Olımpııa alaýy Reseıdiń avtokólik óndirýmen tanymaly Tolıattı qalasynan Samaraǵa jiberildi. Bul týraly ITAR-TASS habarlady.
Tolıattı Samara oblysyndaǵy Olımpııa alaýyn qabyldaǵan ekinshi qala bolyp otyr. Mundaǵy 26 shaqyrymǵa sozylǵan qashyqtyqta Olımpııa alaýyn 130 adam alyp júrdi. Qalyń jaýǵan qarǵa qaramastan myńdaǵan qala turǵyny kóshege shyǵyp estafetany tamashalady. Birinshi bolyp Olımpııa alaýyn alyp júrý mártebesi shańǵy jarysy boıynsha burynǵy álem jáne Eýropa chempıony Anatolıı Ivanovqa buıyrdy. Ol alaýdy Bostandyq alańynan qala ákimshiligi ǵımaratyna deıin alyp keldi.
Tolıattıdegi Olımpııa alaýynyń estafetasy eki kezeńge bólindi. Oǵan qatysýshylardyń biri Danııl Ivanov alaýdy motosıkline qystyryp, Anatolıı Stepanov atyndaǵy sporttyq-tehnıkalyq kesheni ishinde muzdyń ústimen alyp júrdi.
Tolıattıdegi Olımpııa tostaǵanyn «Lada-Arena» muz alańynda qala basshysy Sergeı Andreev pen sporttyq gımnastıkadan tórt dúrkin Olımpıada chempıony Alekseı Nemov jaqty. Shamamen alty saǵatqa sozylǵan sporttyq sharanyń Tolıattıdegi kezeńi osylaısha aıaqtaldy. Oblystyń myńdaǵan turǵyny tarıhı oqıǵanyń kýágeri boldy.
Aıdar О́risbaev.
Derekkóz:Itar-tass.com
Foto: Blogspot.com