Ulttyq merekege oraı quttyqtaýlar

Ulttyq mereke – Qazaqstan Respýblıkasynyń Táýel­sizdik kúnine baılanysty Elbasy Nursultan Nazar­baev­tyń atyna quttyqtaý hattary men jedelhattar kelip tústi, dep habarlady Prezıdenttiń baspasóz qyzmeti.

Ulttyq mereke – Qazaqstan Respýblıkasynyń Táýel­sizdik kúnine baılanysty Elbasy Nursultan Nazar­baev­tyń atyna quttyqtaý hattary men jedelhattar kelip tústi, dep habarlady Prezıdenttiń baspasóz qyzmeti.

Táýelsizdik kúnin atap ótý­ge baılanysty Qazaqstan Prezıdenti Nursultan Na­zarbaevtyń atyna shet memleketter basshylarynan,­ halyqaralyq uıymdar jetek­shi­lerinen, qazaqstandyq jáne sheteldik memleket ári qoǵam qaıratkerlerinen, ká­siporyndar, mekemeler men uıymdar ujymdarynan, sondaı-aq, elimizdiń jekelegen azamattarynan hattar men jedelhattar kóptep kelip tústi.

Quttyqtaýlarda Nursultan Nazarbaevtyń basshylyǵymen Qazaqstan qysqa tarıhı kezeń­de halyqaralyq are­na­dan­ laıyqty ornyn alyp, elde aýqymdy saıası jáne áleý­mettik-ekonomıkalyq re­for­malardyń júzege asyrylýy arqasynda halyqtyń ál-aýqatynyń joǵary deńgeıi men memlekettiń ósip-órkendeýi qam­tamasyz etilgeni atap ótilgen.

Birikken Ulttar Uıymynyń Bas hatshysy Pan Gı Mýn jol­daǵan hatta Uıymnyń beı­bitshilik, damý jáne adam quqyǵy sekildi ortaq maqsattardy ilgeriletý isindegi qyzmetine Qazaqstannyń belsendi atsalysatyny atap ótilgen.

Reseı Federasııasynyń Prezıdenti V.Pýtınniń quttyqtaýynda Qazaqstannyń áleýmettik-ekonomıkalyq jáne ǵylymı-tehnıkalyq damýyndaǵy tańdanarlyqtaı tabysqa jetkeni, sondaı-aq, eldiń halyqaralyq bedeliniń arta túskeni aıtylǵan.

«Taıaýda qol qoıylǵan XXI ǵasyrdaǵy tatý kórshilestik pen odaqtastyq sharty negizinde biz ekijaqty baılanystardyń ózara tıimdi búkil keshenin odan ári belsendi túrde ulǵaıta túsetinimizge senimdimin», – delingen hatta.

Amerıka Qurama Shtat­tarynyń Prezıdenti B.Obama óz quttyqtaýynda eki el seriktestiginiń ornaǵanyna uzaq ýaqyt óte qoımasa da, ol halyqtarymyz ben úki­metterimiz arasyndaǵy yn­ty­maqtastyqtyń barlyq salasyn meılinshe qamtyp, damyp kele jatqanyna toqtalǵan.

«О́z táýelsizdigin alǵan kezeńnen bergi 22 jylda Qazaqstan mádenı, konfessııalyq jáne etnostyq alýandylyǵynan qýat alýyn jalǵastyryp keledi. Úkimet pen halyq orasan áleýetin tanytatyn naryqtyq ekonomıka qurdy. Qazaqstan halqy osy jetistikterin oryndy maqtanysh ete alady», – delingen hatta.

О́ziniń júrekjardy tilegin Túrik Respýb­lı­kasynyń Pre­zıdenti A.Gúl de joldaı otyryp, Qazaqstan men Túr­kııa arasyndaǵy yntymaqtastyqtyń qarqyndy damyp otyr­ǵa­ny­na nazar aýdarǵan. Sondaı-aq, ol strategııalyq seriktestik deńgeıine qol jetkizgen kópjaqty qarym-qatynastardy odan ári nyǵaıtý jónindegi jumystardyń jalǵasyn tabatynyna senim bildirgen.

О́z kezeginde Túrik Respýblıkasynyń Premer-mınıstri R.Erdoǵan joldaǵan quttyqtaýynda Qazaqstan belsendi syrtqy saıası qyzmeti arqyly búginde halyqaralyq qoǵamdastyqtyń qurmetti múshesine aınalyp otyrǵanyn atap kórsetken.

О́z quttyqtaýynda Úndistan Respýblı­kasynyń Prezıdenti P.Mýkerdjı memleketterimiz arasyndaǵy ekijaqty qarym-qatynastar aıasynyń keńeıe túskenin jetkizgen.

«Sizdiń dana basshylyǵyńyzben Qazaqstan progreske tez jetti, al Úndistan Sizdiń elińiz­diń tabystaryna qýanady», – delingen hatta.

Koreıa Respýblıkasynyń Prezıdenti Pak Kyn He joldaǵan quttyqtaý hatta ótken jyldar ishinde Qazaqstan men Koreıanyń ózara túsinistigi men yntymaqtastyǵy aıtarlyqtaı artqany atap ótilgen.

«Men eki el halyqtarynyń ózara múddesi negizinde túrli salalardaǵy bizdiń dostyǵymyz ben izgi qarym-qatynastarymyz bolashaqta odan ári nyǵaıa beredi dep úmittenemin», – delingen quttyqtaý hatta.

Monako Knıazi Alber II merekege baılanys­ty shy­naıy tilegin joldap, eki el arasyndaǵy ózara yqpal­dastyqtyń odan ári nyǵaıa túsetinine senim bildirgen.

Shveısarııa Konfederasııasynyń Prezıdenti Ý.Maýrer memleketterimiz arasyndaǵy tabysty damyp kele jatqan senim men dostyq qarym-qatynastary aldaǵy jyldary da órkendeı túsetinine senim artqan.

О́z quttyqtaýynda Belarýs Respýblıkasy­nyń Prezıdenti A.Lýkashenko Qazaqstan-Belarýs qarym-qatynastary strategııalyq seriktestik sıpat alyp, jyl ótken saıyn aıtarlyqtaı mazmundy jáne qarqyndy bola túskenine toqtalǵan.

Ýkraına Prezıdenti V.Iаnýkovıch Memleket basshysynyń basshylyǵymen eldi júıeli jańǵyrtý jolyndaǵy joǵary nátıjelerge odan ári qol jetkizýdiń senimdi irgetasy bolyp sanalatyn ekonomıkalyq jańarýlar men áleýmettik-gýmanıtarlyq jobalar qarqyndy iske asyrylyp jatqanyn atap ótken.

О́zbekstan Respýblıkasynyń Prezıdenti I.Karımov strategııalyq seriktestiktiń berik qaǵıdattaryna, kópǵasyrlyq dostyq dástúrlerine, tatý kórshilestikke, ózara qoldaý men qurmetke negizdelgen kópjosparly Qazaqstan-О́zbekstan qarym-qatynastary kórshiles elder men halyqtardyń múddelerine saı alda da múltiksiz damı túsetinine jáne nyǵaıa beretinine senimin bildirgen.

Qyrǵyz Respýblıkasynyń Prezıdenti A.Atambaev óziniń quttyqtaý jedelhatynda eki memleket halyqtarynyń ıgiligi jolyndaǵy Qazaqstan-Qyr­ǵyzstan strategııalyq seriktestigi odan ári jan-jaqty damıtynyna jáne nyǵaıa beretinine senim bildirgen.

Túrkimenstan Prezıdenti G.Berdimuhamedov joldaǵan quttyqtaýda Qazaqstannyń táýel­sizdik jyldary saıası, ekonomıkalyq jáne áleýmettik salalarda qol jetkizgen tabystary, sondaı-aq, eki el arasynda qalyptasqan jan-jaqty qarym-qatynastardyń deńgeıi joǵary ekeni atap ótilgen.

Tájikstan Respýblıkasynyń Prezıdenti E.Rahmon dostyqtyń berik dástúrleri men ózara qurmetke negizdelgen, ǵasyrlyq tarıhı tamyry bar Qazaqstan-Tájikstan ózara yqpaldastyǵynyń qarqyndy damyp kele jatqanyn qanaǵattanýshylyqpen atap ótken.

Izgi tilekke toly hattar Reseı Federasııa­sy­nan – Ingýshetııa Respýblıkasynyń basshysy Iý.Ev­kýrovtan, Reseı Federasııasy Penza oblysynyń gýbernatory V.Bochkarevten kelip tústi.

О́z quttyqtaýlarynda AQSh Kongresiniń músheleri M.Fıspatrık, L.Lans, G.Meng jáne M.Mıdoýs Qazaqstannyń bedeli artyp kele jatqanyn, onyń Ortalyq Azııa men Aýǵanstanda turaqtylyq pen beıbitshilikti ilgeriletýdegi mańyzdy rólin, sondaı-aq, terrorızmmen halyqaralyq kúreske turaqty túrde qoldaý kórsetip otyrǵanyn atap ótken.

Buǵan qosa, Eskıshehır qalasynyń meri A.Týn Qazaqstan men Túrkııa arasyndaǵy ynty­maqtastyqtyń qarqyndy damyp kele jatqanyn atap ótip, qala túrik álemi mádenıeti astanalary mártebesin Astanadan qabyldaǵanyna qanaǵattanýshylyq bildirgen.

Halyqaralyq uıymdardyń jetekshileri de Memleket basshysynyń atyna eń izgi nıetti tilekterin joldap, jemisti yntymaqtastyqty jalǵastyrý týraly ózderiniń nıetterin bildirgen.

EýrAzEQ bas hatshysy T.Mansurovtyń quttyqtaýynda Memleket basshysynyń eýrazııalyq ıntegrasııa avtory jáne ıdeıalyq jetekshisi retindegi halyqaralyq bedeli ıntegrasııalyq úderisterdiń tabysty bolýyn aıqyndap bergeni atap ótilgen.

Sonymen qatar, óz quttyqtaýlaryn TÚRKSOI bas hatshysy D.Qaseıinov pen TMD Parlamentaralyq keńesiniń bas hatshysy A.Sergeev, Memleketaralyq avıasııa komıtetiniń tóraıymy T.Anodına, Eýropa gerontologııa jáne gerıatrııa qaýymdastyǵynyń prezıdenti V.Havınson,  «MIR» MTRK tóraǵasy R.Batyrshın joldaǵan.

 Táýelsizdik kúnine oraı quttyqtaýlardy sheteldik jáne qazaqstandyq isker toptar ókilderi joldady.

Olardyń qatarynda «RýssNeft» MK» AAQ prezıdenti M.Gýserıev, «Rosnano» AAQ basqarma tóraǵasy A.Chýbaıs, «Shevron» korporasııasy Eýrazııa bólimshesiniń basqarýshy dırektory S.Devıs, «Transneft» AK» AAQ vıse-prezıdenti V.Rýshaılo, bıznesmender B.Pakollı men A.Pakollı, «Almatyqurylys» UHK» AQ prezıdenti A.Ermegııaev, «QAZKA» Qazaqstan kásipkerleri qaýymdastyǵynyń basqarma tóraǵasy J.Janyqulov, Ońtústik Qazaqstan oblysynan «Saýts-Oıl» kompanııasynyń prezıdenti S.Seıitjanov, Shyǵys Qazaqstan oblysynan «Normal Work» JShS dırektory A.Bákimbaev bar.

«Qazmyrysh» JShS kompanııasyna qarasty myń­daǵan múshesi bar ujymdardyń atynan jol­daǵan óz hatynda kompanııanyń basqarma tór­aǵasy N.Popovıch Memleket basshysynyń adam kapıtaly máselesine kóńil qoıatynyna toqtalǵan.

Memleket basshysyn barsha azamattar úshin eń basty merekemen elimizdiń ǵylymı ıntellıgensııasy quttyqtady.

Olardyń arasynda Qazaqstan Ulttyq ǵy­lym akademııasynyń prezıdenti M.Ju­rynov, Ál-Farabı atyndaǵy Qazaq ulttyq ýnıversıtetiniń rektory Ǵ.Mutanov, Molekýlıarlyq bıologııa ınstıtýtynyń bas dırektory N.Aıthojına, Qaraǵandy memlekettik tehnıkalyq ýnıversıtetiniń rektory A.Ǵazalıev bar.

RǴA akademıgi V.Sadovnıchıı Nursultan Nazar­baevqa M.Lomonosov atyndaǵy Máskeý memlekettik ýnıversıteti men Eýrazııalyq ýnıversıtetter qaýymdastyǵynyń myńdaǵan múshesi bar ujymdary atynan quttyqtaý hat joldaǵan.

«Sizdiń halyqaralyq yntymaqtastyqty nyǵaıtý jáne eýrazııalyq ıntegrasııa ıdeıasyn ustaný jónindegi belsendi ustanymyńyzdyń arqa­synda Eýrazııalyq ekonomıkalyq odaq­ty qalyptastyrý, eýrazııalyq bilim berý keńistigin nyǵaıtý jáne damytý jónindegi progressıvti is-áreketterińiz júzege asýda», – delingen quttyqtaý hatta. Mundaı mazmundaǵy quttyqtaýlar osy ýnıversıtettiń Qazaqstandaǵy fılıalynyń professorlyq oqytýshylar quramynan da keldi.

О́z kezeginde dırektory B.Sultanov bastaǵan Qazaq­stannyń Strategııalyq zertteý­ler ınstıtýtynyń qyz­metkerleri Táýelsizdik merekesi Memleket basshy­sy­nyń esimimen tyǵyz baılanysty ekenin atap ótken.

Sondaı-aq, ózderiniń shyn júrekten shyqqan quttyqtaýlaryn jazýshy, Qazaqstan Respýblıkasy Memlekettik syılyǵynyń laýreaty S.Dosanov, Almatydan aqyn M.Aıthojına, Qazaqstan Kásip­odaq­tary federasııasynyń tóraǵasy Á.Qusaıynov, Qazaqstannyń tatar jáne bashqurt qaýymdastyǵynyń prezıdenti G.Haırýllın, Ardagerlerdiń respýb­lıkalyq keńesiniń tóraǵasy О́.Ozǵanbaev, Dúnıejúzi qazaqtary qaýymdastyǵy tóraǵasynyń birinshi orynbasary T.Mamashev joldady.

Aýǵanstan soǵysynyń múgedekteri respýb­­lıka­lyq keńesiniń tóraǵasy, Keńes Odaǵy­nyń Batyry N.Kremenısh ulttyq merekege baılanys­ty izgi nıetti quttyqtaý joldap, Táýelsizdikti elimizdiń óz taǵdyryn ózi anyq­taý­ǵa múmkindik beretin irgeli qundylyq dep ataǵan.

«Bul mereke shyn máninde bostandyq pen bizdiń memleketimizdiń kúsh-qýatynyń sımvoly bolyp tabylady. Qazaqstannyń uly tarıhyndaǵy Táýelsizdikti hal­qymyz jańa jetistikterimen jáne tabysty ja­ńarý­larymen tamasha jalǵastyrdy», – delingen hatta.

Qazaqstan Pravoslavıe shirkeýiniń basshysy, Astana jáne Qazaqstan mıtropolıti Aleksandr, Oral jáne Aqtóbe arhıepıskopy Antonıı ózderiniń quttyqtaýlarynda elimizdiń odan ári ósip-órkendeýine qatysty izgi tilekterin bildirgen.

Velosporttan Olımpıada chempıony A.Vınokýrov Nursultan Nazarbaevtyń elimizdi jańa jeńister men bıikterge senimdi bastap kele jatqanyn, sonyń arqasynda onyń ımıdji men kúmánsiz bedeli búkil álem aldynda nyǵaıa túskenin atap ótken.

Al Memleket basshysyna degen ıgi tilekterin Astana turǵyndary G.Shıshov, B.Omarov, E.Maqtaev, Mańǵystaý oblysynan T.Turova óleńmen joldaǵan.

Quttyqtaý hattary men izi nıetti tilekterin joldaǵan azamattar qatarynda Astanadan Á.Qarbaı­uly, Almaty oblysynan O.Báribekov, Almalybaq aýylyndaǵy daryndy balalarǵa arnalǵan mekteptiń 4-synyp oqýshysy E.Ǵanıuly, Jetigen aýylyndaǵy №11 mekteptiń 2-synyp oqýshysy E.Tileýbekqyzy, Aqmola oblysynan B.Ormantaev, Shymkent qalasynan O.Kómekbaev, Shyǵys Qazaqstan oblysy Semeı qalasynan E.Orazalın, Qyzylorda oblysynan S.Shymyrqulov, sondaı-aq, A.Turǵanbekov bar.

Sonymen birge, quttyqtaýlar mınıstrlikter men vedomstvolar jetekshilerinen, oblys­tar ákimderinen, Parlament palatalarynyń tóraǵalary men depýtattarynan, elshilerden, Qazaqstan Respýblıkasy ulttyq kompanııalary men memlekettik mekemeler basshylarynan kelip tústi.     

О́z atyna kelip túsken barlyq quttyq­taýlardy muqııat oqyp shyqqan Memleket basshysy Nursultan Nazarbaev izgi nıetke toly quttyqtaýlar men tilekter úshin shyn júrekten alǵysyn bildirdi.