesinde myńnan asa adam qaza bolǵan. Bangı qalasyn óz baqylaýlaryna alǵan Fransııa áskeri eki jaqtyń sodyrlaryn qarýsyzdandyrýdy kózdep otyr.
Aıdar О́risbaev.
Derekkóz: Itar-tass.com
Foto: Itar-tass.com